2024 ఎన్నికల ముందు నుంచి ఏపీలో టీడీపీ, జనసేన, బీజేపీల కూటమి పార్టీల మధ్య సఖ్యత కుదర్చడంలో ఏపీ సీఎం చంద్రబాబు, జనసేన అధినేత పవన్ కల్యాణ్ లు తమ వంతు పాత్ర పోషిస్తున్నారు. ఇరు పార్టీలకు చెందిన నేతలు, కార్యకర్తల మధ్య ఏమైనా చిన్న చిన్న మనస్పర్థలు, గొడవలు ఉన్నప్పటికీ బాబు, పవన్ లు వాటిని సెట్ చేసుకుంటూ కూటమి పార్టీల మధ్య ఐక్యతను కొనసాగిస్తున్నారు. ఇక, ఏపీలో మున్సిపల్ ఎన్నికలు రాబోతున్న నేపథ్యంలో ఈ పార్టీల మధ్య ఐక్యత మరింత బలంగా ఉండాల్సిన అవసరముంది.
ఇటువంటి సమయంలో జనసేన అధినేత పవన్ చేసిన కామెంట్లు ప్రాధాన్యతను సంతరించుకున్నాయి. వైసీపీ హయాంలో చంద్రబాబును అరెస్టు చేసిన సందర్భంలో మొట్టమొదట రోడ్ల మీదకు వచ్చింది జనసేన కార్యకర్తలు, వీర మహిళలేనని పవన్ చేసిన వ్యాఖ్యలు చర్చకు తెరలేపాయి. ఆల్రెడీ అప్పటికే టీడీపీ నేతలు, కార్యకర్తలు రోడ్ల మీదకు వచ్చి ఉన్నారు. అనకాపల్లి మొదలు అమెరికా వరకు టీడీపీ, చంద్రబాబు అభిమానులు, కార్యకర్తలు అంతా ఆందోళనలు చేపట్టారు. ఇక, హైదరాబాద్ లో అయితే, చంద్రబాబుకు సంఘీభావంగా నిరసనలు తెలవపవద్దని అప్పటి అధికార పార్టీ మంత్రి కేటీఆర్ వ్యాఖ్యానించారు కూడా.
అయితే, టీడీపీ నేతలతో పాటు జనసేన నేతలు, కార్యకర్తలు కూడా ఆందోళన చేశారు అని పవన్ అని ఉంటే బాగుండేది. అయితే, పవన్ ఏ ఉద్దేశ్యంతో అన్నారో అన్నది ఆయనకు తెలుసు. కానీ, ఆ కామెంట్స్ విన్న టీడీపీ కార్యకర్తలు సోషల్ మీడియాలో కౌంటర్లు ఇస్తున్నారు. గతంలో టీడీపీ చేసిన నిరసనల తాలూకు ఫొటోలు, వీడియోలు పెడుతున్నారు. స్థానిక సంస్థల ఎన్నికల నోటిఫికేషన్ వెలువడబోతున్న కీలక సమయంలో ఇది రెండు పార్టీలకు మంచిది కాదు.
కాబట్టి, పవన్ ఆ వ్యాఖ్యలుకు వివరణగా స్పష్టతనిస్తూ ఒక వీడియో విడుదల చేయడమో, లేదంటే మరేదైన సందర్భంగా క్లారిటీ ఇవ్వడమో చేస్తే బాగుంటుంది. జనసేనలోని చిన్నాచితకా నేతలు, కార్యకర్తలు ఇలా మాట్లాడారు అంటే లైట్ తీసుకోవచ్చు. కానీ, ఏది ఏమైనా…పవన్ స్థాయి నేత ఈ తరహా సున్నితమై వ్యాఖ్యలు చేయకుండా జాగ్రత్త పడాలి. పొరపాటు చేసి ఉంటే… వెంటనే క్లారిటీ ఇవ్వాలి. లేదంటే ఇరు పార్టీల మధ్య గ్యాప్ పెంచేందుకు గోతికాడ నక్కలా కాచుకొని ఉన్న వైసీపీ నేతలకు ఇదొక ఆయుధంగా మారుతుంది.
This post was last modified on October 12, 2026 2:10 pm
మొన్న విడుదలైన అన్ని సినిమాల్లో ఎక్కువ పాజిటివ్ టాక్ వచ్చింది ఆకాశంలో ఒక తారకే. దుల్కర్ సల్మాన్ హీరోగా సాత్విక…
ఏపీ మండలాధ్యక్ష ఎన్నికల్లో కూటమి ఆధిపత్యం.. కనబరిచింది. 2024లో వచ్చిన స్ట్రయిక్ రేట్ను ఇప్పుడు కూడా కొనసాగించింది. ఏపీలోని మొత్తం…
బాలీవుడ్ సూపర్ స్టార్ సల్మాన్ ఖాన్ కు.. టాలీవుడ్ స్టార్ హీరోలు చాలామంది మంచి అనుబంధం ఉన్న సంగతి తెలిసిందే.…
కల్వకుంట్ల కవిత...ఈ పేరు వినగానే ఠక్కున గుర్తుకు వచ్చే మరో పేరు తెలంగాణ మాజీ సీఎం కేసీఆర్. తెలంగాణ సాధనలో…
మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…
కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్లో.. రాధిక ఆప్టే తెలుగు…