Political News

త‌గ్గేదేలే.. 175/175 ఎందుకు రావు: జ‌గ‌న్ కామెంట్స్‌

ఏపీ సీఎం జ‌గ‌న్ ఎక్క‌డా త‌గ్గ‌డం లేదు. వ‌చ్చే ఎన్నిక‌ల్లో రాష్ట్రం మొత్తం క్లీన్ స్వీప్ చేయాల‌నే ల‌క్ష్యాన్ని ఆయ‌న మ‌ళ్లీ మ‌ళ్లీ నాయ‌కుల‌కు, కార్య‌క‌ర్త‌ల‌కు చెబుతున్నారు. తాజాగా ఉమ్మ‌డి ప్ర‌కాశం జిల్లా అద్దంకి నియోజ‌క‌వ‌ర్గంపై ఆయ‌న స‌మీక్షించారు. వాస్త‌వానికి ఇక్క‌డ ప్ర‌స్తుతం టీడీపీ ఎమ్మెల్యే గొట్టిపాటి ర‌వికుమార్ ఎమ్మెల్యేగా ఉన్నారు. బ‌ల‌మైన నాయ‌కుడిగా ఆయ‌న‌కు పేరుంది. అయితే.. ఈ నియోజ‌క‌వ‌ర్గంలోనూ గెలిచి తీరాల‌ని.. జ‌గ‌న్ ల‌క్ష్యం నిర్ణ‌యించారు.

అద్దంకి నియోజకవర్గంలో మునుపెన్నడూ లేని రీతిలో విజయం సాధించాలని సీఎం అన్నారు. క్యాంపు కార్యాలయంలో అద్దంకి నియోజకవర్గ కార్యకర్తలతో సమావేశమైన సీఎం.. అందరం కష్టపడి వచ్చే ఎన్నికల్లో 175కి 175 సీట్లు సాధించాలన్నారు. 19 నెలల్లో ఎన్నికలు రానున్నాయని, పార్టీని గ్రామస్థాయి నుంచి సన్నద్ధం చేయాల్సిన అవసరం ఉందని దిశానిర్దేశం చేశారు. పార్టీలో ఏమైనా సమస్యలు ఉంటే.. కుటుంబంగా వాటిని పరిష్కరించుకుని ముందుకు నడవాలని కార్యకర్తలకు ముఖ్యమంత్రి జగన్ దిశానిర్దేశం చేశారు.

ఇకపై వేసే ప్రతి అడుగూ ఎన్నికల దిశగా ఉండాలన్నారు. ఒకరికొకరు తోడుగా ఉంటూ.. అందరం కలిసికట్టుగా ఉంటేనే మంచి విజయాలు సాధిస్తామన్నారు. డీబీటీ ద్వారా ప్రతి ఇంటికీ మేలు చేశామన్న సీఎం.. అద్దంకి నియోజకవర్గంలో ఈ మూడు సంవత్సరాల కాలంలో రూ.1081 కోట్లు ఇచ్చామని.. 93,124 కుటుంబాలకు మేలు చేశామన్నారు. 6,382 మందికి ఇళ్లు, 9,368 మందికి ఇళ్ల పట్టాలు ఇచ్చామని.. 47,123 మందికి బియ్యం కార్డులు మంజూరు చేశామన్నారు.

ఇదే ప్ర‌చారం చేయాల‌ని.. జ‌గ‌న్ త‌న కార్య‌క‌ర్త‌ల‌కు.. నాయ‌కుల‌కు సూచించారు. గ‌డ‌ప‌గ‌డ‌ప కు మ‌న ప్ర‌భుత్వం అంటే.. కేవ‌లం నాయ‌కుల‌కే ప‌రిమితం కాదు.. కార్య‌క‌ర్త‌లు కూడా ఈ బాధ్య‌త తీసుకోవాలి. అప్పుడే.. పార్టీ గెలుస్తుంది. ప్ర‌భుత్వం చేస్తున్న మేళ్లు ప్ర‌జ‌ల్లోకి వెళ్తాయి. ఈ విష‌యాన్ని ప్ర‌తి ఒక్క‌రూ గుర్తు పెట్టుకోవాలి.. అని జ‌గ‌న్ సూచించారు. బుధ‌వారం పొద్దు పోయే వ‌ర‌కు నిర్వ‌హించిన ఈ స‌మావేశానికి నియోజ‌క‌వ‌ర్గం నుంచి భారీ ఎత్తున కార్య‌క‌ర్త‌లు త‌ర‌లి రావ‌డం గ‌మ‌నార్హం. వ‌చ్చే ఎన్నిక‌ల్లో మాజీ ఎమ్మెల్యే గ‌ర‌ట‌య్య కుమారుడికి టికెట్ ఇవ్వాల‌ని జ‌గ‌న్ నిర్ణ‌యించారు.

This post was last modified on October 20, 2022 9:52 am

Share
Show comments
Published by
Satya

Recent Posts

చిన్న నటుడే కానీ పెద్ద నిజం చెప్పాడు

పెళ్లి చూపులు, జాతి రత్నాలు టైంలో బిజీ ఆర్టిస్టుగా మారిపోయిన రాహుల్ రామకృష్ణ ఈ మధ్య కనిపించడం తగ్గించేశాడు. అడపాదడపా…

5 minutes ago

కేంద్రంతో క‌లుస్తాం.. మోడీతో కాదు: రేవంత్ అంత‌రంగం

హైద‌రాబాద్ ప‌ర్య‌ట‌న‌లో ప్ర‌ధాని న‌రేంద్ర మోడీ చేసిన వ్యాఖ్య‌లు.. రాజ‌కీయంగా చ‌ర్చ‌కు దారి తీసిన విష‌యం తెలిసిందే. నువ్వు నాతో…

12 minutes ago

తారక్ ఫ్యాన్స్‌కు ఆ రోజు నిద్ర ఉండదు

మే నెల అంటే నందమూరి అభిమానులకు చాలా స్పెషల్. ఈ నెలలోనే లెజెండరీ నటుడు, మాజీ ముఖ్యమంత్రి నందమూరి తారక…

2 hours ago

‘పోకిరి’లో ఆ ట్రాక్ పూరి తీసేద్దామనుకుంటే..

టాలీవుడ్ ఆల్ టైం బిగ్గెస్ట్ బ్లాక్ బస్టర్లలో ‘పోకిరి’ ఒకటి. 2006 వేసవిలో విడుదలైన ఈ చిత్రం అప్పటి కలెక్షన్లు,…

3 hours ago

ఇక రాంబాబు రానట్టే

సౌత్ ఇండియాలో మోస్ట్ అవైటెడ్ సీక్వెల్స్‌లో ఒకటైన ‘దృశ్యం-3’ ఇంకో పది రోజుల్లోపే ప్రేక్షకుల ముందుకు రాబోతోంది. ఏప్రిల్ 2కే…

4 hours ago

వెంకీ మాట విన‌క‌పోవ‌డంతోనే ఆ ఫ్లాప్

తెలుగు సినీ చ‌రిత్ర‌లోనే అత్యంత హైప్ మ‌ధ్య విడుద‌లైన చిత్రాల్లో.. దేవిపుత్రుడు ఒక‌టి. 2001 సంక్రాంతికి మృగ‌రాజు, న‌ర‌సింహ‌నాయుడు లాంటి…

6 hours ago