Political News

అప్పులనే చూస్తున్నారు.. ఆస్తులు చూడరా..

తెలంగాణ అసెంబ్లీలో మాజీ మంత్రి, బీఆర్ ఎస్ వ‌ర్కింగ్ ప్రెసిడెంట్‌, ఎమ్మెల్యే కేటీఆర్ సంచలన వ్యాఖ్యలు చేశారు. గవర్నర్ తమిళిసై ప్రసంగం పూర్తిగా తప్పుల తడకగా ఉందన్నారు. సభ్యుడిగా దీనికి తాను సిగ్గు పడుతున్నానన్నారు. పదేళ్లు ప్రభుత్వాన్ని నడిపిన వారి మీద నెపాన్ని నెడుతున్నారని విమర్శించారు. దీన్ని తాను ఖండిస్తున్నానన్నారు. గ‌వ‌ర్న‌ర్ త‌మిళి సై ప్ర‌సంగానికి ధ‌న్వవాదాలు తెలిపే తీర్మానం సంబ‌ర్ధంగా శ‌నివారం ఆయ‌న ప్ర‌సంగించారు.

ఈ సంద‌ర్భంగా కేటీఆర్‌.. గ‌త పాల‌న‌పై లేనిపోని అభాండాలు వేస్తున్నార‌ని చెప్పారు. గవర్నర్ ప్రసంగంలో ఒక్కటి కూడా వాస్తవం లేదన్నారు. తాము ఎప్పటికీ ప్రజాపక్షమే… అలాగే తెలంగాణ పక్షమేనన్నారు.. కాంగ్రెస్ ఎప్పటికీ విపక్షమేనని చెప్పారు. కేటీఆర్ ప్రసంగాన్ని కాంగ్రెస్ పార్టీ సభ్యులు అడ్డుకున్నారు. బీఆర్ఎస్ పాలన పైన పటారం లోన లొటారం అన్నట్లుగా ఉందని మంత్రి పొన్నం ప్ర‌భాక‌ర్‌ ఆగ్రహం వ్యక్తం చేశారు.

ఈ స‌మ‌యంలో కొంత గంద‌ర‌గోళం చోటు చేసుకుంది. త‌ర్వాత‌.. మ‌ళ్లీ స‌భలో కేటీఆర్ మాట్లాడుతూ.. విద్యుత్ విష‌యాన్ని కూడా రాజ‌కీయం చేస్తున్నార‌ని విమ‌ర్శించారు. అప్పులతో కాంగ్రెస్ రాష్ట్రాన్ని ఇచ్చింద‌ని.. కానీ, తాము రాష్ట్రాన్ని అన్ని విధాలా అభివృద్ధి చేసి అప్ప‌గిస్తున్నామ‌న్నారు. విద్యుత్ సంస్థ‌లకు భారీగా ఆస్తులు ఉన్నాయ‌ని కేటీఆర్ చెప్పారు. అప్పుల‌ను బూత‌ద్దంలో చూపిస్తున్న కాంగ్రెస్ నాయ‌కులు విద్యుత్ సంస్థ‌ల ఆస్తుల‌ను చూడ‌డం లేద‌ని వ్యంగ్యాస్త్రాలు సంధించారు.

“వాస్తవానికి ప్ర‌స్తుత కాంగ్రెస్‌ ప్ర‌భుత్వానికి మూడు మాసాల గ‌డువు ఇవ్వాల‌ని కేసీఆర్ అనుకున్నారు. కానీ, వీరి వ్య‌వ‌హార శైలి చూసిన త‌ర్వాత ఆ మాత్రం స‌మ‌యం కూడా ఇవ్వాల‌ని అనిపించ‌డం లేదు” అని కేటీఆర్ అన్నారు. కాంగ్రెస్ మంత్రులు అబ‌ద్ధాలు, అస‌త్యాలు చెబితే ఎవ‌రూ న‌మ్మ‌ర‌ని కేటీఆర్ వ్యాఖ్యానించారు. 2014కు ముందు అన్యాయం జ‌రిగింద‌నే తెలంగాణ కోసం ఉద్య‌మించామ‌ని, 50 ఏండ్ల తెలంగాణ పాల‌న‌లో ఏం జ‌రిగిందో అంద‌రికీ తెలిసిందేన‌ని చెప్పారు. అయితే, కేటీఆర్ ప్ర‌సంగం సాగుతున్న స‌మ‌యంలో మంత్రులు వివ‌ర‌ణ ఇచ్చే ప్ర‌య‌త్నం చేశారు.

This post was last modified on December 16, 2023 1:20 pm

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

53 minutes ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

1 hour ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

2 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

2 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

2 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

2 hours ago