గుడివాడ ఎమ్మెల్యే, మాజీ మంత్రి, వైసీపీ ఫైర్ బ్రాండ్ నేత కొడాలి నానిపై టీడీపీ నేతలు కొద్ది రోజులుగా తీవ్ర ఆగ్రహం వ్యక్తం చేస్తున్న సంగతి తెలిసిందే. టీడీపీ అధినేత నారా చంద్రబాబు నాయుడు, ఆయన తనయుడు నారా లోకేష్ లను టార్గెట్ చేస్తూ కొడాలి నాని చేసే అసభ్యకర వ్యాఖ్యలపై టీడీపీ నేతలు మండిపడుతున్నారు. గతంలో ఆ వ్యాఖ్యలకు కౌంటర్ ఇచ్చి సైలెంట్ అయ్యే టీడీపీ నేతలు..ఇటీవలి కాలంలో కొడాలి నానిపై కేసు పెట్టే వరకూ వెళ్లారు.
ఈ క్రమంలోనే రాబోయే ఎన్నికల్లో గుడివాడలో కొడాలి నానిని ఎలాగైనా ఓడించాలని టీడీపీ అధినేత చంద్రబాబు, టీడీపీ నేతలు కంకణం కట్టుకున్నారట. నాని ఓటమే లక్ష్యంగా ఆపరేషన్ కొడాలి నానికి చంద్రబాబు శ్రీకారం చుట్టారట. అయితే, గుడివాడలో పాతుకుపోయిన కొడాలి నానిపై పోటీ చేసేందుకు ఎవరిని రంగంలోకి దింపాలి అని చంద్రబాబు ఇప్పట్నుంచే సన్నాహాలు మొదలుపెట్టారట. గుడివాడలో టీడీపీ గెలుపును ప్రతిష్టాత్మకంగా తీసుకున్న చంద్రబాబు అక్కడ కొడాలి నానిని దీటుగా ఎదురుకోగల్గిన నేతకు టికెట్ ఇవ్వాలని అనుకుంటున్నారట.
వాస్తవానికి వంగవీటి రాధాను…కొడాలి నానిపై పోటీకి దించాలని గతంలో చంద్రబాబు భావించారట. అయితే, కొడాలి నాని…రాధాల మధ్య స్నేహబంధం మరింత బలపడడంతో ఆ ఆలోచనను చంద్రబాబు విరమించుకున్నట్టు తెలుస్తోంది. ఈ క్రమంలోనే కొడాలి నానిపై పోటీకి తాను సిద్ధమంటూ ప్రకటించిన దేవినేని ఉమకే గుడివాడ టికెట్ ఇవ్వాలని చంద్రబాబు ఫిక్స్ అయినట్టు తెలుస్తోంది. ఒకవేళ జనసేనతో టీడీపీకి పొత్తు ఉన్నా సరే కొడాలి నానిని ఓడించాలని పవన్ కళ్యాణ్ కూడా కృతనిశ్చయంతో ఉన్నారు కాబట్టి ఉమ అభ్యర్థిత్వాన్ని పవన్ కూడా బలపరుస్తారని అనుకుంటున్నారట.
పొత్తు కుదిరితే గుడివాడ టికెట్ ను జనసేన వదులుకునేందుకు సిద్ధంగా ఉండే అవకాశాలే ఎక్కువగా ఉన్నాయని చంద్రబాబు అనుకుంటున్నారట. ఆపరేషన్ కొడాలి నాని సక్సెస్ అవుతుందా? కొడాలికి దేవినేని చెక్ పెడతారా? చంద్రబాబు, టీడీపీ నేతల ప్లాన్ వర్కౌట్ అవుతుందా? అన్నది తేలాలంటే మరికొంత కాలం వేచి చూడక తప్పదు.
This post was last modified on September 29, 2022 10:21 pm
చిన్నారి పెళ్ళికూతురు సీరియల్తో చిన్న వయసులోనే దేశవ్యాప్తంగా భారీగా అభిమాన గణాన్ని సంపాదించుకున్న అమ్మాయి అవికా గోర్. ఆ గుర్తింపుతోనే…
నందమూరి అభిమానులు ఎన్నో ఏళ్ల నుంచి ఎదురు చూస్తున్న ప్రకటన రానే వచ్చింది. నందమూరి బాలకృష్ణ ముద్దుల తనయుడు మోక్షజ్ఞ…
టీడీపీ నాయకుడు, ఎమ్మెల్యే ఆదిమూలంపై వచ్చిన ఆరోపణలతో రాజకీయంగా వైసీపీ పుంజుకునే అవకాశం వచ్చిందనే చర్చ జరిగింది. నిన్న మొన్నటి…
బెంగళూరులో స్థానికేతరుల ఆధిపత్యం గురించి లోకల్స్ గొడవ చేయడం ఎప్పట్నుంచో ఉన్న సమస్య. ఈ మధ్య ఈ గొడవ మరింత…
వేసవిలో టాలీవుడ్ బాక్సాఫీస్ వెలవెలబోయాక ‘కల్కి’ జోరుతో కొంచెం కోలుకుంది. ఇటీవల ‘సరిపోదా శనివారం’ కొంత ఉత్సాహాన్నిచ్చింది. భారీ వర్షాల్లోనూ…
ఏపీ మాజీ సీఎం, వైసీపీ అధినేత జగన్ చాలా చాలా వెనుకబడి పోయారు. 11 మంది ఎమ్మెల్యేలు, 13 మం…