Political News

అవును… సోనియా పుస్త‌కం ప్ర‌చురించం!

కాంగ్రెస్‌పార్టీ మాజీ అధ్య‌క్షురాలు, ప్ర‌స్తుత రాజ్య‌స‌భ స‌భ్యురాలు సోనియా గాంధీ రాసిన ఆత్మక‌థ ..పుస్త‌కం ముద్రణ వ్య‌వ‌హారం వివాదంగా మారింది. ఈ పుస్త‌కాన్ని ముద్రించేందుకు ఒప్పందం చేసుకున్న విదేశీ ప్ర‌చుర‌ణ క‌ర్త‌.. పెంగ్విన్‌.. ఈ ఒప్పందం నుంచి త‌ప్పుకొంది. దీనిపై అనేక విమ‌ర్శ‌లు వ‌చ్చాయి. అస‌లు ఎందుకు ఈ సంస్థ ముద్రణ ఒప్పందం నుంచి త‌ప్పుకుంద‌న్నది కూడా ఆస‌క్తిగా మారింది. ఈ నేప‌థ్యంలో స‌ద‌రు సంస్థ వివ‌ర‌ణ ఇచ్చింది. తాము త‌ప్పుకొన్న మాట వాస్త‌వమేన‌ని పేర్కొంది.

సోనియా గాంధీ.. ఇటలీ దేశ‌స్తురాలు. మాజీ ప్ర‌ధాని ఇందిరాగాంధీ పెద్దకుమారుడు, మాజీ ప్ర‌ధాని రాజీవ్‌గాంధీని ఆమె ప్రేమించి వివాహం చేసుకున్నారు. అనంత‌రం.. భార‌త దేశానికి తిరిగి వ‌చ్చారు. సుదీర్ఘ‌కాలం పాటు ఆమె కుటుంబానికే ప‌రిమితం అయ్యారు. రాజీవ్‌గాంధీ మ‌ర‌ణానంత‌రం కూడా.. సుమారు 8 ఏళ్ల‌కు పైగా పార్టీ విష‌యాల‌పై దృష్టి పెట్ట‌లేదు. అప్ప‌ట్లో సీతారం కేస‌రి, మాజీ ప్ర‌ధానిపీవీ న‌ర‌సింహారావే విష‌యాలు చూసుకునేవారు. అయితే.. ఆనాటి నుంచి నేటి వ‌ర‌కు ఉన్న అంశాల‌ను ప్రోది చేసి.. సోనియా పుస్త‌కం రాశారు.

దీనికి.. ‘బిలాంగింగ్‌: ఏ జర్నీ ఆఫ్‌ లవ్‌’ అని పేరు పెట్టారు. ఈ పుస్త‌కాన్ని ప్ర‌చురించేందుకు పెంగ్విన్ ర్యాండమ్ హౌస్ ఇండియా ఒప్పందం చేసుకుంది. వాస్త‌వానికి దీనిని వ‌చ్చే నెల‌లో మార్కెట్‌లోకి తీసుకురావాల్సి ఉంది. కానీ. హ‌ఠాత్తుగా పెంగ్విన్ సంస్థ‌.. ఈ ప్ర‌చుర‌ణ ఒప్పందం నుంచి త‌ప్పుకొంది. దీనిపై తాజాగా ఆ సంస్థ వివ‌ర‌ణ ఇచ్చింది. ముంద‌స్తు ఒప్పందం ప్ర‌కారం.. సోనియా రాసిన పుస్త‌కాన్ని తాము విదేశాల‌కు మాత్ర‌మే ప‌రిమితం చేశామ‌ని.. భార‌త దేశంలో త‌మ ముద్రణ పుస్త‌కం అందు బాటులోకి రాద‌ని తెలిపింది.

