అంచనాలు నిజమవుతున్నాయి. కొత్త ఆశలు చిగురిస్తున్నాయి. ప్రపంచానికి పెను ప్రమాదకరంగా మారిన కోవిడ్ 19కు చెక్ చెప్పేందుకు పడుతున్న కష్టం అంతా ఇంతా కాదు. యావత్ ప్రపంచం ఒకే సమయంలో ఒకేలాంటి సమస్య మీద యుద్ధం చేసిన మొదటిసారిగా చెప్పాలి. ఈ మహమ్మారికి చెక్ చెప్పేందుకు ప్రపంచ వ్యాప్తంగా దగ్గర దగ్గర 120కు పైగా వ్యాక్సిన్ ప్రయోగాలు సాగుతున్నాయి. ఇంత భారీగా సాగుతున్నా.. ఆరు వ్యాక్సిన్ ప్రయోగాల మీదనే ప్రపంచం చాలా ఆశలుపెట్టుకుంది. అందునా ఆక్స్ ఫర్డ్ యూనివర్సిటీ.. ఆస్త్రా జెనెకా ఫార్మా కంపెనీ కలిసి తయారు చేస్తున్న వ్యాక్సిన్ మీదనే బోలెడన్ని అంచనాలు ఉన్నాయి.
అందరి ఆశల్నినిజం చేస్తూ.. తాజాగా ఆక్స్ ఫర్డ్ తయారు చేస్తున్న వ్యాక్సిన్ హ్యుమన్ ట్రయల్స్ సక్సెస్ ఫుల్ అయినట్లుగా ప్రముఖ మెడికల్ జర్నల్ ది లాన్సెట్ పేర్కొంది. ఒక వ్యాక్సిన్ తయారు చేసేందుకు ఐదారేళ్ల సమయం పడుతుంది. కొన్ని సందర్భాల్లో అంతకంటే ఎక్కువ సమయం తీసుకునే పరిస్థితి. ఇప్పుడున్న ప్రత్యేక పరిస్థితుల్లో గతంలో మరెప్పుడు జరగనంత పెద్ద ఎత్తున కరోనా వ్యాక్సిన్ కోసం ప్రయోగాలు నిర్వహిస్తున్నారు.
దీనికి సంబంధించి ప్రయోగాలు పలు దశల్లో ఉన్నాయి. పలు వ్యాక్సిన్లు హ్యుమన్ ట్రయల్స్ లో ఉన్నాయి. ఆక్స్ ఫర్ట్ ఇటీవల నిర్వహించిన హ్యుమన్ ట్రయల్స్ విజయవంతమైనట్లు పేర్కొంది. వారు డెవలప్ చేసిన ChAdOx1 nCoV-19 తో అద్భుత ఫలితాలు వస్తున్నట్లుగా శాస్త్రవేత్తలు పేర్కొన్నట్లు వెల్లడించింది.
వ్యాక్సిన్ తీసుకున్న వాలంటీర్లు యాంటీ బాడీలు తయారు కావటమే కాదు.. కరోనా వైరస్ ను సమర్థవంతంగా ఎదుర్కొనేంత రోగనిరోధక శక్తిని సంపాదించినట్లుగా చెబుతున్నారు. సైడ్ ఎఫెక్ట్స్ కూడా పెద్దగా లేవన్న వారు.. వ్యాక్సిన్ వేసుకున్న తర్వాత తలనొప్పి.. జ్వరం లాంటి లక్షణాలు కనిపించినట్లుగా పేర్కొన్నారు. అయితే.. ఈ వ్యాక్సిన్ ఎంతకాలం పని చేస్తుందన్న విషయంపై రానున్న రోజుల్లో చేసే ప్రయోగాల్లో స్పష్టమవుతుందని చెబుతున్నారు. దారంతా చీకటిగా మారిన వేళ.. చిన్న వెలుగు సైతం కొత్త ఆశల్ని చిగురించేలా చేస్తాయి. ప్రస్తుత పరిస్థితి ఇంచుమించు అలాంటిదే.
This post was last modified on July 20, 2020 10:30 pm
ఇప్పుడు ఇండస్ట్రీలో చాలా విషయాల మీద వేడి వేడి చర్చలు జరుగుతున్నాయి. సింగల్ స్క్రీన్లకు పర్సెంటెజ్ ఇవ్వడం, పేరు మోసిన…
అల.. వైకుంఠపురములో.. తర్వాత పాన్ ఇండియా హీరోయిన్ అయిపోయిందనుకున్న టైమ్లో వరుస డిజాస్టర్లు పూజా కెరీర్ని రివర్స్లో తిప్పేశాయి. రాధేశ్యామ్,…
ఏపీ సీఎం చంద్రబాబుకు కేంద్రం చేసిన ప్రతిపాదన తీవ్ర సంకట స్థితిలోకి నెట్టేసింది. పాలమూరు-రంగారెడ్డి ప్రాజెక్టుకు అనుమతి ఇవ్వాలంటూ.. కేంద్ర…
దాదాపు రెండేళ్ల తర్వాత.. ఏపీలో మరోసారి ఎన్నికలకు రంగం రెడీ అవుతోంది. గ్రామ పంచాయతీ సహా.. స్థానిక సంస్థల ఎన్నికలకు…
పెద్ది రీ రికార్డింగ్ ఎక్కడిదాకా వచ్చిందో ఇంకా క్లారిటీ లేదు. అడుగుదామంటే దర్శకుడు బుచ్చిబాబు బయట కనిపించే పరిస్థితిలో లేరు.…
తెలంగాణలోని సింగిల్ థియేటర్లలో అద్దె విధానానికి స్వస్తి పలికి పర్సంటేజీ పద్ధతిని తీసుకురావాలని ఇక్కడి ఎగ్జిబిటర్లు ఎప్పట్నుంచో డిమాండ్ చేస్తూ…