పవన్ ‘బ్రో’కు..అంబటి కౌంటర్

కొంతకాలంగా వైసీపీ నేతలపై జనసేన అధినేత పవన్ కల్యాణ్ విమర్శలు గుప్పిస్తున్న సంగతి తెలిసిందే. వాలంటీర్ల వ్యవస్థపై పవన్ చేసిన వ్యాఖ్యల నేపథ్యంలో వైసీపీ వర్సెస్ జనసేన నేతల మధ్య మాటల యుద్ధం జరుగుతోంది. ఈ క్రమంలోనే ఈ మాటల యుద్ధం తాజాగా తారస్థాయికి చేరింది. తాజాగా పవన్ కల్యాణ్ నటించిన బ్రో సినిమాలో మంత్రి అంబటి రాంబాబుపై పవన్ పరోక్షంగా పంచ్ లు వేశారు.

ఆ చిత్రంలో పృథ్వీ రాజ్ పోషించిన శ్యాంబాబు పాత్ర‌ అంబటిపై డిజైన్ చేసినట్లు కనిపిస్తోంది. అంబటి వేసుకున్న డ్రెస్ ధరించిన పృథ్వీ గెట‌ప్, ఓ పాటలో ఆయన వేసిన స్టెప్పులు …అంబటి వేసిన డ్యాన్సులను పోలి ఉండడంతో సోషల్ మీడియాలో ఆ వీడియో వైరల్ అయింది. ఈ ఏడాది మొదట్లో సంక్రాంతి సంబ‌రాల్లో అంబటి రాంబాబు వేసిన స్టెప్పుల…తాజా స్టెప్పులు వైరల్ అయ్యాయి. ‘నెక్స్ట్ ఏంటి?’ అని పవన్ అడిగితే… స‌సెక్స్.స అని శ్యాంబాబు బదులిస్తాడు.

నీకెప్పుడూ అదే ధ్యాస‌.. అందరూ మీలా ఆలోచించరని, ఈ లలిత కళలను వదిలేయమని శ్యాంబాబుకు పవన్ పంచ్ వేస్తాడు. ఈ నేపథ్యంలోనే పవన్ పై అంబటి చేసిన ట్వీట్ వైరల్ అయింది. ‘గెలిచినోడి డాన్స్ సంక్రాంతి.. ఓడినోడి డాన్స్ కాళరాత్రి # పవన్ కల్యాణ్’ అని అంబటి ట్వీట్ చేశారు. మరి, అంబటి ట్వీట్ పై పవన్ స్పందన ఏమిటన్నది ఆసక్తిగా మారింది.