రాజకీయాల్లో ఎంత దూకుడుగా ఉంటే అంత గుర్తింపు నిజమే! కానీ, ఇది అందరికీ వర్తించే సూత్రం అవుతుందా? అందరి విషయంలోనూ దూకుడు మంచిదేనా? అంటే.. వైసీపీ నాయకుడు,మంత్రి కురసాల కన్నబాబు విషయంలో మాత్రం కాదనే అంటున్నారు పరిశీలకులు. మరీ ముఖ్యంగా కాకినాడలో ఈ విషయం హాట్ టాపిక్గా మారడం గమనార్హం. గత కొన్నాళ్లుగా.. మంత్రికి ఇక్కడ సహాయ నిరాకరణ ఎదురవుతోందనే వార్తలు వస్తున్నాయి. స్థానిక అధికారులు కూడా సహకరించడం లేదనే వార్తలు వస్తున్నాయి. సాక్షాత్తూ వ్యవసాయ మంత్రి, పైగా జగన్కు సన్నిహితుడుగా పేరు తెచ్చుకున్న కన్నబాబు విషయంలో ఇలా ఎందుకు జరుగుతోంది? అనే ప్రశ్న తెరమీదికి వచ్చింది.
దీనికి పరిశీలకులు చెబుతున్న సమాధానం.. మంత్రిగారి దూకుడే ఆయన కొంప ముంచుతోందని! గత ఏడాది ఎన్నికలకు ఏడాది ముందు వైసీపీలోకి వచ్చిన కన్నబాబుకు జగన్ మంత్రి పదవి ఇచ్చారు. దీంతో ఆయన తనదైన శైలిలో దూకుడు ప్రదర్శించారు. ప్రతిపక్షంపైనా.. ఇతర నాయకులపైనా ఆయన దూకుడు చూపారు. నిత్యం మీడియాలో విమర్శల జోరు పెంచారు. నిజానికి ఈ పరిస్థితిలో నాయకుడు వెలిగిపోవాలి. కానీ, కన్నబాబుకు ఇదే రివర్స్ అయింది. దీనికి కారణం.. కాకినాడలో ఆది నుంచి వైసీపీలో ఉన్న నాయకులు. తమకు లేని గుర్తింపు కన్నబాబుకు లభిస్తుందేమోననే బెంగ!
నిజమే.. కాకినాడకు చెందిన చాలా మంది నాయకులు.. ప్రస్తుత ఎమ్మెల్యేలు కూడా వైసీపీలో ఆది నుంచి ఉన్నారు. పైగా జగన్తో వ్యాపార భాగస్వాములుగా కూడా ఉన్నారు. వీరిలో చాలా మందికి గుర్తింపు లభించలేదు. వీరి తర్వాత పార్టీలోకి వచ్చిన కన్నబాబుకు మాత్రం జగన్ ప్రాధాన్యం ఇచ్చారు. అయితే, వీరంతా ఏదైనా ఉంటే జగన్పై చూపించాలి కానీ, కన్నబాబుపై ఏడు పెందుకు? అనే ప్రశ్న సాధారణమే. కానీ, ఇలా ఆలోచిస్తే.. రాజకీయాలు ఎందుకవుతాయి. అందుకే.. కన్నబాబుకే ఎసరు పెట్టి ఆత్మపరిశీలనలో పడేస్తే.. సరిపోతుందని భావించారు.
వీరి వ్యూహానికి అదే జిల్లాకు చెందిన మరో మంత్రి సహకరిస్తున్నారనే విషయం బహిరంగ రహస్యమే! దీంతో కన్నబాబుకు ఇటీవల కాలంలో ప్రాధాన్యం తగ్గిపోయింది. ఆయన చెప్పిన మాట అధికారులు వింటున్నా.. కార్యాచరణలో మాత్రం చూపించడం లేదు. మొత్తానికి ఈ విషయం ఇప్పటికే నియోజకవర్గం పరిధి దాటి.. జిల్లాల సరిహద్దులు దాటి.. రాష్ట్ర వ్యాప్తంగా ప్రచారంలోకి వచ్చింది. మున్ముందు ఇది ఎన్ని మలుపులు తిరుగుతుందో చూడాలి. దీనికి పరిష్కారం ఎలా ఉంటుందో తెలియాలంటే వెయిట్ చేయాలి!
This post was last modified on November 10, 2020 12:17 pm
న్యాచురల్ స్టార్ నాని అభిమానుల విపరీతమైన ఎదురు చూపులకు చెక్ పెడుతూ ది ప్యారడైజ్ టీజర్ వచ్చేసింది. నిమిషంన్నర లోపే…
సోషల్ మీడియా ఎప్పుడు ఎవరికి ఎలా ఫేమ్ తెచ్చిపెడుతుందో ఊహించలేం. మలయాళ అమ్మాయి ప్రియ ప్రకాష్ వారియర్ అనుకోకుండా అలాగే…
కొన్ని సినిమాలు థియేటర్లలో ఆశించిన ఫలితాలు అందుకోకపోయినా.. కాల క్రమంలో కల్ట్ స్టేటస్ సంపాదిస్తాయి. టీవీల్లో, ఆన్ లైన్లో గొప్ప ఆదరణ…
దేశవ్యాప్తంగా పార్లమెంటు నియోజకవర్గాలను పునర్విభించి .. మహిళలకు రిజర్వేషన్ కల్పించాలన్న కేంద్ర ప్రభుత్వం ఆశలు ప్రస్తుత సమావేశాల్లో నెరవేరేలా కనిపించడం…
తెలంగాణాలో ఎమ్మెల్యేలు, మంత్రులకు తమ కుమారుల ప్రేమ వ్యవహారాలు తలనొప్పిగా మారుతున్నాయి. నిన్నా మొన్నటి వరకు కేంద్ర మంత్రి బండి…
ఇంకా రాకా షూటింగ్ పూర్తి కాలేదు. మూడు నెలలకు పైనే వర్కింగ్ డేస్ అవసరమవుతాయని అంటున్నారు. అందుకే విడుదల తేదీ…