Political News

వైసీపీకి భారీ దెబ్బ‌.. 7-8 శాతం ఓట్లు గండి.. రీజ‌నేంటి..?

ఏపీలో ఎన్నిక‌ల‌కు ఇంకా స‌మ‌యం ఉన్నా.. ముంద‌స్తు కోయిల‌లు కూస్తున్నాయ‌నే సంకేతాలు వ‌స్తున్న ద‌రిమిలా.. రాష్ట్రంలో ఒక‌విధ‌మైన ఎన్నిక‌ల వాతావ‌ర‌ణం నెల‌కొంది. దీంతో ఏ పార్టీ పుంజుకుంది.. ఏ పార్టీ తిరిగి అధికారంలోకి వ‌స్తుంది? అనే ఇంట్ర‌స్టింగ్ టాపిక్ జ‌నాల మ‌ధ్య హ‌ల్చ‌ల్ చేస్తోంది. మ‌రోవైపు స‌ర్వే రాయుళ్లు కూడా.. రంగంలోకి దిగి.. ఆ పార్టీకి ఇన్ని.. ఈ పార్టికి ఇన్ని.. ఓట్లు వ‌స్తాయ‌నే లెక్క‌లు చెబుతున్నారు.

స‌రే.. ఎవ‌రు ఏం చెప్పినా.. అంతిమంగా తేలిన ఫ‌లితాన్ని బ‌ట్టి చూస్తే వైసీపీ స‌ర్కారుకు భారీ దెబ్బ త‌గిలే ప్ర‌మాదం పొంచి ఉంద‌ని తెలుస్తోంది. సుమారు 7 నుంచి 8 శాతం చొప్పున ఓటు బ్యాంకుకు గండిప‌డు తోంద‌ని అంటున్నారు. గ‌త ఎన్నిక‌ల్లో 50.91 శాతంతో పుంజుకున్న వైసీపీ.. క‌నీ వినీ ఎరుగ‌ని విజ‌యాన్ని సొంతం చేసుకుంది. ఏకంగా 151 అసెంబ్లీ స్థానాల‌ను కైవ‌సం చేసుకుంది.

అయితే.. ఇప్పుడు ఈ లెక్క మారిపోయిందని దాదాపు అన్ని స‌ర్వేరాయుళ్లు పేర్కొంటున్నారు. వీరిలో వైసీపీ అనుకూల‌.. వ్య‌తిరేక స‌ర్వేరాయుళ్లు కూడా ఉండ‌డం గ‌మ‌నార్హం. మొత్తంగా 7-8 శాతం ఓటు బ్యాంకు కోల్పోవ‌డం ఖాయ‌మ‌ని ముక్త‌కంఠంతో పేర్కొంటున్నారు. అంటే.. ఇప్ప‌టికిప్పుడు ఎన్నిక‌లు జ‌రిగితే.. వైసీపీ కేవ‌లం 42-43 శాతం ఓటు బ్యాంకుకే ప‌రిమితం అవుతుంద‌ని అంటున్నారు.

ఇదే జ‌రిగితే.. తిరిగి అధికారంలోకి రావాల‌ని భావిస్తున్న సీఎం జ‌గ‌న్ ఆశ‌లు ఏమేర‌కు సానుకూలంగా మార‌తాయి? అనేది చ‌ర్చ‌నీయాంశ‌మే. ఎందుకంటే.. గ‌త ఎన్నిక‌ల్లో కేవ‌లం 1000-2000 ఓట్ల తేడాతో 50 స్థానాల్లో వైసీపీ నాయ‌కులు గెలిచారు. కానీ, ఇప్పుడు 7 నుంచి 8 శాతం చొప్పున ఓటు బ్యాంకు త‌గ్గుతుంద‌న్నఅంచ‌నాల నేప‌థ్యంలో సుమారు 50 నుంచి 70 సీట్ల‌లో పార్టీ ఓట‌మి చెందే సూచ‌న‌లు క‌నిపిస్తున్నాయ‌ని అంటున్నారు ప‌రిశీల‌కులు. మ‌రి దీనిని అడ్డుకునేందుకు.. క‌ట్ట‌డి చేసేందుకు జ‌గ‌న్ ఎలాంటి నిర్ణ‌యాలు తీసుకుంటారో చూడాలి.

This post was last modified on July 7, 2023 5:15 pm

Share
Show comments
Published by
Satya

Recent Posts

దేశ చ‌రిత్ర‌లో.. `మ‌మ‌త` గెలిచారు… మరి ఈసీ మాటేంటి?!

సుప్రీంకోర్టులో రోజు వారీగా అనేక కేసులు విచార‌ణ‌కు వ‌స్తాయి. న్యాయ‌శాస్త్రంలో ల‌బ్ధ‌ప్ర‌తిష్టులైన అనేక మంది న్యాయ‌వాదులు వాద‌న‌లు వినిపిస్తారు. ఇది…

3 hours ago

గంపెడు సినిమాలు… గుప్పెడు అంచనాలు

రేపు కొత్త శుక్రవారం వచ్చేస్తోంది. సంక్రాంతి సినిమాల హడావిడి పూర్తిగా అయిపోవడంతో ఇప్పుడు మూవీ లవర్స్ దృష్టి వీటివైపు వెళ్లాల్సి…

3 hours ago

సినిమాల్లేవ్ కానీ అంతటా ఆమే..

బాలీవుడ్ బ్యూటీ మృణాల్ ఠాకూర్ కి విపరీతమైన ఫ్రీ పబ్లిసిటీ జరుగుతుంది. అదేంటో ఆమె సినిమాల వల్ల వచ్చిన పాపులారిటీ…

7 hours ago

మళ్లీ రెండేళ్లంటే కష్టం రాజా

ప్రేక్షకులను తన సినిమాలతో మెప్పిస్తూ యువ హీరోగా సత్తా చాటుతున్నాడు నవీన్ పొలిశెట్టి. సంక్రాంతికి అనగనగా ఒక రాజుతో వచ్చి…

11 hours ago

మహేష్ రన్నింగ్ స్టైల్ మార్చడమేంటి జక్కన్నా?

తెలుగు సినిమాలో పరిగెత్తడంలోనూ ప్రత్యేక స్టాండర్డ్ సెట్ చేసిన ఏకైక హీరో సూపర్ స్టార్ మహేష్ బాబు. అతని రన్నింగ్…

13 hours ago

దురంధర్ VS విశ్వరూపం – ఎందుకీ రచ్చ?

ఆల్ ఇండియా బ్లాక్ బస్టర్స్ లో ఒకటిగా అవతరించిన దురంధర్ తాజాగా ఓటిటిలో వచ్చాక కొత్త డిబేట్ మొదలయ్యింది. ఇంతకన్నా…

13 hours ago