“చేయి నరికేస్తా”… డిల్లీ పోలీసులకు రేణుక చౌదరి చుక్కలు

రేణుకా చౌదరి…ఇరు తెలుగు రాష్ట్ర ప్రజలకు ఈ పేరు సుపరిచితమే. ఫైర్ బ్రాండ్ మహిళా నేత, కాంగ్రెస్ పార్టీ రాజ్యసభ సభ్యురాలిగా ఆమెకు దేశవ్యాప్తంగా గుర్తింపు ఉంది. నిర్మొహమాటంగా, కుండబద్దలు కొట్టినట్లుగా మాట్లాడడం, దూకుడుగా వ్యవహరించడం ఆమె నైజం. కొద్ది రోజుల క్రితం ఢిల్లీలో సీజేపీ కార్యకర్తలు, విద్యార్థులపై లాఠీ ఛార్జ్ సమయంలో ఢిల్లీ పోలీసులు, మోదీ సర్కార్ పై ఆమె చేసిన కామెంట్లు వైరల్ గా మారిన సంగతి తెలిసిందే.

పిల్లలపై టియర్ గ్యాస్, లాఠీ ఛార్జ్ ప్రయోగించిన ‘యూస్‌లెస్ గవర్నమెంట్’ ఇది అంటూ కేంద్రం తీరును ఆమె ఏకిపారేసిన వైనం దేశవ్యాప్తంగా చర్చనీయాంశమైంది. ఈ నేపథ్యంలోనే తాజాగా రేణుకా చౌదరి మరోసారి ఢిల్లీ పోలీసులను మాస్ వార్నింగ్ ఇచ్చిన వీడియో సోషల్ మీడియాలో వైరల్ గా మారింది.

ఢిల్లీలో కేంద్ర ఎన్నికల ప్రధాన అధికారి జ్ఞానేశ్ కుమార్ రాజీనామా కోరుతూ జంతర్ మంతర్ దగ్గర జరుగుతున్న నిరసనలలో పాల్గొన్న సందర్భంగా మీడియాతో రేణుకా చౌదరి మాట్లాడారు. తనను మహా అయితే అరెస్ట్ చేసి లోపల పడేస్తారు..అంతకన్నా ఏం చేస్తారు అంటూ ఆమె మీడియా ప్రతినిధి అడిగిన ప్రశ్నకు జవాబిచ్చారు. ఈ సమయంలో ఒక జవాను ఆమెపై చేయి వేసి ఆమెను పక్కకు నెట్టే ప్రయత్నం చేశారు. దీంతో, ఆగ్రహానికి గురైన రేణుకా చౌదరి…ఆ జవాన్ ను నెట్టివేసి చేయి చేసుకున్నారు.

మహిళ అయిన తనపై జవాన్ చేయి ఎలా వేస్తారు అంటూ ఫైర్ అయ్యారు. జవాన్ ను ఎందుకు కొట్టారు అని ప్రశ్నించిన మహిళా పోలీసు అధికారిపై కూడా రేణుక మండిపడ్డారు. మహిళ పోలీస్ పక్కన ఉండగానే తనపై అతడు చేయి ఎలా వేస్తాడని నిలదీశారు. ఖబడ్దార్…చర్మం ఒలిచేస్తా…అంటూ ఆ జవాన్ కు రేణుకా చౌదరి వార్నింగ్ ఇచ్చారు.

ఎవడి ఇష్టమొచ్చినట్లు వాళ్లు మొనగాళ్లలా మీసాలు తిప్పుతున్నారని, ఇది ఎదవన్నర ఎదవ ప్రభుత్వం అని నిప్పులు చెరిగారు. మా మీద చేయి చేసుకుంటారా….చేతులు నరికేస్తాను నా కొడకల్లారా…ఖబడ్దార్ అంటూ డెడ్లీ వార్నింగ్ ఇచ్చారు. ఢిల్లీ పోలీసులకు రేణుకా చౌదరి ఇచ్చిన మాస్ వార్నింగ్ తాలూకు వీడియో సోషల్ మీడియాలో వైరల్ గా మారింది.