తెలంగాణ ముఖ్యమంత్రిగా కల్వకుంట్ల తారక రామారావు అలియాస్ కేటీఆర్ పట్టాభిషిక్తుడు కావడానికి ఎంతో సమయం లేదన్నది కొన్ని రోజులుగా రాజకీయ వర్గాల్లో నడుస్తున్న ప్రచారం. తానే ముఖ్యమంత్రిగా ఉంటానని, కేటీఆర్ సీఎం కాబోతున్నాడన్న ప్రచారం నిజం కాదని కేసీఆర్ ఇటీవల వ్యాఖ్యానించినా సరే.. ఆయన మాటల్ని జనాలు నమ్మడం లేదు. కేసీఆర్ ఇలా కొట్టి పారేసిన చాలా విషయాల్లో అందుకు భిన్నంగా జరగడం తెలిసిందే.
కొంత కాలంగా టీఆర్ఎస్ ముఖ్య నేతలు చేస్తున్న వ్యాఖ్యలు.. పార్టీలో, ప్రభుత్వంలో రోజు రోజుకూ కేటీఆర్కు పెరుగుతున్న ప్రాధాన్యతను బట్టి చూస్తే అతి త్వరలోనే ఆయన సీఎం అయిపోతాడనే సంకేతలు బలంగా కనిపిస్తున్నాయి. ముహూర్తం మరీ దగ్గర పడిపోయిందేమో అనిపించేలా సోషల్ మీడియాలో కనిపిస్తున్న ఒక ఫొటో అందరి దృష్టినీ ఆకర్షిస్తోంది. అది చర్చనీయాంశంగానూ మారింది.
కేటీఆర్ను ముఖ్యమంత్రి అని పేర్కొనకుండా ఆయన ముఖచిత్రం పెద్దదిగా పెట్టి.. కేసీఆర్ చిత్రాన్ని చిన్నది చేసి, పక్కన మరో మంత్రి తలసాని శ్రీనివాస యాదవ్ను చేర్చి ఓ టీఆర్ఎస్ కార్యకర్త ‘కంగ్రాచులేషన్’ అని పేర్కొన్న పెద్ద సైజ్ ప్లకార్డ్ పిక్ ఒకటి సోషల్ మీడియాలో హల్చల్ చేస్తోంది. ఈ ప్లకార్డ్ ఒక్కటే ఉంటే జనాలకు సందేహం కలిగేది కాదు కానీ.. పెద్ద సంఖ్యలో అలాంటి ప్లకార్డులు ఫొటోలు కనిపిస్తున్నాయి. అంటే సంబరాలకు అంతా సిద్ధం అన్నట్లుగా ఉంది వ్యవహారం చూస్తే. త్వరలో జరిగే ర్యాలీ కోసం వీటిని సిద్ధం చేశారేమో అనిపిస్తోంది. కాబట్టి పట్టాభిషేకానికి ఎక్కువ సమయం ఏమీ లేదన్నట్లే.
ఇటీవలి దుబ్బాక ఉప ఎన్నిక, జీహెచ్ఎంసీ ఎన్నికల్లో టీఆర్ఎస్కు వ్యతిరేక పవనాలు వీచిన నేపథ్యంలో కేటీఆర్ను ముఖ్యమంత్రిని చేయడానికి ఇంకా ఎక్కువ సమయం తీసుకోకూడదని, ఆయన నాయకత్వంలోనే తర్వాతి ఎన్నికలకు వెళ్లాలని టీఆర్ఎస్ వర్గాల్లో బలంగా అభిప్రాయాలు వ్యక్తమవుతున్నాయి. తర్వాతి ఎన్నికల్లో ఏం జరుగుతుందో ఏమో, ఈ లోపు కేటీఆర్ను సీఎంగా చూడాలన్న కోరిక పార్టీలోని మెజారిటీ వర్గాల్లో ఉన్నట్లు తెలుస్తోంది.
This post was last modified on February 8, 2021 4:48 pm
గ్యారెంటీ కామెడీ ఉంటుందని అల్లరి నరేష్ సినిమాలకు పేరు. కానీ గత కొన్నేళ్లుగా ఈ జానర్ కు ఆదరణ తగ్గడం,…
లోకనాయకుడు కమల్ హాసన్, దర్శకుడు శంకర్ కలయికలో తెరకెక్కిన భారతీయుడు 2 విడుదల జూన్ 13 ఉంటుందని మీడియా మొత్తం…
ఏపీ సీఎం జగన్ చిన్నాన్న వివేకానందరెడ్డికేసులో తాజాగా సంచలనం చోటు చేసుకుంది. ఈ కేసులో ఆరోపణలు ఎదుర్కొంటున్న ఏ-8గా ఉన్న…
లోక్ సభ ఎన్నికలలో ఖచ్చితంగా ఎంపీగా గెలిచి పార్లమెంటులో అడుగుపెట్టాలన్న ఉద్దేశంతో కాంగ్రెస్ యువరాజు రాహుల్ గాంధీ సేఫ్ గేమ్ ఆడుతున్నాడు. 2019…
రాజకీయాల్లో ఎప్పుడు ఏం జరుగుతుందో ఊహించడం కష్టం. ఇప్పుడు ఇలాంటి పరిస్తితే.. జనసేన అధినేత పవన్ కల్యాణ్ పోటీ చేస్తున్న…
ఇవాళ విడుదలవుతున్న సినిమాల్లో బాక్ అరణ్మయి 4 ఒకటి. మాములు తమిళ డబ్బింగ్ మూవీ అయితే ప్రత్యేకంగా చెప్పుకోనవసరం లేదు…