ఇక‌, ఈ పుస్త‌కంలోని కొన్ని అంశాల్లో మార్పులు చేర్పులు చేయాల‌ని ర‌చ‌యిత సోనియాకు తాము సూచించిన‌ట్టు పెంగ్విన్ పేర్కొంది. మార్పులు, చేర్పులు సూచించ‌డం అనేది ముద్ర‌ణ సంస్థ‌కు ఉన్న హ‌క్కు అని.. దీనిని అంగీక‌రించాలా.. వ‌ద్దా.. అనేది ర‌చ‌యిత ఇష్టానికే వ‌దిలేస్తామ‌ని పేర్కొంది. ఒక, ప్రచురణకర్తగా వాస్తవాలను సరిచూసుకోవడం. అవసరమైతే రచయితలకు కొన్ని సిఫార్సులు చేయ‌డం కామ‌న్‌గా జ‌రిగే ప్ర‌క్రియ. ఇక్క‌డ కూడా అదే జ‌రిగింది.అని వివ‌రించింది.

ఇక‌, సోనియా పుస్త‌కం ప్ర‌చుర‌ణ నుంచి త‌ప్పుకొన్న మాట వాస్త‌వ‌మేన‌ని అయితే.. దీనిపై ప్ర‌చారంలోకి వ‌స్తున్న కార‌ణాలు మాత్రం స‌హేతుకంగా లేవ‌ని పెంగ్విన్ పేర్కొంది. అలాగే.. తాము ముద్ర‌ణ‌కు ముందు రచయితతో జరిగిన రహస్య చర్చల తాలూకు విష‌యాన్ని బ‌య‌ట‌కు చెప్ప‌బోమ‌ని పేర్కొంది. మొత్తంగా ఈ పుస్త‌కం ముద్ర‌ణ వివాదంలో ప‌డ‌డం.. దీనిపై పెంగ్విన్ వివ‌ర‌ణ ఇవ్వ‌డం గ‌మ‌నార్హం. ఇదిలావుంటే.. న‌వంబ‌రు 10న సోనియా ఆత్మ‌క‌థ‌.. ‘బిలాంగింగ్‌: ఏ జర్నీ ఆఫ్‌ లవ్‌’ పుస్త‌కం అందుబాటులోకి వ‌స్తుంద‌ని కాంగ్రెస్ పార్టీ మ‌రోసారి ప్ర‌క‌టించింది.

This post was last modified on August 28, 2026 10:26 pm

Share

Recent Posts

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

26 seconds ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

13 minutes ago

బాక్సాఫీస్ వ్యూహంలో వెనుదిరిగిన అర్జునుడు

మహాభారత యుద్ధం చివరి ఘట్టానికి ముందు అభిమన్యుడు కౌరవులు పన్నిన పద్మవ్యూహంలోకి వెళ్ళి వీరోచితంగా పోరాడతాడు. అయితే లోపలికి వెళ్లడమే…

22 minutes ago

పేరుకు తగ్గ పని చేసిన రియాలిటీ

రియాలిటీ అని ఏ ముహూర్తంలో టైటిల్ పెట్టుకుని స్వీయ దర్శకత్వంలో సినిమా చేస్తున్నాడో దానికి తగ్గట్టే హీరో కిరణ్ అబ్బవరం…

39 minutes ago

పార్లమెంటులోనే ప్రపోజల్.. ముద్దు …

రాజకీయ నాయకుల ప్రసంగాలు సాధారణంగా ప్రజా సమస్యలు, ప్రభుత్వ విధానాలు, రాజకీయ భవిష్యత్తు చుట్టూనే సాగుతుంటాయి. కానీ ఆస్ట్రేలియాలో ఓ…

1 hour ago

విడుద‌ల‌కు ముందే బ్లాక్ బ‌స్ట‌ర్ పార్టీ

నేచుర‌ల్ స్టార్ నానికి హీరోగా కంటే నిర్మాత‌గా ఎక్కువ క్రెడిబిలిటీ ఉంది అంటే అతిశ‌యోక్తి కాదు. తాను హీరోగా న‌టించినా,…

2 hours ago