Political News

రాహుల్ ముందే ఒకసారి ఆలోచించాలి

కేంద్ర ఎన్నిక‌ల సంఘం ప్ర‌ధాన క‌మిష‌న‌ర్ జ్ఞానేష్ కుమార్ రాజీనామా చేయాల‌న్న డిమాండ్‌తో పాటు ఎన్నిక‌ల సంఘం చేప‌ట్టిన స్పెష‌ల్ ఇంటెన్సివ్ రివిజ‌న్‌(స‌ర్‌) ప్ర‌క్రియ‌లో జ‌రిగిన అవ‌క‌త‌వ‌క‌ల‌ను స‌రిచేయాల‌ని లేదా ర‌ద్దు చేయాల‌న్న డిమాండ్‌తో కాంగ్రెస్ పార్టీ చేప‌ట్ట‌నున్న నిర‌స‌న తీవ్ర వివాదానికి దారితీసింది. న‌వంబ‌రు 1న ఢిల్లీలోని రాం లీలా మైదాన్‌లో ఈ భారీ నిర‌స‌న కార్య‌క్ర‌మానికి కాంగ్రెస్ పార్టీ తెర‌దీసింది. దీనికి ఇత‌ర ప్ర‌తి ప‌క్షాలు కూడా జ‌త‌క‌లిశాయి. అంతేకాదు.. ఇత‌ర ప్ర‌జా సంఘాలు కూడా దీనికి జైకొట్టాయి. అయితే.. ఈ వ్య‌వ‌హారం.. కాంగ్రెస్ పార్టీ అగ్ర‌నేత రాహుల్‌కు.. వ్యాపార వ‌ర్గాల‌కు మ‌ధ్య వివాదంగా మారింది.

ఎందుకు?

న‌వంబ‌రు 1న నిర‌స‌న చేప‌డితే త‌మ‌కు నష్టం వాటిల్లుతుంద‌ని వ్యాపార వ‌ర్గాలు చెబుతున్నాయి. దీనిపై గ‌త వారం నుంచి కూడా వారు ఆవేద‌న వ్య‌క్తం చేస్తున్నారు. వ‌చ్చే నెల 8న దీపావ‌ళి వుంద‌ని.. దాని త‌ర్వాత‌.. భాయ్ దూజ్‌ పేరుతో ఉత్త‌రాది వారు నిర్వ‌హించుకునే మ‌రో వేడుక కూడా ఉంద‌ని వారు చెబుతున్నారు. ఇక‌, వీటికి ముందు ధ‌న్‌తేర‌స్ కూడా కొన‌సాగుతుంద‌న్నారు. ఫ‌లితంగా ఒక్క దేశ రాజ‌ధానిలోనే 25 వేల కోట్ల రూపాయ‌ల మేర‌కు వ్యాపారాలు జ‌రుగుతాయ‌ని అన్నారు. కానీ.. కాంగ్రెస్ చేప‌డుతున్న నిర‌స‌న‌ల కార‌ణంగా.. ఈ వ్యాపారాలు దెబ్బ‌తినే అవ‌కాశం ఉంద‌ని.. కాబ‌ట్టి న‌వంబ‌రు 10వ‌తేదీ త‌ర్వాత‌కు వాయిదా వేసుకోవాల‌ని వ్యాపారులు కోరుతున్నారు.

దీనిపై తాజాగా రాహుల్‌గాంధీ స్పందించారు. మీరంటే మాకు అభిమానం ప్రేమ ఉన్నాయి. మీ మాట వింటాం అంటూ.. వ్యాపార వ‌ర్గాల‌ను ఉద్దేశించి ఆయ‌న వ్యాఖ్యానించారు. అయితే.. ఓట్ చోరీకి పాల్ప‌డుతూ.. దేశంలో కోట్ల మంది ఓట్ల‌ను దొంగ‌తనంగా తీసేస్తున్న ప్ర‌ధాన ఎన్నిక‌ల క‌మిష‌న‌ర్ జ్ఞానేష్ కుమార్‌తో రాజీనామా చేయించాల‌ని ప్ర‌ధాని మోడీకి మీరు కూడా విజ్ఞ‌ప్తి చేయండి. ఆ వెంట‌నే అర నిమిషంలో మేం వెన‌క్కు త‌గ్గుతాం. మా నిర‌స‌న‌ల్నీ.. ఆపేస్తాం.. అని రాహుల్ పేర్కొన్నారు. అయితే.. వ్యాపార వ‌ర్గాలు ఈ విష‌యంపై భిన్న‌వాద‌న వినిపించాయి. ఆ వ్య‌వ‌హారం రాజ‌కీయాల‌తో కూడుకున్న‌ద‌ని.. త‌మ‌కు సంబంధం లేద‌ని.. తాము వ్యాపార కోణంలోను, ప్ర‌జ‌ల కోణంలోనే కోరుతున్నామ‌ని పేర్కొన‌డం గ‌మ‌నార్హం.

