ఔను.. మంచి సమయం మించిన దొరకదు. అంటారు. ఇప్పుడు జనసేన పరిస్థితి కూడా ఇలానే ఉంది. ప్ర స్తుతం ఏపీలో మంచి సమయం కొనసాగుతోంది. ప్రబుత్వ వ్యతిరేకతను అనుకూలంగా మార్చుకునే ప్రయత్నాలు చేసుకునేందుకు.. ప్రజలకు అండగా నిలిచేందుకు కూడా ఒక మంచి అవకాశం ఏర్పడింది. బహుశ దీనిని గుర్తించే టీడీపీ అధినేత చంద్రబాబు దూకుడు పెంచారు. ఒకవైపు యువగళం పేరుతో నారా లోకేష్ పాదయాత్ర చేస్తున్నారు.
మరోవైపు, చంద్రబాబు జిల్లాల పర్యటనకు వెళ్తున్నారు. ఇది పార్టీకి మేలు చేస్తోందనే టాక్ కూడా వినిపిస్తోంది. ఇదిలావుంటే.. వచ్చే ఎన్నికల్లో అధికారంలోకి వస్తానని చెప్పిన జనసేన అధినేత పవన్ కళ్యాణ్. ఈ గ్యాప్ను తనకు అనుకూలంగా మార్చుకోవడంలో ఎక్కడో విఫలమవుతున్నారనే వాదన బలంగా వినిపిస్తుండడం గమనార్హం. ఈ వాదనలు ఎలా ఉన్నా ఆయన మాత్రం.. సినిమా షూటింగులకు పరిమితం అయ్యారు.
పోనీ.. క్షేత్రస్థాయిలో పార్టీని నడిపిస్తున్నారా? అంటే.. అది కూడా కనిపించడం లేదు. తనకు కుదరకపోతే .. ఇతర నేతలను రంగంలోకి దింపి.. పార్టీని బలోపేతం చేసుకునే అవకాశం ఉంది. అయితే.. ఆయన ఎక్కడా ఎలాంటి వ్యూహంతోనూ ముందుకు సాగడం లేదు. పైగా.. ఇంకేముంది.. వారాహి వాహనాన్ని రంగం లోకి దింపుతున్నట్టు ప్రకటించారు. త్వరలోనే యాత్రలు సాగిస్తానన్నారు. దీంతో పార్టీలోనూ.. అభిమానుల్లోనూ ఆశలు పెల్లుబికాయి.
కానీ, ఇప్పటి వరకు వారాహి.. రంగంలోకి దిగింది లేదు. పోనీ.. ఎప్పుడు రంగంలోకి దిగుతుందనే విషయం పైనా క్లారిటీ లేదు. అంతిమంగా చూస్తే.. జనసేన పార్టీ ఒక వ్యూహం లేని.. ఒక సూత్రం లేని పార్టీగా మిగిలి పోవడం ఖాయమని అంటున్నారు పరిశీలకులు. మరి ఇప్పటికైనా.. ఆయన ఒక నిర్ణయంతీసుకుంటారో .. లేక ఎన్నికల వరకు వేచి ఉంటారో చూడాలి. ఎన్నికలకు మరో ఏడాది కూడా సమయం లేదు. దీంతో వ్యక్తిగతంగా పార్టీని డెవలప్ చేసే విషయంపై ఇప్పటి వరకు పవన్ నిర్ణయం తీసుకోక పోవడం గమనార్హం.
This post was last modified on April 30, 2023 12:22 pm
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…
ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…
కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్లోనూ ఉపయోగించే ఆలోచన…
ధోనీ బ్యాటింగ్కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…
డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…