అగ్రరాజ్యం అమెరికా అధ్యక్ష ఎన్నికల తెదీ దగ్గర పడుతున్న కొద్దీ ప్రపంచ దేశాల్లో టెన్షన్ పెరిగిపోతోంది. ఇందులో భాగంగానే అమెరికాలోని ఓటర్ల నాడిని పట్టుకోవటానికి సర్వే సంస్ధలు తెగ ప్రయత్నిస్తున్నాయి. మీడియా సంస్ధలతో పాటు అనేక సంస్ధలు దేశంలోని అనేక రాష్ట్రాల్లో రకరకాల సర్వేలు చేస్తున్నాయి. అయితే సర్వే చేసే సంస్ధల్లో హార్వార్డ్ విశ్వవిద్యాలయంలోని విద్యార్ధులు, ఫ్యాకల్టీ కలిసి చేసే సర్వేకి మంచి క్రెడిబులిటి ఉందట. దీన్నీ ’2020 కో ఆపరేటివ్ ఎలక్షన్ స్టడీ’ పేరుతో విడుదల చేశారు.
ఈ సర్వేలో దేశవ్యాప్తంగా వివిధ రాష్ట్రాల్లోని అనేక వర్గాలను కలిశారు. తమ సర్వేలో విదేశీయులు, వయస్సులు, స్త్రీ, పురుషులు, అమెరికన్ల అంటూ అనేక సెక్షన్లతో మాట్లాడి అభిప్రాయాలు తెలుసుకున్నట్లు ఎలక్షన్ స్టడీ చెప్పింది. మొత్తం సర్వేలోని అంశాలన్నింటినీ చూసిన తర్వాత డెమక్రటిక్ అభ్యర్ధి జో బైడెన్ కు 51 శాతం మద్దతున్నట్లు తేలిందట. రిపబ్లికన్ పార్టీ అభ్యర్ధి, ప్రస్తుత అధ్యక్షుడు డొనాల్డ్ ట్రంప్ కు 43 శాతం మందే మద్దతుగా నిలిచినట్లు తేలిందన్నారు. మరి మిగిలిన 6 శాతం ఓట్లు ఎటుపోయాయో తెలీటం లేదు.
18-44 మధ్య వయస్సున్న వాళ్ళల్లో అత్యధికులు బైడెన్ కు మద్దతుగా నిలబడ్డారట. అలాగే 65 ఏళ్ళపైబడిన వాళ్ళలో 53 శాతం మంది ట్రంప్ కు మద్దతుగా నిలబడ్డారట. ఆసియా అమెరికన్లలో 65 శాతం బైడెన్ వైపు, 28 శాతం మాత్రమే ట్రంపకు మద్దతిస్తున్నట్లు తేలిందట. ఇక అమెరికాలో అత్యంత కీలకమైన నల్లజాతీయుల్లో కేవలం 9 శాతం మాత్రమే ట్రంపు మళ్ళీ అధ్యక్షుడు కావాలని కోరుకుంటున్నారట. నల్లజాతీయుల్లో 86 శాతం బైడెన్ కే ఓట్లేస్తామన్నారు. ఈమధ్య వివిధ రాష్ట్రాల్లో నల్లజాతీయులపై పోలీసులు దాడులు, కాల్చిచంపడాల్లాంటివి నల్లజాతీయులపై బాగా ప్రభావం చూపుతున్నట్లు తెలుస్తోంది.
ఇక హిస్పానిక్ అమెరికన్లలో 59 శాతం బైడెన్ వైపు నిలవగా, 35 శాతం మంది ట్రంపుకు మద్దతుగా నిలబడ్డారట. ఇదే సమయంలో అమెరికన్ల విషయం మాత్రం కాస్త సస్పెన్సుగానే నిలిచింది. అమెరికాలోని శ్వేతజాతీయుల్లో 49 శాతం మంది ట్రంపుకు మద్దతుగా నిలిచారు. 45 శాతం మంది బైడెన్ కే తమ మద్దతు అన్నారట. అంటే ఇక్కడ తేడా కేవలం 4 శాతం మాత్రమే అన్నది గమనించాలి. ఇద్దరిలో ఎవరికి ఓటు వేయాలో తేల్చుకోలేని 6 శాతం ఓట్లే కీలకమని అర్ధమైపోతోంది.
ఇక మొత్తం మహిళలను తీసుకుంటే 55 శాతం బైడెన్ కు, ట్రంపుకు మద్దతుగా 39 శాతం ఉన్నారట. పురుష ఓటర్లలో ఇద్దరికీ చెరోసగం మద్దతుగా నిలబడ్డారని సర్వేలో తేలింది. చివరగా నిరుద్యోగుల్లో కూడా బైడెన్ కే అత్యధిక మద్దతు ఉందట. మరి తాజా సర్వే ఫలితాలను బట్టి చూస్తుంటే బైడెన్ గెలుపు ఖాయమనే అర్ధమవుతోంది. కాకపోతే సర్వే ఫలితాలు, అంచనాలన్నీ ప్రతిసారి వాస్తవం అవుతుందని అనుకునేందుకు లేదు.
This post was last modified on November 1, 2020 6:33 pm
ఏపీ సీఎం చంద్రబాబుకు కేంద్రం చేసిన ప్రతిపాదన తీవ్ర సంకట స్థితిలోకి నెట్టేసింది. పాలమూరు-రంగారెడ్డి ప్రాజెక్టుకు అనుమతి ఇవ్వాలంటూ.. కేంద్ర…
దాదాపు రెండేళ్ల తర్వాత.. ఏపీలో మరోసారి ఎన్నికలకు రంగం రెడీ అవుతోంది. గ్రామ పంచాయతీ సహా.. స్థానిక సంస్థల ఎన్నికలకు…
పెద్ది రీ రికార్డింగ్ ఎక్కడిదాకా వచ్చిందో ఇంకా క్లారిటీ లేదు. అడుగుదామంటే దర్శకుడు బుచ్చిబాబు బయట కనిపించే పరిస్థితిలో లేరు.…
తెలంగాణలోని సింగిల్ థియేటర్లలో అద్దె విధానానికి స్వస్తి పలికి పర్సంటేజీ పద్ధతిని తీసుకురావాలని ఇక్కడి ఎగ్జిబిటర్లు ఎప్పట్నుంచో డిమాండ్ చేస్తూ…
తినుబండారాలు అంటే చాలా మందికి అర్థం కాదేమో. ఎందుకంటే మనోళ్లంతా ఇప్పుడు ఆ తినుబండారాలకు స్నాక్స్ అని పేరు పెట్టుకున్నారు…
తాజాగా జరిగిన తెలంగాణ ఎగ్జిబిటర్ల సమావేశంలో సింగల్ స్క్రీన్లకు పర్సెంటేజ్ విధానం అమలు చేయడం గురించి పెద్ద చర్చే జరిగింది.…