ఇప్ప‌టికే..

ఇక‌, దీపావ‌ళిని పుర‌స్క‌రించుకుని వ్యాపారులు చేస్తున్న విజ్ఞ‌ప్తిపై కాక్రోచ్ జ‌న‌తా పార్టీ స‌హా.. ఆమ్ ఆద్మీపార్టీలు సానుకూలంగా స్పందించాయి. తాము చేప‌డుతున్న నిర‌స‌న‌ల‌ను న‌వంబ‌రు 10వ తేదీ వ‌ర‌కు వాయిదా వేస్తున్న‌ట్టు ప్ర‌క‌టించాయి. దీంతో కాంగ్రెస్ పార్టీ ఈ విష‌యంలో మ‌రింత పుంజుకునేందుకు.. నిర‌స‌న‌ల‌ను పూర్తిగా త‌న ఖాతాలో వేసుకునేందుకు ప్ర‌య‌త్నాలు చేస్తోంద‌న్న వాద‌న వినిపిస్తోంది. అయితే.. వ్యాపార వ‌ర్గాల నుంచి తీవ్ర వ్య‌తిరేక‌త వ్య‌క్త‌మ‌వుతున్న ద‌రిమిలా.. రాహుల్ కేంద్రంగా నెటిజ‌న్లు కూడా విమ‌ర్శ‌లు గుప్పిస్తున్నా రు. మ‌రోవైపు వ్యాపారులు కోర్టుకు వెళ్ల‌గా.. అక్క‌డ వారికి ఊర‌ట ల‌భించ‌లేదు. నిర‌స‌న‌లు ప్ర‌జాస్వామ్య హ‌క్కుగా సుప్రీంకోర్టు పేర్కొంది.

This post was last modified on October 27, 2026 5:02 pm

Share

Recent Posts

11 నెలల పసిపాపనూ వదలట్లేదు

దేశంలో చిన్నారుల భద్రత మరోసారి ప్రశ్నార్థకంగా మారింది. ఉత్తరాఖండ్‌లోని హరిద్వార్‌లో అత్యంత విషాదకరమైన ఘటన చోటుచేసుకుంది. కేవలం 11 నెలల…

14 minutes ago

నెల్సన్ తొలి సినిమా ఉన్న లాప్ ట్యాప్ ఎవడో లేపేసాడు

నెల్సన్ దిలీప్ కుమార్.. ప్రస్తుతం సౌత్ ఇండియాలో మోస్ట్ వాంటెడ్ డైరెక్టర్లలో ఒకడు. సూపర్ స్టార్ రజినీకాంత్‌తో అతను తీసిన…

10 hours ago

చెల్లెలు శ్రీలీలతో నాగవంశికి గొడవలు

పుట్టి పెరిగింది కర్ణాటకలో అయినా.. క‌థానాయిక‌గా ప‌రిచ‌య‌మైంది కూడా కన్నడ ఇండస్ట్రీలోనే అయినా.. శ్రీలీల అచ్చమైన తెలుగమ్మాయే. ‘పెళ్ళిసంద-డి’ చిత్రంతో…

10 hours ago

17 ఏళ్లుగా జైల్లో ఉన్నారు… ఇక ఇంటికి పంపేయ‌చ్చు

``దాదాపు 17 ఏళ్ల‌కుపైగానే దోషులు జైల్లో ఉన్నారు. ఇక‌, చాలు. వారిని ఇంటికి పంపేయొచ్చు.`` అని 2002 నాటి బిల్కిస్…

11 hours ago

కూతురిని స్టేజ్ మీదికి రానివ్వ‌ని రేణు దేశాయ్

సీనియ‌ర్ న‌టి, ప‌వ‌న్ క‌ళ్యాణ్ మాజీ భార్య రేణు దేశాయ్ చాలా రోజుల త‌ర్వాత ఒక సినిమాలో క‌నిపించ‌బోతున్నారు. ఆ…

11 hours ago

బుట్టబొమ్మను బీట్ చేసిన రాను బొంబాయికి రాను

తెలుగు సంగీత ప్రపంచంలో సినిమా పాటలకే కాదు.. జానపద గీతాలకు కూడా భారీ ఆదరణ లభిస్తోందని మరోసారి ప్రూవ్ అయ్యింది.…

11 hours ago