Political News

రెండు జిల్లాల్లో ఆ ‘ఎంపీ ‘ మాటే రైట్ రైట్‌.. !

రెండు జిల్లాల‌ను ఒకే ఎంపీ శాసిస్తున్నారా? త‌న ఆధిప‌త్య పోరులో రాజ‌కీయాల‌ను వేడెక్కిస్తున్నారా? అంటే.. ఔన‌నే అంటున్నారు రాజ‌కీయ ప‌రిశీల‌కులు. క‌డ‌ప నుంచి ఉత్త‌రాంధ్ర‌కు వ‌చ్చి విజ‌యం ద‌క్కించుకున్న ఎంపీ సీఎం ర‌మేష్‌. ఆయ‌న సొంత జిల్లా క‌డ‌ప‌. కానీ, రాజ‌కీయంగా వ‌చ్చిన అవ‌కాశంతో ఆయ‌న అన‌కాప‌ల్లి నియోజ‌క‌వ‌ర్గం నుంచి విజ‌యం ద‌క్కించుకున్నారు. దీంతో ఇప్పుడు అటు క‌డ‌ప‌లోను, ఇటు అన‌కాప‌ల్లిలోనూ.. త‌న‌దైన రాజ‌కీయాల‌కు తెర‌దీశారు.

అయితే.. ఈ రాజ‌కీయాలు అభివృద్ధికి అనుగుణంగా ఉంటే ఇబ్బంది లేదు. కానీ, రాజ‌కీయంగా వివాదాలకు, విభేదాల‌కు తావిస్తుండ‌డం పెద్ద స‌మ‌స్య‌గా మారింది. అన‌కాప‌ల్లి నియోజ‌క‌వ‌ర్గంలో టీడీపీ నాయ‌కులకు ఎంపీకి మ‌ధ్య ప్ర‌చ్ఛ‌న్న యుద్ధం సాగుతోంది. సీఎం ర‌మేష్‌కు వ్య‌తిరేకంగా ఇక్క‌డ టీడీపీ నాయ‌కులు ఫిర్యాదుల‌పై ఫిర్యాదులు మోస్తున్నార‌ని స‌మాచారం. కానీ, సీఎం ర‌మేష్‌కు సీఎం చంద్ర‌బాబు వ‌ద్ద ఉన్న ప‌లుకుబడి.. ఇత‌ర‌త్రా అనుబంధాల‌తో ఎలాంటి చ‌ర్య‌లూ తీసుకోలేక పోతున్నారు.

ఇక‌, క‌డ‌ప‌లో బీజేపీ నాయ‌కుడు.. ఎమ్మెల్యే ఆదినారాయ‌ణ‌రెడ్డితో సీఎం ర‌మేష్ విభేదాలు ర‌చ్చ‌కెక్కాయి. ఆదికి వ్య‌తిరేకంగా సీఎం ర‌మేష్‌.. ఎంత‌కైనా అన్న‌ట్టు రాజ‌కీయాలు చేస్తున్నారు. కాంట్రాక్టుల నుంచి స్థానిక పాలిటిక్స్ వ‌ర‌కు.. కూడా ఆదిపై సై అంటే సై అంటూ.. సీఎం ర‌మేష్‌.. రోడ్డెక్కుతున్నారు. అయితే.. ఆయ‌న బ‌య‌ట‌కు రాకుండా. తెర‌వెనుక ఉండి చ‌క్రం తిప్పుతున్నార‌నేది ఆది వ‌ర్గం చెబుతున్న మాట‌. ఇటీవ‌ల వెలుగు చూసిన ఫ్లైయాష్ వివాదంలో కూడా సీఎం రమేష్ ఉన్నార‌న్న‌ది తాజాగా వెలుగు చూసిన విష‌యం.

బీజేపీ నేత ఆది నారాయ‌ణ‌పై పైచేయి సాధించేందుకు టీడీపీ మాజీ ఎమ్మెల్యే జేసీకి సీఎం ర‌మేష్ స‌హ‌క‌రిస్తున్నార‌ని.. బీజేపీలో పెద్ద ఎత్తున వినిపిస్తున్న మాట‌. కానీ, బీజేపీలోనూ పెద్ద‌ల‌తో ఆయ‌న‌కు ఉన్న సంబంధాలు.. ఈ విష‌యంలో ఆదిని క‌ట్టిప‌డేస్తున్నాయి. దీంతో ఆయ‌న‌కు విష‌యం తెలిసినా.. కూడా ఏమీ చేయ‌లేని ప‌రిస్థితిని ఎదుర్కొంటున్నారు. మొత్తంగా అటు అన‌కాప‌ల్లిలో టీడీపీతోనూ.. ఇటు క‌డ‌ప‌లో బీజేపీతోనూ.. రాజ‌కీయాలు బాగానే చేస్తున్నార‌న్న టాక్ అయితే వినిపిస్తుండ‌డం గ‌మ‌నార్హం.

This post was last modified on December 10, 2024 11:54 am

Share

Recent Posts

కోటి రూపాయ‌లు ప‌లికిన `స‌ర్పంచ్` ప‌ద‌వి!

ఏపీలో గ్రామ పంచాయ‌తీ ఎన్నిక‌ల ప‌ర్వం ప్రారంభ‌మైంది. మూడు విడ‌త‌ల్లో రాష్ట్ర వ్యాప్తంగా ఉన్న గ్రామ పంచాయ‌తీల‌కు ఎన్నిక‌ల‌ను నిర్వ‌హించ‌నున్నారు.…

26 minutes ago

‘జగనన్నా… భారతి గారిని రాజకీయాల్లోకి తీసుకురండి’

మాజీ ముఖ్యమంత్రి జగన్ మోహన్ రెడ్డి సతీమణి వైఎస్ భారతి క్రియాశీల రాజకీయాల్లోకి రానున్నారా అంటే వాతావరణం అలాగే కనిపిస్తుంది. ఇప్పటి…

37 minutes ago

నాగ్ చెప్ప‌డం కాదు… చేసి చూపిస్తున్నాడు

చెప్పిన డేటుకి షూటింగ్ పూర్తి చేయ‌రు. రిలీజ్ డేట్ మళ్లీ మ‌ళ్లీ మార్చాల్సిన ప‌రిస్థితి వ‌స్తుంది. ఫైన‌ల్ డేట్ ద‌గ్గ‌ర…

2 hours ago

వాష్‌ రూమ్‌ విషయంలోనూ ఏఐ గోల తప్పట్లేదు

సాంకేతిక పరిజ్ఞానం పెరుగుతున్న కొద్దీ మనుషుల జీవితాలు సులభతరం కావాలి. కానీ కొన్ని సంస్థల్లో పరిస్థితి అందుకు భిన్నంగా కనిపిస్తోంది.…

5 hours ago

‘రాహుల్ వెనుక మేము పరిగెడితే వారికెందుకు బాధ’

దేశంలో మొదటిసారి హైదరాబాద్ లో శనివారం గిగ్ వర్కర్ల సంక్షేమ సభ జరిగింది. కాంగ్రెస్ పార్టీ అధినేత రాహుల్ గాంధీ…

7 hours ago

తమిళ బాక్సాఫీస్ దగ్గర విడ్డూరం

హిందూ సంస్కృతి, పురాణాలు, దేవుళ్ల నేపథ్యంలో సినిమాలు తీస్తే తమిళ ప్రేక్షకులకు పెద్దగా పట్టదు అనే ఒక ముద్ర పడిపోయింది.…

8 hours ago