తెలంగాణ అసెంబ్లీ బడ్జెట్ సమావేశాలు వాడీవేడీగా జరుగుతున్నాయి. ప్రభుత్వ వాదనలకు విపక్షాల నుంచి కూడా అదే స్థాయిలో కౌంటర్లు పడుతున్నాయి. ఆ కౌంటర్లకు అధికార పక్షం నుంచి కూడా రీ కౌంటర్లు పడిపోతున్నాయి. చర్చలు రసవత్తరంగా సాగుతున్నాయి. ఈ క్రమంలో బుధవారం నాటి సమావేశాల్లో ఓ ఆసక్తికర సంఘటన చోటుచేసుకుంది. అది కూడా భాషా సంబంధిత అంశం కావడం గమనార్హం. మంత్రి సీతక్క, మజ్లిస్ శాసనసభాపక్ష నేత అక్బరుద్దీన్ ఓవైసీల మధ్య ఓ మోస్తరు వాగ్వాదం చోటుచేసుకుంది. ఈ సందర్భంగా అక్బరుద్దీన్.. ”సీతక్కకు ఉర్దూ రాదు, నాకు తెలుగు రాదు”అంటూ ఆసక్తికర వ్యాఖ్యలు చేశారు. ఈ వ్యాఖ్యలు తెలుగు ప్రజలను ఆశ్చర్యానికి గురి చేశాయని చెప్పాలి.
మజ్లిస్ పార్టీ హైదరాబాదులోని పాతబస్తీ కేంద్రంగా రాజకీయం చేస్తోంది. ఎప్పుడు ఎన్నికలు వచ్చినా…హైదరాబాద్ లోక్ సభ సీటుతో పాటుగా దాని పరిధిలోని 7 అసెంబ్లీ సీట్లలో ఆ పార్టీనే విజయం సాధిస్తూ వస్తోంది. ఏళ్ల తరబడి ఇదే పరిస్థితి కొనసాగుతోంది. మజ్లిస్ అధ్యక్షుడు అసదుద్దీన్ తో పాటు అక్బరుద్దీన్ లు ఉన్నత విద్యావంతులు. ఉర్దూ, హిందీ, ఇంగ్లీష్ లలో వారు అనర్గళంగా మాట్లాడతారు. ఏ అంశంపై అయినా వారు ఈ మూడు బాషల్లో మాట్లాడుతుంటే… ఇట్టే చెవులు అప్పగించి మరీ వినాలనిపిస్తుంది. అలాంటిది ఆ ఇద్దరు నేతలతో పాటుగా మజ్లిస్ కు చెందిన చాలా మంది నేతలకు తెలుగు రాదు. ఈ విషయంలో అసదుద్దీన్ ఒకింత ఫరవా లేదనిపించినా… అక్బరుద్దీన్ మాత్రం తెలుగు అస్సలు మాట్లాడలేరు. తెలుగును అర్థం చేసుకోనూ లేరు.
ఇక బుధవారం నాటి ఘటన విషయానికి వస్తే…ప్రభుత్వ పథకాల గురించి అక్బరుద్దీన్ పలు అంశాలను లేవనెత్తారు. ఈ సందర్బంగా ఆయన ప్రశ్నలకు మంత్రి సీతక్క నుంచి అంతగా సరైన సమాధానం రాలేదే, ఏమో తెలియదు గానీ… సీతక్క తీరును అక్బర్ నిరసించారు. తాను ఒకటి అడిగితే..మంత్రిగారు ఇంకొకటి చెబుతున్నారంటూ వ్యాఖ్యానించారు. ఈ సందర్భంగానే ఆయన ”సీతక్కకు ఉర్దూ రాదు, నాకు తెలుగు రాదు”అంటూ వ్యాఖ్యానిచారు. ఈ వ్యాఖ్యలకు సీతక్క కూడా స్పాంటేనియస్ గా స్పందించారు. తనకు ఇంగ్లీష్ రాదని, ఉర్దూ కూడా రాదని తేల్చి చెప్పారు. ఎక్కడో అడవుల్లో, గూడేంలో పుట్టి పెరిగిన తనకు తెలుగు మాత్రమే వచ్చునని ఆమె తెలిపారు. అయినంత మాత్రాన ఆయా విషయాలు తనకు తెలియవా? అంటూ ఆమె అక్బర్ కు కౌంటర్ ఇచ్చారు. ఇక ఈ సంభాషణలను విన్న నెటిజన్లు… అక్బర్ కు తెలుగు రాని విషయాన్ని ఒకింత లైటర్ వేలో ప్రశ్నించారు.
This post was last modified on March 26, 2025 9:52 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…