నిలకడలేని మాటలు… నిబద్ధత లేని వ్యవహారాలకు కేరాఫ్గా మారిన అమెరికా అధ్యక్షుడు డొనాల్డ్ ట్రంప్.. 24 గంటల్లో మాట మార్చేశారు. పహెల్గామ్ ఉగ్రదాడి విషయంపై తొలి రెండు రోజులు తీవ్రంగా స్పందించిన ట్రంప్.. ఈ విషయంలో భారత్ తీసుకునే ఏ నిర్ణయానికైనా అమెరికా అండగా ఉంటుందని తెలిపారు. అంతేకాదు.. ఉగ్రవాద దాడిని తాము తీవ్రంగా ఖండిస్తున్నామని.. ఇది ఎవరు చేసినా తప్పేనని వ్యాఖ్యానించారు.
ఇక, అమెరికా ప్రతిష్టాత్మక మీడియా న్యూయార్క్ టైమ్స్.. ఉగ్రదాడిని తీవ్ర వాద దాడిగా చూపించడాన్ని కూడా.. అగ్రరాజ్యం తప్పుబట్టి తలంటింది. భారత్లోని పహెల్గామ్లో జరిగింది ముమ్మాటికీ ఉగ్రదాడేనని పేర్కింది. న్యూయార్క్ టైమ్స్ తన పద్ధతిని మార్చుకోవాలని సూచించింది. ఇన్ని పరిణామాలు జరిగిన తర్వాత.. సహజంగానే ట్రంప్.. భారత్కు అండగా ఉంటారని.. అందరూ అనుకున్నారు. కానీ, ట్రంప్ వ్యవహార శైలి.. ఆయన మిడిమిడి నడత తెలిసిన వారు ముందు నుంచి అనుమానిస్తున్నారు.
ఖచ్చితంగా ఇప్పుడు అదే జరిగింది. “భారత్పై దాడిని ఖండించాల్సిందే. ఖండిస్తున్నాం కూడా. కానీ, ఈ విషయంలో భారత్-పాకిస్థాన్ దేశాలే తేల్చుకోవాలి. తృతీయ పక్షం జోక్యం చేసుకుంటే బాగోదు” అని తన దైన శైలిలో ట్రంప్ వ్యాఖ్యానించారు. పోప్ ఫ్రాన్సిస్ అంత్యక్రియలు శనివారం వాటికన్ సిటీలో జరగనున్నాయి. ఈ నేపథ్యంలో అమెరికా అధ్యక్షుడి హోదాలో ట్రంప్ ఈ కార్యక్రమంలో పాల్గొననున్నారు. ఈ సందర్భంగా ఆయన విమానంలోనే మీడియాతో మాట్లాడుతూ.. పైవిధంగా వ్యాఖ్యానించారు.
అంతేకాదు.. భారత్ మాదిరిగానే పాకిస్థాన్తోనూ తమకు స్నేహ పూర్వక సంబంధాలు ఉన్నాయని తెలిపా రు. జమ్ము కశ్మీర్ సరిహద్దుల విషయంలో ఇరు దేశాలకు ఏళ్ల తరబడి వివాదాలు కొనసాగుతున్నాయని.. ఈ క్రమంలో తాము జోక్యం చేసుకోవడం భావ్యం కాదన్నారు. ఈ సమస్యను వారే పరిష్కరించుకుంటారని చెప్పారు. దీంతో ఒక్కసారిగా పాకిస్థాన్ వైపు నుంచి రియాక్షన్ పెరిగింది. భారత్ కాలు దువ్వితే.. తాము గట్టిగా సమాధానం చెబుతామని.. పాక్ ప్రధాని వ్యాఖ్యలు రువ్వారు. ప్రతిపక్ష నాయకుడు భుట్టే సైతం.. సింధు నీటిని ఆపేస్తే.. రక్తం పారిస్తామని నోరు చేసుకున్నారు. సొ.. మొత్తానికి ట్రంప్ తెంపరి తనం మున్ముందు ఎలా ఉంటుందో చూడాలి.
This post was last modified on April 26, 2025 1:12 pm
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…
కుప్పం.. ఏపీ సీఎం చంద్రబాబు సొంత నియోజకవర్గం. గత 40 సంవత్సరాలుగా ఏక ఛత్రాధిపత్యంగా చంద్రబాబు ఇక్కడ విజయం దక్కించుకుంటున్నారు.…