Political News

చిరుది ఆంధ్రా అయినా.. ఆయ‌న తెలంగాణ బిడ్డే

కొన్ని సార్లు మాట‌ల్లో అతి ఉండ‌నివ్వండి కానీ కొన్ని అయినా వాస్త‌వాలు వెలుగులోకి వ‌స్తాయి. క‌రోనా వేళల్లో చిరు అందించిన సాయం మొద‌లుకుని కార్మికులు త‌మ జీవితాలు ఏ విధంగా సంస్క‌రించుకోవాలో వ‌ర‌కూ ఎన్నో విష‌యాలు ఆస‌క్తిదాయ‌కంగా, ఆవేశ‌పూరితంగా టీ మంత్రి మ‌ల్లారెడ్డి చెప్పారు.

నేను చిరంజీవి అభిమానిని అంటూ త‌న ఆనందం పంచుకుని, త్వ‌ర‌లో తానూ సినీ నిర్మాణం చేప‌ట్ట‌నున్నానని స‌భా ముఖంగా ప్ర‌క‌టించారు. చిరును ఉద్దేశించి మీరూ, నేనూ క‌లిసి వీళ్ల కోసం ప‌నిచేద్దాం అని చెప్పి సినీ కార్మికోత్స‌వాన కొత్త ఆనందాలు నింపారు మ‌ల్లారెడ్డి. ఈ స్థాయిలో ఏపీ మంత్రి చెల్లుబోయిన మాట్లాడ‌లేక‌పోయారు.

నేను చిరంజీవి అభిమానిని అని హోరెత్తించారు తెలంగాణ మంత్రి మ‌ల్లారెడ్డి. ఆయ‌న‌ది ఆంధ్రా అయినా ఆయ‌న తెలంగాణ బిడ్డే అని మ‌రో మంచి మాట కూడా అన్నారు. చిరంజీవే కాదు తెలుగు సినిమా ప్ర‌పంచంలో ఉన్న వారంతా తెలంగాణ బిడ్డ‌లే అని కూడా అన్నారు. త‌న‌దైన మాట తీరుతో ఆకట్టుకునే ప్ర‌య‌త్నం చేస్తూ ఒక్క‌సారి బండ్ల గణేశ్ ను గుర్తుకు తెచ్చారు ఆయ‌న. ఆయ‌న మాట‌లు విని చిరు ఆద్యంతం నవ్వులు చిందిస్తూనే ఉన్నారు. ముఖ్యంగా క‌రోనా కాలంలో చిరు అందించిన సేవ‌ల‌ను కొనియాడారు.

ఇదే సంద‌ర్భంలో ఇదే వేదిక‌పై మాట్లాడిన చెల్లుబోయిన వేణు (ఏపీ మంత్రి) కొంత సొంత డబ్బా కొట్టుకున్నారు కానీ చిరు గురించి మాత్రం ఆక‌ట్టుకునే రీతిలో మాట్లాడ‌లేక‌పోయారు. ఇవాళ కార్మికుల పండుగ మే డే రోజున సినీ శ్రామికులంతా ఓ చోట చేరారు. హైద్రాబాద్, యూస‌ఫ్ గూడ కోట్ల విజ‌య భాస్క‌ర్ రెడ్డి స్టేడియంలో ఫిల్మ్ ఫెడ‌రేష‌న్ ఆధ్వ‌ర్యంలో సినీ కార్మికోత్స‌వం నిర్వ‌హించారు. ఈ వేదిక అనేక ప్ర‌త్యేకత‌ల‌కు ఆన‌వాలుగా నిలిచింది.

ముఖ్యంగా మంత్రి మల్లారెడ్డి ఆవేశంతో మాట్లాడినా కూడా కొన్ని నిజాలు చెప్పారు. తాను ఎలా ఎదిగివచ్చానో ఎంత‌టి చిన్న స్థాయి నుంచి వ‌చ్చానో కూడా చెప్పారు. కార్మికుల‌లో కొత్త ఉత్సాహం నింపేందుకు తెలుగు సినిమాకు మంచి రోజులు వ‌చ్చాయ‌ని, రేప‌టి రోజు మీరు మరింత క‌ష్ట‌ప‌డండి మీకు ఇంకా మంచి జ‌రుగుతుంది అని మోటివేష‌న్ స్పీచ్ ఇచ్చారు. కొంత అతి ఉన్నా కూడా కొన్ని మాట‌లు చాలా అంటే చాలా బాగున్నాయి.
ఏపీ మంత్రి క‌న్నా టీజీ మంత్రులే చిరు సేవ‌ల‌ను ప్ర‌స్తావించారు. ప్ర‌స్తుతించారు.

చిరు చిత్ర‌పురి కాల‌నీలో ఆస్ప‌త్రి క‌ట్టిస్తున్నార‌ని మంత్రి త‌ల‌సాని యాద‌వ్ చెబుతూ ఆయ‌న‌కు కృత‌జ్ఞ‌త‌లు చెప్పారు. అదేవిధంగా కార్మికుల పిల్ల‌ల చ‌దువుల కోసం పాఠశాల నిర్మాణానికి స్థ‌లాన్ని ఇచ్చార‌ని కూడా చెప్పారు.ఇవ‌న్నీ తెలంగాణ మంత్రులు చెప్పిన మాటలు. ఇవ‌న్నీ చిరు చేసిన సేవ‌ల‌కు
వారు చెప్పిన ప్ర‌శంస‌లు. అదేవిధంగా ప్ర‌పంచ స్థాయిలో తెలుగు సినిమా వ్యాప్తికి భాగ్య‌న‌గ‌రి ఏ విధంగా తోడ్ప‌డింది అన్న‌ది కూడా చెప్పారు.

This post was last modified on May 1, 2022 9:18 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

3 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

5 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

5 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

6 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

6 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

7 hours ago