Political News

మా అమ్మాయిని పెళ్లి చేసుకుంటావా? రాహుల్‌

ఎప్పుడూ గంభీరంగా ఉండే.. కాంగ్రెస్ అగ్ర‌నేత రాహుల్ గాంధీలో సిగ్గు మొగ్గ‌లేసింది. అది కూడా అత్యంత కీల‌క‌మైన, సీరియ‌స్ కార్య‌క్ర‌మం భార‌త్ జోడో యాత్ర‌లో ఉన్న స‌మ‌యంలో ఆయ‌న తెగ సిగ్గుప‌డిపోయారు. దీనికి కార‌ణం.. ఈ యాత్ర స‌మ‌యంలో అనూహ్యంగా రాహుల్ గాంధీకి పెళ్లి ప్ర‌స్తావ‌న రావ‌డ‌మే. అది కూడా మా అమ్మాయిని ఇస్తాం అంటూ.. త‌మిళ‌నాడు మ‌హిళ లు అనూహ్య‌మైన ఆఫ‌ర్ ఇవ్వ‌డ‌మే. దీంతో ఆయ‌న బిడియంతో కూడిన సిగ్గుతో ఒక్క‌సారిగా ఆనందం వ్య‌క్తం చేశారు.

రాహుల్‌ గాంధీ నాయకత్వంలో కాంగ్రెస్‌ పార్టీ చేపట్టిన భారత్‌ జోడో యాత్ర ఆదివారం కన్యాకుమారి జిల్లా ములగమూడు పట్టణ పంచాయతీ నుంచి మొదలైంది. మధ్యాహ్నం అదే జిల్లా మార్తాండం ప్రాంతంలో భోజన విరామం తీసుకున్నారు. ఈ సందర్భంగా ఉపాధి హామీ మహిళా కూలీలతో ప్రత్యేకంగా భేటీ అయ్యారు. వారి సంపాదన, కుటుంబ స్థితిగతులు, తీసుకురావాల్సిన మార్పు తదితర అంశాలపై ముచ్చటించారు. ఉపాధి హామీ ప‌థ‌కాన్ని త‌మ నేతృత్వంలోని యూపీఏ స‌ర్కారు హ‌యాంలోనే తీసుకువ‌చ్చిన సంగ‌తి తెలుసా? తెలియ‌దా? అని ఆయ‌న ప్ర‌శ్నించారు.

అయితే… మాటల మధ్యలో ఓ మహిళ రాహుల్‌ పెళ్లి ప్రస్తావనను తీసుకొచ్చారు. “మీరు తమిళనాడును ప్రేమిస్తారని మాకు తెలుసు. మీరు ఇంకా పెళ్లి చేసుకోలేదు. మా అమ్మాయి.. మా తమిళనాడుకు చెందిన‌ యువతితో మీకు వివాహం చేయడానికి మేం సిద్ధంగా ఉన్నాం. మీరు ఏమంటారు? ఇష్ట‌మైతే చెప్పండి.. మేం వ‌చ్చి.. మీ అమ్మ‌గారితో మాట్లాడ‌తాం” అని ఓ మహిళ రాహుల్‌ గాంధీతో అన్నారు. అయితే.. దీనికి రాహుల్ ఎలాంటి స‌మాధానం చెప్పేలేదు.

కొద్దిసేపు మౌనంగా ఉండిపోయార‌ట రాహుల్‌. అంతేకాదు.. ఆయ‌న ముఖంలో బిడియంతో కూడిన సిగ్గు స్ప‌ష్టంగా క‌నిపించింద‌ని కాంగ్రెస్‌ సీనియర్‌ నేత జైరాం రమేశ్‌ ట్విట్టర్లో వెల్లడించారు. మ‌హిళ‌లు పెళ్లి ప్ర‌స్తావ‌న తీసుకురావ‌డం, వారితో రాహుల్‌ మాట్లాడుతున్న సమయంలో ఆయ‌న‌ చాలా ఉత్సాహంగా కనిపించినట్లు ఆయన చెప్పారు. ఆ సన్నివేశానికి అద్దంపట్టే రెండు ఫొటోలను తన ట్వీట్‌కు జత చేశారు. ఇదీ.. సంగ‌తి!!

This post was last modified on September 11, 2022 9:49 pm

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

1 hour ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

1 hour ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

2 hours ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

2 hours ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

2 hours ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

2 hours ago