కరోనా.. కరోనా.. ఇప్పుడు ప్రపంచంలో ఏ మూల చూసినా దీని గురించే చర్చ. ఈ మహమ్మారి ధాటికి రోజూ వేల ప్రాణాలు గాల్లో కలిసిపోతున్నాయి. దాదాపు 11 లక్షల మంది కరోనాతో పోరాడుతున్నారు. కొన్ని నెలల కిందటే బయటపడ్డ ఈ వైరస్కు వ్యాక్సిన్ కనుగొనే ప్రక్రియను వివిధ దేశాలు చేపడుతున్నాయి.
ఐతే ఆ పరిశోధనలు పూర్తయి.. వ్యాక్సిన్ బయటికి రావడానికి చాలా సమయం పట్టేట్లుంది. ఈలోపు అందుబాటులో ఉన్న మందులతోనే వివిధ దేశాల వైద్యులు రకరకాల ప్రయోగాలు చేస్తున్నారు. చివరి దశలో ఉన్న పేషెంట్ల మీద కొన్ని రకాల మందులు, కాంబినేషన్లు ప్రయోగించి చూస్తున్నారు.
హైడ్రాక్సీ క్లోరోక్విన్ ఉన్నంతలో కొంచెం మెరుగ్గా కరోనా చికిత్సకు ఉపయోగపడుతోందని వైద్యులు చెబుతున్న సంగతి తెలిసిందే. ఐతే ఇప్పుడు దాన్ని మించి కరోనాపై ప్రభావవంతంగా పని చేసే మందును ఆస్ట్రేలియా వైద్యులు గుర్తించారు.
అందుబాటులో ఉన్న యాంటి-పారాస్టిక్ డ్రగ్ ‘ఐవర్మెక్టిన్’తో కోవిడ్-19ను ఎదుర్కోవచ్చని ఆస్ట్రేలియా వైద్యుల పరిశీలనతో తేలింది. హెచ్ఐవీ, జికా వైరస్, డెంగ్యూ, ఇన్ఫ్లూయెంజా వ్యాధుల చికిత్సలో ఉపయోగించే ఐవర్మెక్టిన్కు బాధితుని శరీరంలో నుంచి కరోనా వైరస్ క్రిములను పారదోలే శక్తి ఉందని ఆస్ట్రేలియాలో కొన్ని సంస్థలు కలిపి చేసిన స్టడీకి నేతృత్వం వహించిన డాక్టర్ కైలీ వాగ్స్టాఫ్ చెప్పారు.
ఐవర్మెక్టిన్ అనే ఔషధం ఎఫ్డీఏ అనుమతి పొందిన డ్రగ్. ఇది ప్రపంచవ్యాప్తంగా విస్తృతంగా ఉపయోగిస్తున్న ఔషదం. ఎంతో సురక్షితమైన డ్రగ్ కూడా. పలు వైరల్ ఫీవర్లపై ఐవర్మెక్టిన్ ప్రభావవంతంగా పనిచేస్తుంది. దీన్ని ఉపయోగించి మానవ శరీరంలో సెల్ సంస్కృతిలో పెరుగుతున్న కోవిడ్-19 వ్యాప్తిని అడ్డుకోవచ్చని మా పరిశోధనలో తేలింది.
‘‘ఈ మెడిసిన్ సింగిల్ డోస్ ద్వారా బాధితుని శరీరంలోని వైరల్ ఆర్ఎన్ఏను 48 గంటల్లో తొలగించవచ్చు. అంటే ఒక్క డోస్తో 24 గంటల్లో మెరుగైన ఫలితాలు వస్తాయి. వ్యాక్సిన్ అందుబాటులోకి వచ్చేందుకు ఇంకా చాలా సమయం పట్టనుంది. కాబట్టి, అందుబాటులో ఉన్న ఈ మందుతో చికిత్స చేస్తే మంచిది. అయితే ల్యాబ్ దశలో విజయవంతం అయిన తమ పరీక్షలను మనుషులపై క్లినియల్ ట్రయల్స్ చేయాల్సి ఉంది’’ అని వాగ్స్టాఫ్ పేర్కొన్నారు.
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…
ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…