రాహుల్ కాదంటే… రేవంతే ప్ర‌ధానా?!

రాహుల్ గాంధీకి ప్ర‌ధాన మంత్రి ప‌ద‌విపై మోజులేదు. నేనే చెప్పి ఒప్పించా. వ‌చ్చే ఎన్నిక‌ల్లోనే రాహుల్ ను ప్ర‌దానిని చేసేందుకు ప్ర‌య‌త్నం చేస్తాం. అని తెలంగాణ ముఖ్య‌మంత్రి రేవంత్ రెడ్డి రెండు రోజుల కింద‌ట చేసిన వ్యాఖ్య‌లు.. రాజ‌కీయ వ‌ర్గాల్లో ఇంకా చ‌ర్చ‌కు వ‌స్తూనే ఉన్నాయి. వాస్త‌వానికి రాహుల్‌ను ప్ర‌ధానిని చేయాల‌ని.. అనేక సంవ‌త్స‌రాలుగా కాంగ్రెస్ పార్టీ భావిస్తోంది.

ఈ క్ర‌మంలోనే దేశ‌వ్యాప్తంగా రాహుల్ కోసం.. ఉద్య‌మాల‌కు కూడా కొంద‌రు నాయ‌కులు శ్రీకారం చుట్టారు. ఇక‌, ఇప్ప‌టికీ.. రాహుల్‌కు ప్ర‌ధాని కావాల‌ని లేద‌న్న దానిలో వాస్త‌వం ఉందో లేదో రేవంత్ ఆలోచ‌న చేసుకోవాలి. మ‌రోవైపు.. రాహుల్ ఇప్ప‌టికీ ప్ర‌ధాని కాదంటే..ఆ ప‌ద‌విని రేవంత్ తీసుకుంటారా? అనే చ‌ర్చ కూడా తెర‌మీదికి వ‌చ్చింది.

2034 నాటికి తాను జాతీయ స్థాయిలో రాజ‌కీయాలు చేయాల‌ని భావిస్తున్న‌ట్టు చెబుతున్న రేవంత్ ఉద్దేశాన్ని ఎద‌రూ కాద‌న‌రు. ఇదే జ‌రిగితే.. పీవీ న‌రసింహారావు త‌ర్వాత‌.. ఆ స్థాయిని చేరుకునే నాయ‌కుడిగా రేవంత్‌కు గుర్తింపు ల‌భిస్తుంది. నాడు.. పీవీని కూడా రాష్ట్ర నాయ‌కుడిగా ఉన్న‌ప్ప‌టికీ.. జాతీయ‌స్థాయి నాయ‌కుడిగా ఇందిరా గాంధీ ఆహ్వానించారు. ఇప్పుడు రేవంత్‌ను రాహుల్ ఆహ్వానిస్తున్నారు.

ఈ క్ర‌మంలో రాహుల్‌ను ప్ర‌ధానిని చేయాల‌న్న‌ది రేవంత్ చెబుతున్న మాట‌. రేవంత్ జాతీయ రాజ‌కీయాల్లోకి వెళ్లి.. రాహుల్‌ను ప్ర‌ధాని చేయ‌డ‌మే ల‌క్ష్య‌మైతే.. మంచిదే. కానీ, తానే ప్ర‌ధాని కావాల‌న్న ఉద్దేశం కూడా ఆయ‌న మాటల్లో తొణికిస లాడింది. ఇటీవ‌ల ప్ర‌ధాని మోడీ కూడా.. త‌న‌తో చేతులు క‌లిపితే.. ఉండే అవ‌కాశం(రాజ‌కీయం) వేరేగా ఉంటుంద‌ని వ్యాఖ్యానించారు. ఈ ప‌రిణామాల క్ర‌మంలోనే రేవంత్ రెడ్డి వ్యూహాత్మ‌కంగా వ్యాఖ్యానించార‌న్న చ‌ర్చ జ‌రుగుతోంది. మ‌రి ఏం జ‌రుగుతుందో చూడాలి.