నందమూరి బాలకృష్ణ… ఏదైనా ప్రత్యేకించి సినిమా కార్యక్రమాల మీద తప్పించి మరెక్కడా అనవసరంగా మైకుల ముందుకు వచ్చి మాట్లాడానికి తాపత్రయపడడు. అనుకోకుండా ఓ తెలంగాణ ముఖ్యమంత్రితో మీటింగ్ సరిగ్గా బాలకృష్ణ పుట్టిన రోజుకు ఒక పది రోజుల ముందు జరగడం, దానికి బాలకృష్ణకు ఆహ్వానం రాకపోవడం, ఇది 60వ పుట్టిన రోజు కావడంతో అన్ని మీడియాలకు ఇంటర్వ్యూలు ఇస్తుండటంతో ఆ వివాదం పదేపదే చర్చకు వస్తోంది. ప్రతి మీడియా దాని గురించి అడగడం, మళ్లీ బాలకృష్ణ స్పందించడం కామన్ అయిపోయింది. అయితే, తాజాగా దీనికి భిన్నమైన ఒక పాజిటివ్ న్యూస్ అందరినీ ఆకర్షిస్తోంది. అది బాలకృష్ణ – రోజా మీటింగ్ గురించి వార్త.
బాలయ్య సినిమాల సంగతి పక్కన పెడితే… ఒక ఎమ్మెల్యేగా బాధ్యతాయుతంగా ఉంటారని చెబుతుంటారు. ఎన్నికల ఫలితాలు కూడా అలాగే ఉన్నాయి. టీడీపీ దారుణంగా ఓడిన సందర్భంలో… ఏకంగా పార్టీ అధ్యక్షుడు చంద్రబాబు మెజారిటీ కూడా తగ్గగా… బాలయ్య ఇమేజ్ మాత్రం పెరిగింది.
2014 ఎన్నికల కంటే 2019లో ఎక్కువ మెజారిటీతో హిందూపురం ఎమ్మెల్యేగా గెలిచారు నందమూరి బాలకృష్ణ. అతను ప్రత్యేకంగా ఆ నియోజకవర్గంపై దృష్టి పెట్టడం, మంచినీరు, సాగునీరు ఇవ్వడం, ఉపాధి కల్పన ఇలా పలు అంశాల్లో శ్రద్ద తీసుకుంటారట. అందుకే ప్రజలు ఆయనకు మరింత దగ్గరయ్యారట. బాలయ్య గురించిన తాజా వార్త గురించి కూడా దీనిని ఖరారు చేసేలాగానే ఉంది.
వైసీపీ ప్రభుత్వం ఉన్నా కూడా తన నియోజకవర్గమైన హిందూపురం అభివృద్ధి కోసం బాలకృష్ణ ప్రయత్నాలు మానలేదు. తనకు వ్యక్తిగతంగా పరిచయం ఉన్న వైసీపీ ఎమ్మెల్యే, ఏపీఐఐసీ చైర్పర్సన్ రోజాను బాలకృష్ణ ఓ సాయం అడిగారట. ఈ విషయాన్ని స్వయంగా బాలకృష్ణే వెల్లడించారు.
హిందూపురం నియోజకవర్గాన్ని పలు విధాలుగా అభివృద్ధి చేశానని… పరిశ్రమల విషయంలో కూడా నియోజకవర్గాన్ని అభివృద్ధి చేస్తే ఉద్యోగాలు వస్తాయని, అందుకే ఆ దిశగా ప్రయత్నం చేస్తున్నట్లు తెలిపారు.
ఇందుకోసం ఏపీఐఐసీ చైర్మన్ రోజాతో ప్రత్యేకంగా కలవనున్నట్లు బాలకృష్ణ తెలిపారు. రోజా కూడా ఈ విషయం పట్ల సానుకూలంగానే స్పందించారని బాలకృష్ణ చెప్పారు. పరిస్థితులు మెరుగుపడిన తర్వాత దీనిపై చర్చించేందుకు విజయవాడ రావాలని రోజా చెప్పారని, అధికారులతో కలిసి దీనిపై ఓ సమావేశం ఏర్పాటు చేసి చర్చిద్దామని రోజా చెప్పినట్టు బాలకృష్ణ తెలిపారు.
రోజాకి టీడీపీ అంటే బద్ధ శత్రువులా భావిస్తున్నా… మొన్న మండలిలో అంత వివాదాంలోను వీరిద్దరు కలిసి నవ్వుతూ దిగిన ఓ సెల్ఫీ పాపులర్ అయిన విషయం తెలిసిందే. వీరిద్దరి మధ్య మంచి సానుకూల సంబంధాలే ఉన్నట్లు అర్థమవుతోంది.
పాలన విషయంలో మంత్రి లోకేష్ పక్కా ప్లానింగ్తో వ్యవహరిస్తున్నారా? అంటే.. ఔననే సమాధానమే వినిపిస్తోంది. రాజకీయాలను విధానపరమైన అంశాలను కలగాపులగం…
పద్దెనిమిదేళ్ల అవమానాలు, ఎగతాళి మాటలకు బెంగళూరు జట్టు శాశ్వతంగా ముగింపు పలికింది. ఐపీఎల్ చరిత్రలో ట్రోల్స్ కు కేరాఫ్ అడ్రస్…
గ్రేటర్ హైదరాబాద్ మునిసిపల్ కార్పొరేషన్ ఎన్నికలు త్వరలోనే జరగనున్నాయి. ఇప్పటికే పాలక మండలి కూడా రద్దయింది. ప్రత్యేక అధికారి పాలనలోకి…
ఈ మధ్య కనిపించడం కాస్త తగ్గించినా హీరోయిన్ అనుపమ పరమేశ్వరన్ ను మన ప్రేక్షకులు అంత సులభంగా మర్చిపోరు. మొన్న…
ఇటీవల సోషల్ మీడియాలో కాక్రోచ్ జనతా పార్టీ సృష్టించిన ప్రభంజనం అందరికీ తెలిసిందే. బొద్దింకల పార్టీగా ప్రారంభమై.. ఒక వైపు…
మెగా వేలంలో ఎవరూ కొనని ఒక ఆటగాడు, ఏకంగా ఒక ఫ్రాంచైజీ తలరాతనే మారుస్తాడని బహుశా ఎవరూ ఊహించి ఉండరు.…