Political News

అవును… సాయిరెడ్డిని సజ్జల కొట్టారు: కోటంరెడ్డి

ఒకప్పుడు వైసీపీలో చక్రం తిప్పిన విజయ సాయిరెడ్డి ప్రస్తుతం ఆ పార్టీపై తిరుగబాటు బావుటా ఎగురవేసిన సంగతి తెలిసిందే. ఈ క్రమంలోనే ఆ పార్టీలో కీలక వ్యక్తిగా కొనసాగుతున్న సజ్జలే వైసీపీలో నంబర్ వన్ అని, జగన్ నంబర్ 2 అని సాయిరెడ్డి చేసిన వ్యాఖ్యలు సంచలనం రేపాయి. ఇక, గతంలో జగన్ సమక్షంలో తనపై సజ్జల చేయి చేసుకున్నారని, అయినా జగన్ స్పందించలేదని షాకింగ్ కామెంట్స్ చేశారు. ఈ క్రమంలోనే సాయిరెడ్డి వ్యాఖ్యలపై ఒకప్పటి వైసీపీ ఎమ్మెల్యే, ప్రస్తుత టీడీపీ ఎమ్మెల్యే కోటంరెడ్డి శ్రీధర్ రెడ్డి స్పందించారు.

గతంలో మంగళగిరిలో వైసీపీ ప్లీనరీ సందర్భంగా విజయసాయిరెడ్డిని సజ్జల రామకృష్ణారెడ్డి కొట్టడం నిజమేనని కోటంరెడ్డి శ్రీధర్ రెడ్డి నిర్ధారించారు. అంతేకాదు, అసలు ఆ దాడికి గల కారణాలను కూడా ఆయన వెల్లడించారు. ప్లీనరీ వేదికపై ఎవరితో మాట్లాడించాలనే విషయంపై ఇద్దరి మధ్య వివాదం ఏర్పడిందని కోటం రెడ్డి చెప్పారు. ఆ క్రమంలోనే ఇరువురి మధ్య మాటా మాటా పెరిగి చివరకు సాయిరెడ్డిపై సజ్జల చేయి చేసుకున్నారని చెప్పారు.

తనకు 74 అవమానాలు జరిగాయని విజయసాయిరెడ్డి చెప్పారని, కానీ తనకు తెలిసి మరో అవమానం కూడా ఆయనకు జరిగిందని గుర్తు చేసుకున్నారు. ఎన్నికల ప్రచారం సందర్భంగా సొంతూరు తాళ్లపూడి వచ్చినప్పుడు కాకుపల్లి సెంటర్ లో 100 వాహనాలతో స్వాగతం పలికిన కారణంతో సాయిరెడ్డిని సజ్జల బండ బూతులు తిట్టారని గుర్తు చేసుకున్నారు.

ఇక, ఏపీలో కులాలు, మతాల మధ్య చిచ్చు పెడుతున్న వైసీపీ వికృత రాజకీయాలకు తెర తీసిందని విమర్శించారు. ప్రాజెక్టులన్నీ కట్టింది జగన్ అని, దేశానికి స్వాతంత్రం తెచ్చింది కూడా ఆయనే అన్న రీతిలో వైసీపీ క్రెడిట్ చోరీకి పాల్పడుతోందని ఎద్దేవా చేశారు. మరి, కోటంరెడ్డి కామెంట్లపై సజ్జల రియాక్షన్ ఏమిటి అన్నది ఆసక్తికరంగా మారింది.

This post was last modified on September 1, 2026 4:17 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

2 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

3 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

4 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

4 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

5 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

5 hours ago