Political News

సీనియర్లకు చంద్రబాబు ఝలక్?

వచ్చే ఎన్నికలకు సంబంధించి చంద్రబాబునాయుడు సీనియర్లకు షాకిచ్చారా ? సభ్యత్వ నమోదు సందర్భంగా చంద్రబాబు చేసిన వ్యాఖ్యలు అలాగే అనిపిస్తోంది. సీనియర్లకు గౌరవమిస్తాం… సమర్ధులను ప్రోత్సహిస్తాం అని అన్నారు. పైగా పార్టీకి పది ఓట్లు కూడా తేలేని సీనియర్ల వల్ల ఉపయోగం ఏమిటని కూడా ప్రశ్నించారు. సీనియారిటి ప్రాతిపదికన తమకే టికెట్లు ఇవ్వాలంటే పార్టీ ఎప్పటికీ ప్రతిపక్షంలోనే కూర్చుంటుందని గట్టిగానే చురకలంటించారు.

చంద్రబాబు మాట్లాడిన విధానాన్ని చూస్తే వచ్చే ఎన్నికల్లో చాలామంది సీనియర్లకు టికెట్లు ఇచ్చేది అనుమానంగానే ఉంది. యనమల రామకృష్ణుడు, కళావెంకటరావు లాంటి ఎంతోమంది నేతలు తాము సీనియర్లమన్న ఒకే ఒక్క అర్హతతో ప్రతి ఎన్నికలోను టికెట్లు తెచ్చుకుంటున్నారు. యనమల అయితే వరుసగా రెండు సార్లు ఓడిపోయి చివరకు తన తమ్ముడికి టికెట్ ఇప్పించుకున్నారు. తమ్ముడు కూడా వరుసగా రెండు సార్లు ఓడిపోయారు. దాంతో తుని నియోజకవర్గంలో వచ్చే ఎన్నికల్లో యనమల ఫ్యామిలీకి టికెట్ అనుమానంగా మారింది.

ఇక కళా వెంకట్రావు పరిస్థితి కూడా ఇలాగే ఉంది. ఇలాంటి సీనియర్లు ఇంకా చాలా మందున్నారు. వీళ్ళంతా పార్టీ గాలుంటే గెలుస్తారు లేకపోతే ఓడిపోతారంతే. వయసు మీదపడినా మరొకరికి పోటీ చేసే అవకాశం కూడా ఇవ్వటం లేదు. చేస్తే తాము పోటీచేయాలి లేకపోతే తమ వారసులు పోటీచేయాలంతే అన్నట్లుగా ఉంది వీళ్ళ రాజకీయం. ఇలాంటి సీనియర్లకు వచ్చే ఎన్నికల్లో చంద్రబాబు షాకిచ్చేట్లే ఉన్నారు.

అందుకనే వచ్చే ఎన్నికల్లో 40 శాతం యువతకు టికెట్లిస్తాననే మాటకు కట్టుబడనున్నట్లు ప్రకటించారు. చంద్రబాబు మాట తప్పకూడదంటే ఇప్పటినుండే యువతను ప్రోత్సహించాల్సిన అవసరం ఉంది. మళ్ళీ యువతంటే సీనియర్ల వారసులకు టికెట్లివ్వటం కాదు. వారసులతో సంబంధం లేకుండానే కొత్త తరాన్ని ప్రోత్సహిస్తే వాళ్ళు మంచి ఉత్సాహంతో పనిచేస్తారు. దాంతో పార్టీలో కొత్త నాయకత్వం వచ్చినట్లుంటుంది. జనాలకు కూడా కొత్త నాయకులను చూసినట్లుంటంది. మొత్తానికి చంద్రబాబు సీనియర్ల విషయంలో గట్టిగానే డిసైడ్ అయినట్లే ఉన్నారు. చూద్దాం చివరకు ఏమిచేస్తారో. 

This post was last modified on April 22, 2022 11:05 am

Share
Show comments
Published by
Satya

Recent Posts

మైఖేల్ జాక్సన్ మీద ఇంత ప్రేమ ఉందా

ఈ వారం విడుదల కాబోతున్న అన్ని భాషల సినిమాల్లో అత్యధిక బుకింగ్స్ జరుపుకున్నది హాలీవుడ్ మూవీ మైఖేల్ ఒక్కటే. ఇప్పటిదాకా…

3 hours ago

శ్రీలీల డెబ్యూకి మోక్షం ఎప్పుడో

అదేంటి ఇప్పటికే బోలెడు సినిమాల్లో చూసేశాం కదా కొత్తగా మళ్ళీ డెబ్యూ ఏంటనుకుంటున్నారా. మ్యాటర్ వేరే ఉంది. శ్రీలీల బాలీవుడ్…

5 hours ago

పెయిడ్ ట్వీట్లతో ప్రయోజనమేమి?

చిన్న సినిమాలను జనాల్లోకి తీసుకెళ్లడం, ప్రేక్షకులను థియేటర్లకు రప్పించడం ఈ రోజుల్లో పెద్ద సవాలుగా మారిపోయింది. గతంలో సినిమా బాగుంటే…

6 hours ago

LSG: ఓనర్ గోయెంకా కోపంలో తప్పు లేదు!

ఐపీఎల్ 2026 సీజన్‌లో లక్నో సూపర్ జెయింట్స్ (LSG) పరిస్థితి రోజురోజుకూ అట్టడుగుకు పడిపోతోంది. నేటి మ్యాచ్ లో సొంత…

6 hours ago

తెలుగు టైటిల్స్ నిర్లక్ష్యం చేయకండి

ఇటీవలే టోవినో థామస్ 'పళ్ళి చట్టంబి' తెలుగు వెర్షన్ విడుదలయ్యింది. మార్నింగ్ షోనే డెఫిసిట్ తో మొదలై సాయంత్రానికే డిజాస్టర్…

6 hours ago

క‌విత దూకుడు మామూలుగా లేదు

క‌ల్వ‌కుంట్ల క‌విత‌.. మాజీసీఎం కేసీఆర్ త‌న‌య‌గా.. రాజ‌కీయాల్లోకి అడుగు పెట్టిన ఆమె.. ఎంపీగా, ఎమ్మెల్సీగా వ్య‌వ‌హ‌రించారు. ఇక‌, ఆ పార్టీతో…

6 hours ago