Political News

వైసీపీకి బాబు-బాల‌య్య మాస్టర్ స్ట్రోక్


ఆంధ్ర‌ప్ర‌దేశ్ మాజీ ముఖ్య‌మంత్రి, తెలుగుదేశం అధినేత నారా చంద్ర‌బాబు నాయుడిని ప్ర‌ధానంగా రాజ‌కీయ ప్ర‌త్య‌ర్థులు టార్గెట్ చేసే విష‌యం.. వెన్నుపోటు. పిల్ల‌నిచ్చి, పార్టీలో కీల‌క స్థానం ఇచ్చిన మామ ఎన్టీఆర్ నుంచి పార్టీని, ముఖ్య‌మంత్రి ప‌ద‌విని లాక్కున్నాడ‌ని చంద్ర‌బాబు మీద ఎన్నో ఏళ్ల నుంచి ప్ర‌త్య‌ర్థి పార్టీల నాయ‌కులు విమ‌ర్శలు, ఆరోప‌ణ‌లు చేస్తూనే ఉన్నారు. ఆ రోజున్న ప‌రిస్థితుల్లో త‌ప్ప‌క అలా చేయాల్సి వ‌చ్చింద‌ని చంద్ర‌బాబు కొన్ని సంద‌ర్భాల్లో వివ‌ర‌ణ ఇచ్చే ప్ర‌య‌త్నం చేసినా అది పెద్ద‌గా హైలైట్ కాలేదు.

నిజానికి ఆ ప‌రిణామం జ‌రిగిన కొన్నేళ్ల‌కే జ‌రిగిన‌ ఎన్నిక‌ల్లో చంద్ర‌బాబుకు అధికారం క‌ట్ట‌బెట్ట‌డాన్ని బ‌ట్టి ఆ విష‌యాన్ని ప్ర‌జ‌లు కూడా అర్థం చేసుకున్నార‌ని, ఆమోదించార‌ని భావించ‌వ‌చ్చు. కానీ ఇన్నేళ్ల త‌ర్వాత కూడా వైసీపీ అదే విష‌యాన్ని లేవ‌నెత్తి చంద్ర‌బాబును వెన్నుపోటుదారుడిగా అభివ‌ర్ణిస్తూ విమ‌ర్శ‌లు, ఆరోప‌ణ‌లు చేస్తుంటుంది.

ఐతే ఇలాంటి విష‌యాల్లో మౌనం వ‌హించ‌డం వ‌ల్ల లాభం లేద‌ని చంద్ర‌బాబుకు ఎట్ట‌కేల‌కు అర్థ‌మైన‌ట్లుంది. అందుకే ఆ ఎపిసోడ్ గురించి ప్ర‌జ‌ల‌కు వివ‌రించి చెప్పాల‌ని ఆయ‌న డిసైడైన‌ట్లున్నారు. మామూలుగా ఒక ప్రెస్ మీట్ పెట్టో, లేదంటే ఏదైనా రాజ‌కీయ స‌భ‌లోనో దీని గురించి వివ‌రిస్తే జ‌నాల‌కు స‌రిగా రీచ్ కాక‌పోవ‌చ్చు. అందుకే బాల‌య్య సూప‌ర్ హిట్ టాక్ షో అన్‌స్టాప‌బుల్‌ను వేదిక‌గా ఎంచుకున్నారు. ఈ కార్య‌క్ర‌మం ద్వారా ఈ విష‌యాన్ని వివ‌రిస్తే దాని రీచ్‌యే వేరుగా ఉంటుంద‌ని తెలివిగానే ప‌సిగ‌ట్టారు. షోకు వ‌చ్చామా నాలుగు త‌మాషా క‌బుర్లు చెప్పామా అని కాకుండా ఇలాంటి వివాదాస్ప‌ద అంశాన్ని ఎంచుకుని స‌వివ‌రంగా అస‌లేం జ‌రిగిందో, ఏ ప‌రిస్థితుల్లో తాను అలా చేయాల్సి వ‌చ్చిందో వివ‌రించాల‌ని అనుకోవ‌డం చంద్ర‌బాబు వేసిన మంచి ఎత్తుగ‌డ‌గా భావించాలి.

ఇది వైసీపీకి బాబు-బాల‌య్య క‌లిసి ఇస్తున్న మాస్ట‌ర్ స్ట్రోక్‌గా భావించ‌వ‌చ్చు. అలాగే నారా లోకేష్ అమ్మాయిల‌తో క‌లిసి దిగిన కొన్ని రొమాంటిక్ ఫొటోల విష‌యంలోనూ వైసీపీ ఎప్పుడూ విమ‌ర్శ‌లు చేస్తుంటుంది. దానికి కూడా ఈ కార్య‌క్ర‌మంలో లోకేష్ వివ‌ర‌ణ ఇవ్వాల‌ని నిర్ణ‌యించుకున్నాడు. ఈ రెండు విష‌యాల్లో జ‌నాల‌కు స్ప‌ష్ట‌త ఇవ్వాల‌ని తండ్రీ కొడుకులు భావించ‌డం మంచి విష‌య‌మే. ఈ ఎపిసోడ్ కోసం తెలుగుదేశం మ‌ద్ద‌తుదారులే కాదు, సామాన్య జ‌నాలు.. ఇంకా చెప్పాలంటే వైసీపీ వాళ్లు కూడా ఎదురు చూసేలా అదిరిపోయే ప్రోమోను క‌ట్ చేశారు.

This post was last modified on October 11, 2022 10:54 pm

Share

Recent Posts

ఇకపై బైకులకు కూడా సేఫ్టీ ఎయిర్‌బ్యాగ్స్

కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్‌బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్‌లోనూ ఉపయోగించే ఆలోచన…

24 minutes ago

ధోనీ ఎందుకింత స్పెషల్?

ధోనీ బ్యాటింగ్‌కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…

24 minutes ago

ఈసీ vs యోగి… ఇది ఊహించలేదే..!

డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…

35 minutes ago

ధోనీ లేకుండా CSK… ఇప్పుడు మారాల్సింది ఏంటి?

ఐపీఎల్‌లో చెన్నై సూపర్ కింగ్స్‌కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…

45 minutes ago

అంతా ఎప్పటిలాగే ఉంటుందని చెప్పనన్న నాదెళ్ల

మైక్రోసాఫ్ట్‌ లో ఉద్యోగాలపై సీఈవో సత్య నాదెళ్ల కూడా హామీ ఇవ్వలేకపోతున్నారు. భారత్ సహా నాలుగు దేశాల్లో ఉద్యోగులకు కంపెనీ…

1 hour ago

మాట నిలబెట్టుకోవడానికి కింగ్ పరుగులు

లెనిన్ నుంచి ఇట్లు అర్జున దాకా నాగార్జున పలు సందర్భాల్లో టాలీవుడ్ దర్శక నిర్మాతలు పనులు వేగవంతం చేసుకోవడం గురించి…

1 hour ago