జనసేన అధినేత పవన్ కల్యాణ్ వైఖరి చాలా విచిత్రంగా ఉంది. తెలంగాణాలోని నేతలతో మాట్లాడుతూ రాబోయే ఎన్నికల్లో పోటీచేయటానికి అందరు సిద్దంగా ఉండాలని పిలుపిచ్చారు. నేతలకు, కార్యకర్తలకు అవసరమైన రాజకీయ శిక్షణా శిబిరాలను నిర్వహించబోతున్నట్లు చెప్పారు. ఇక్కడ గమనించాల్సిందేమంటే తెలంగాణాను పక్కనపెట్టేస్తే అసలు ఏపీలోనే పార్టీ నిర్మాణం జరగలేదు. పార్టీ ఏర్పాటై పదేళ్ళయినా ఇంతవరకు గ్రామస్ధాయినుండి రాష్ట్రస్ధాయివరకు అసలు పార్టీ పూర్తిస్ధాయి కమిటిలనే నియమించలేదు.
పార్టీ కమిటీలను నియమించటం పవన్ చేతిలోని పని. ఇలాంటి కమిటీలనే వేయలేని పవన్ రాబోయే తెలంగాణా ఎన్నికల్లో పోటీకి రెడీగా ఉండాలని పిలుపివ్వటమే విచిత్రంగా ఉంది. ఏపీలో పేరుకు మిత్రపక్షమైన బీజేపీతో పవన్ కు సరైన సంబంధాలు లేవని అందరికీ తెలుసు. ఎప్పుడెప్పుడు విడిపోదామా అన్నపద్దతిలో రెండుపార్టీలు ఉన్నట్లు ప్రచారం అందరికీ తెలిసిందే. ఈ నేపధ్యంలో ఏపీలో పోటీకే జనసేనపార్టీకి దిక్కులేదు. ఎందుకంటే ఇప్పటికిప్పుడు ఎన్నికలు జరిగితే పట్టుమని 20 నియోజకవర్గాల్లో కూడా గట్టి అభ్యర్ధులు దొరకుతారా అనేది డౌటే.
ఇలాంటి సమయంలో పవన్ రాజకీయ దృష్టంతా ఏపీ మీదే ఉన్నది వాస్తవం. తెలంగాణాలో పార్టీ తరపున కార్యకలాపాలు దాదాపు ఏమీ జరగటంలేదు. ఇంతోటిదానికి ఎన్నికల్లో పోటీచేయటానికి రెడీగా ఉండమని నేతలకు చెప్పటమే ఆశ్చర్యంగా ఉంది. తెలంగాణా ఎన్నికల్లో ఒంటరిగా పోటీచేస్తారా ? లేకపోతే బీజేపీతో పొత్తు పెట్టుకుంటారా అన్నది తెలీదు. ఎందుకంటే తెలంగాణాలో బీజేపీతో జనసేనకు పొత్తులేదన్న విషయం అందరికీ తెలిసిందే.
ఏడాదిన్నరలో ఎన్నికలు జరగబోతున్న తెలంగాణాలో పోటీచేయటమంటే మామూలు విషయంకాదు. ఎన్నికల్లో పోటీచేస్తే జనసేనకు వచ్చే ప్లస్సు, మైనస్సు ఏమిటో కూడా ఎవరికీ తెలీదు. ఈ విషయంలో కనీసం పవన్ కైనా అవగాహన ఉందా అనేది సందేహంగా ఉంది. ఎన్నికల్లో తనను చూసి పార్టీకి ఓట్లేసేస్తారనే భ్రమల్లో పవన్ ఉన్నారా అనే అనుమానాలు పెరిగిపోతున్నాయి. ఎన్నికల్లో గెలవాలంటే గ్రామస్ధాయి, బూత్ స్ధాయి కమిటీలు ఎంత కీలకమో పవన్ ఇంకా గుర్తించినట్లు లేదు. జనాలను పోలింగ్ కేంద్రాలకు తీసుకొచ్చి ఓట్లేయించుకునే యంత్రాంగం లేనపుడు అధినేతకు ఎంతటి ఛరిష్మా ఉన్నా ఉపయోగముండదు.
This post was last modified on June 25, 2022 10:11 am
గుడివాడలో విజయం కోసం నాని నానాపాట్లు పడుతున్నారు. తన అనుచరుల ఆగడాలను కప్పిపుచ్చుకునేందుకు, ప్రభుత్వంపై వ్యతిరేకతను తగ్గించేందుకు కష్టపడుతున్నారు. కానీ…
స్టార్ డైరెక్టర్లకు శిష్యరికం చేసి గొప్ప దర్శకులుగా ఎదిగిన వాళ్ళను చూస్తూ ఉంటాం. ముఖ్యంగా రామ్ గోపాల్ వర్మ దగ్గర…
ఆంధ్రప్రదేశ్ అసెంబ్లీ ఎన్నికల్లో విజయం దిశగా ప్రచారాన్ని హోరెత్తిస్తున్న కూటమిలో మరింత జోష్ పెరగబోతోంది. ఇప్పటికే విజయం ఖాయమనే ధీమాతో…
ఆంధ్రప్రదేశ్ ఎన్నికల్లో అధికారం నిలబెట్టుకోవడం జగన్ శాయశక్తులా కృషి చేస్తున్నారు. కానీ ఎంత చేసినా వైసీపీ ప్రభుత్వంపై వ్యతిరేకత స్పష్టంగా…
ఆంధ్రప్రదేశ్ అసెంబ్లీ ఎన్నికల వేడి రోజురోజుకూ పెరుగుతోంది. పోలింగ్ తేదీ దగ్గర పడుతున్నా కొద్దీ పార్టీలన్నీ ప్రచారంలో దూసుకెళ్తున్నాయి. అభ్యర్థులు…
హోరాహోరీగా సాగుతున్న ఏపీ ఎన్నికల యుద్ధం మరో వారం రోజుల్లో ఒక కొలిక్కి రావటంతో పాటు.. ఎన్నికల్లో కీలక అంకమైన…