Political News

సంచ‌ల‌నం రేపుతున్న జ‌నసైనికుడి ఆత్మ‌హ‌త్య‌

ప్ర‌కాశం జిల్లా గిద్ద‌లూరులో బండ్ల వెంగ‌య్య నాయుడు అనే జ‌న‌సేన కార్య‌క‌ర్త అనుమానాస్ప‌ద స్థితిలో మృతి చెంద‌డం సంచ‌ల‌నం రేపుతోంది. ఈ యువ‌కుడు మూడు రోజుల కింద‌టే వార్త‌ల్లో నిలిచాడు. త‌మ నియోజ‌క‌వ‌ర్గ వైకాపా ఎమ్మెల్యే వెంక‌ట రాంబాబును గ్రామంలోని ఓ స‌మ‌స్య మీద నిల‌దీసిన వీడియో సోష‌ల్ మీడియాలో వైర‌ల్ అయింది.

త‌మ ఊరిలో పారిశుద్ధ్య స‌మ‌స్య తీవ్రంగా ఉంద‌ని.. రోడ్ల మీద నీళ్లు నిలుస్తున్నాయ‌ని.. రోడ్డు వేయ‌మ‌ని అడుగుతున్నా పట్టించుకోవ‌డం లేద‌ని, ఇత‌ర స‌మ‌స్య‌లు కూడా ప‌రిష్కారం కాలేద‌ని వెంగ‌య్య నాయుడు.. కార్లో త‌మ ఊరి వైపు వ‌చ్చిన‌ ఎమ్మెల్యేను ఆపి అడిగాడు. ఐతే త‌న‌ను ఏక వ‌చ‌నంతో సంబోధించినందుకు ఎమ్మెల్యే ఆగ్ర‌హించారు. ముందు మెడ‌లో జ‌న‌సేన‌ కండువా తీసి మాట్లాడ‌మ‌న్నాడు. వెంగ‌య్య నాయుడిని ఎమ్మెల్యే దూషిస్తూ వార్నింగ్ ఇచ్చిన వీడియో సోష‌ల్ మీడియాలోకి వ‌చ్చింది.

స‌మ‌స్య‌ల గురించి అడిగినందుకు వైకాపా ఎమ్మెల్యే దౌర్జ‌న్యం జ‌న‌సైనికులు దాన్ని వైర‌ల్ చేశారు. ఐతే ఇది జ‌రిగిన మూడో రోజు వెంగ‌య్య నాయుడు మృతి చెందాడు. అత‌ను ఆత్మ‌హ‌త్య‌కు పాల్ప‌డ్డ‌ట్లుగా చెబుతున్నారు. ఐతే వైకాపాకు చెందిన ఎమ్మెల్యే వ‌ర్గీయులే వెంగ‌య్య నాయుడిని చంపేశార‌ని బాధితుడి కుటుంబీకులు ఆరోపిస్తున్నారు. ఎమ్మెల్యేను స‌మ‌స్య‌ల మీద ధైర్యంగా నిల‌దీసిన వ్య‌క్తి ఆత్మ‌హ‌త్య ఎందుకు చేసుకుంటాడ‌ని వారు ప్ర‌శ్నిస్తున్నారు.

ఒక‌వేళ అత‌ను ఆత్మ‌హ‌త్యకు పాల్ప‌డినా.. అది ఎమ్మెల్యే వ‌ర్గీయుల బెదిరింపుల వ‌ల్లే అని ఆరోపిస్తున్నారు. దీనిపై జ‌న‌సేన అధినేత ప‌వ‌న్ క‌ళ్యాణ్ కూడా స్పందించారు. స‌మ‌స్య‌ల గురించి అడిగితే ప్రాణాలు పోవాల్సిందేనా అని ప్ర‌శ్నించారు. వెంగ‌య్య నాయుడు మృతికి బాధ్యులైన‌ ఎమ్మెల్యే, ఆయ‌న అనుచ‌రుల‌పై కేసులు న‌మోదు చేయాల‌ని ప‌వ‌న్ డిమాండ్ చేశారు.

This post was last modified on January 19, 2021 9:47 am

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

31 minutes ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

45 minutes ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

1 hour ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

1 hour ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

1 hour ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

2 hours ago