Political News

గ్రేట‌ర్‌లో ఓట్ల శాతం పెరుగుతుందా? ఎవ‌రికి లాభం!

గ్రేట‌ర్ హైద‌రాబాద్ మునిసిప‌ల్ కార్పొరేష‌న్ ఎన్నిక‌ల్లో పోలింగ్ ప‌ర్సంటేజ్ పెరుగుతుందా? కొన్ని పార్టీ లు వ్యూహాత్మ‌కంగా పోలింగ్ ప‌ర్సంటేజ్ పెంచేందుకు ప్ర‌య‌త్నాలు చేస్తున్నాయా? అంటే.. ఔన‌నే అంటున్నారు ప‌రిశీల‌కులు. ప్ర‌చార ప‌ర్వం ముగిసింది. మ‌రికొన్ని గంట‌ల్లోనే పోలింగ్ జ‌ర‌గ‌నుంది. అయితే.. ఈ నేపథ్యంలో ఎవ‌రు గ్రేట‌ర్ పీఠాన్ని ద‌క్కించుకుంటారు? అనే చ‌ర్చ సాగుతున్న విష‌యం తెలిసిందే. దీనికి సంబంధించి.. ఒక‌వైపు ఎవ‌రి ఊహ‌లు, ఎవ‌రి అంచ‌నాలు, ఎవ‌రి విశ్లేష‌ణ‌లు వారికి ఉన్నాయి.

గ‌త ఎన్నిక‌లకు భిన్నంగా సాగిన ప్ర‌చారం.. బీజేపీ నుంచి కీలక నేత‌లు రావ‌డం వంటివి త‌మ‌కు అనుకూ లంగా ఉంద‌ని బీజేపీ నేత‌లు భావిస్తున్నారు. ఇక‌, బీజేపీ వ్య‌తిరేక‌త త‌మ‌కు క‌లిసి వ‌స్తుంద‌ని.. తాము చేస్తున్న ప్ర‌జాసంక్షేమ కార్య‌క్ర‌మాలు త‌మ‌కు గెలుపు గుర్రాన్ని అందిస్తాయ‌ని టీఆర్ఎస్ నేత‌లు భావిస్తున్నారు. స‌రే! ఇదొక భాగం. అయితే.. ఇప్పుడు మ‌రో కీల‌క విష‌యం చ‌ర్చ‌కు వ‌స్తోంది. అదేంటంటే.. ఓటింగ్ శాతం పెంచ‌డం! గ్రేట‌ర్‌లో ఓటింగ్ శాతం పెరిగేలా బీజేపీ ప్ర‌య‌త్నాలు చేస్తోంద‌ని తెలుస్తోంది.

గ‌త 2016 ఎన్నిక‌ల్లో 45.27 శాతం పోలింగ్ న‌మోదైంది. అప్ప‌ట్లో టీఆర్ఎస్‌కు 99, మ‌జ్లిస్‌కు 44, బీజేపీకి నాలుగు, కాంగ్రెస్‌కు రెండు వార్డులు ద‌క్కాయి. అయితే.. ఇప్పుడు పోలింగ్ శాతాన్ని పెంచేలా బీజేపీ నేత‌లు సోష‌ల్ మీడియాను వినియోగించుకుంటున్న‌ట్టు తెలుస్తోంది. అంటే.. సాధార‌ణంగా ఏ ఎన్నిక‌ల్లో అయినా.. త‌ట‌స్థ ఓట‌రు పెద్ద‌గా బ‌య‌ట‌కు రారు. అన్ని పార్టీలూ ఇంతే! అనే ధోర‌ణిలోనే ఉంటారు. ముఖ్యంగా ప్ర‌భుత్వంపై వ్య‌తిరేక‌త ఉన్న మ‌ధ్య‌త‌ర‌గ‌తి, ఉన్న‌త‌స్థాయి వ‌ర్గాలు.. ఓటింగుకు దూరంగా ఉంటాయి.

ఇప్పుడు ఇలాంటి వారిని టార్గెట్ చేయ‌డం ద్వారా.. త‌మ‌కు అనుకూలంగా ఓట్లు పోటెత్తేలా చేసుకోవాల‌ని .. బీజేపీ భావిస్తున్న‌ట్టు ప్ర‌చారం జ‌రుగుతోంది. ఇక‌, రాష్ట్ర ఎన్నిక‌ల క‌మిష‌న‌ర్ కూడా పోలింగ్ శాతం పెరిగేలా చ‌ర్యలు తీసుకుంటున్న‌ట్టు స‌మాచారం. ఇప్ప‌టి వ‌ర‌కు ఉన్న అంచ‌నాల మేర‌కు.. సుమారు 57-62 శాతం వ‌ర‌కు పోలింగ్ జ‌రుగుతుంద‌ని అంటున్నారు. ఇదే జ‌రిగితే.. పెరిగిన ఓట్ల‌న్నీ త‌మ‌కు అనుకూలంగా ప‌డేవేన‌ని బీజేపీ నేత‌లు అప్పుడే లెక్క‌లు వేసుకుంటున్నారు. అయితే.. పోలింగ్ పెరిగినంత మాత్రాన ప్ర‌భుత్వ వ్య‌తిరేక ఓటే కాన‌వ‌స‌రం లేద‌ని.. టీఆర్ ఎస్ వ‌ర్గాలు పేర్కొంటున్నాయి. ఏదేమైనా.. గ్రేట‌ర్ ఫైట్ చిత్రాలు ఇంకెన్ని మ‌లుపులు తిరుగుతాయో.. చూడాలి.

This post was last modified on December 1, 2020 10:17 am

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

8 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

9 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

9 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

9 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

9 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

9 hours ago