అవును తమిళనాడులో డీఎంకే ఆధ్వర్యంలో సంబరాలు అప్పుడే మొదలైపోయాయి. ఎన్నికలకు ముందునుండే డీఎంకే అధికారంలోకి వస్తుందని మీడియా సంస్ధల సర్వేల్లో వెల్లడైంది. ఆ సర్వేల్లో ఏ సంస్ధలో కూడా ఏఐఏడీఎంకే-బీజేపీ కూటమి అధికారంలోకి వస్తుందని పొరబాటున కూడా రిజల్టు రాలేదు. దానికి తగ్గట్లే ఎగ్జిట్ పోలింగ్ సర్వేలో కూడా అన్నీ సంస్ధలు కూడా అధికారం డీఎంకేదే అని బల్లగుద్ది మరీ చెప్పేశాయి.
దాంతో డీఎంకే చీఫ్ ఎంకే స్టాలిన్ తో పాటు సీనియర్ నేతలంతా హ్యాపీ మూడ్ లోకి వెళ్ళిపోయారు. దానికి తగ్గట్లే శనివారం నుండి డీఎంకే ఆఫీసుతో పాటు జిల్లాల్లోని పార్టీ కార్యాలయాల్లో సంబరాలు మొదలైపోయాయి. స్టాలినే కాబోయే సీఎం అనే ప్రచారం మొదలైపోయేసరికి అధికారయంత్రాంగంలో కూడా మార్పొచ్చేసింది. అఖిల భారత సర్వీసులోని కొందరు సీనియర్ అధికారులు ఇప్పటికే స్టాలిన్ను కలిసినట్లు ప్రచారం జరుగుతోంది.
మొత్తంమీద రాష్ట్రవ్యాప్తంగా డీఎంకే ఆఫీసుల్లో సంబరాలు మొదలైపోయాయి. తమిళనాడులో గతంలో ఎప్పుడు కూడా ఇలాంటి వాతావరణం లేదు. ఎందుకంటే ఎప్పుడు ఎన్నికలు జరిగినా రెండుపార్టీల మధ్య హోరా హోరీగా పోటీ ఉండేది. అలాంటిది మొదటిసారి ఎన్నికలు ఏకపక్షంగా జరిగినట్లు అర్ధమవుతోంది. ఇటు డీఎంకేలో కానీ అటు ఏఐఏడీఎంకేలో కానీ స్టాల్ వార్ట్స్ అని చెప్పుకునే పర్సనాలిటీలు లేరు. కరుణానిధి, జయలలిత ఇద్దరు లేకుండా జరిగిన మొదటి ఎన్నిక ఇదే.
పళనిస్వామి మీద జనాల్లో పెద్దగా వ్యతిరేకత లేకపోయినా ప్రభుత్వాన్ని వెనకనుండి బీజేపీనే నడిపిస్తోందనే ప్రచారం రాష్ట్రంలో విపరీతంగా జరిగింది. ఈ విషయంలో బీజేపీ నేతలు కూడా దాపరికం లేకుండానే వ్యవహరించారట. దాంతో బీజేపీ మీదున్న వ్యతిరేకత ఏఐఏడీఎంకే మీద కూడా చూపించేశారు జనాలు. సరే మిగిలిన పార్టీల వ్యవహారం ఎలాగున్నా డీఎంకే నేతలు మాత్రం కౌంటింగ్ కు రెండు రోజుల ముందే హ్యాపీ మూడ్ లోకి వెళ్ళిపోయింది మాత్రం వాస్తవం.
This post was last modified on May 2, 2021 9:39 am
కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్లో.. రాధిక ఆప్టే తెలుగు…
ఏపీ బీజేపీలో కొన్నాళ్లుగా అసంతృప్తితోనే నాయకులు ముందుకు సాగుతున్నారు. పార్టీలో ఏం జరుగుతోందో.. తమకు అర్థం కావడం లేదని కొన్నాళ్లుగా…
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…