Political News

ఫైర్ బ్రాండ్ల‌కు పెద్ద‌పీట‌.. ఏపీ రాజ‌కీయం మ‌రింత సెగే!

టీడీపీ ఫైర్ బ్రాండ్ల‌కు సీఎం చంద్ర‌బాబు మ‌రింత పెద్ద పీట వేశారు. వారికి ఎమ్మెల్యే టికెట్లు ఇవ్వ‌డంతో పాటు.. తాజాగా ప్ర‌క‌టించిన ‘విప్’ల స్థానంలోనూ వారికి ప్రాధాన్యం ఇవ్వ‌డం గ‌మ‌నార్హం. విజ‌య‌వాడ సెంట్ర‌ల్ ఎమ్మెల్యే బొండా ఉమా మ‌హేశ్వ‌ర‌రావుకు విప్ ప‌ద‌వి ద‌క్కింది. ఈయ‌న పొలిటిక‌ల్‌గా ఫైర్ బ్రాండ్ అన్న సంగ‌తి తెలిసిందే. వైసీపీపై ఒంటికాలిపై విరుచుకు ప‌డ‌డంలో బొండా ఉమా స్ట‌యిలే వేరు. గ‌తంలోనూ.. బొండా ఉమా దూకుడుగా వ్య‌వ‌హ‌రించారు.

ఈ క్ర‌మంలోనే బొండా మంత్రి ప‌ద‌విపై ఆశ‌లు పెట్టుకున్నారు. కాపుల కోటాలో త‌న‌కు మంత్రి ప‌ద‌వి ద‌క్కుతుంద‌ని ఆశించారు. అయితే.. తాజాగా విప్ ప‌ద‌వితో చంద్ర‌బాబు స‌రిపుచ్చారు. ఇక‌, క‌డ‌ప జిల్లాకు చెందిన రెడ్డ‌ప్ప‌గారి మాధ‌వీ రెడ్డికి కూడా చంద్ర‌బాబు ప‌ద‌వి ఇచ్చారు. ఆమెను కూడా విప్ గా ప్ర‌క‌టించారు. ఈ ఏడాది జ‌రిగిన ఎన్నిక‌ల్లో తొలిసారి విజ‌యం ద‌క్కించుకున్న మాధ‌వి.. వైసీపీపై విమ‌ర్శ‌లు గుప్పించ‌డంలో ముందున్నార‌నే చెప్పాలి.

ఫుల్ రేంజ్‌లో కామెంట్లు చేయ‌డంలోనూ.. విమ‌ర్శ‌లు గుప్పించ‌డంలోనూ మాధ‌వి ఇటీవ‌ల కాలంలో త‌ర‌చుగా మీడియా ముందుకు వ‌స్తున్నారు. ఈ క్ర‌మంలో ఆమెను కూడా చంద్ర‌బాబు రాజ‌కీయంగా ప్రోత్స‌హించార‌నే చెప్పాలి. ఇదిలావుంటే, పార్టీ కోసం అవిర‌ళ కృషి చేసిన గుంటూరు జిల్లా వినుకొండ నాయ‌కుడు జీవీ ఆంజ‌నేయులుకు చీఫ్ విప్ పోస్టును ఇవ్వ‌డం గ‌మ‌నార్హం. గ‌త ఐదేళ్ల కాలంలో అనేక ఇబ్బందులు.. కేసులు ఎదుర్కొన్న జీవీ ఆంజ‌నేయులు క‌మ్మ సామాజిక వ‌ర్గానికి చెందిన నాయ‌కుడు కావ‌డం గ‌మ‌నార్హం.

ఇక‌, వార‌సుల కోటాలోనూ ఒక‌రిద్ద‌రు ప‌ద‌వులు ద‌క్కించుకున్నారు. వీరిలో మాజీ మంత్రి పార్టీకి అత్యంత విధేయుడిగా పేరు తెచ్చుకున్న య‌న‌మ‌ల రామ‌కృష్ణుడు కుమార్తె, తుని ఎమ్మెల్యే య‌న‌మ‌ల దివ్యకు చంద్ర‌బాబు విప్ ప‌ద‌విని ఇచ్చారు. గ‌త ప‌దేళ్లుగా దివ్య తుని రాజ‌కీయాల్లో యాక్టివ్‌గా ఉంటున్నారు. అదేవిధంగా టీడీపీ విధేయురాలిగా.. ముఖ్యంగా పార్టీలో అత్యంత యాక్టివిస్టుగా ఉన్న ఎస్సీ సామాజిక వ‌ర్గానికి చెందిన నందిగామ ఎమ్మెల్యే(2వ సారి విజ‌యం) తంగిరాల దివ్యకు కూడా చంద్ర‌బాబు పెద్ద‌పీట వేశారు. ఆమెను కూడా విప్‌గా నియ‌మించ‌డం గ‌మ‌నార్హం.

This post was last modified on November 13, 2024 12:12 pm

Share
Show comments

Recent Posts

500 కోట్లతో ప్యాలెస్ పై జగన్ కు ఇచ్చి పడేసిన లోకేష్

ఏపీ అసెంబ్లీ బడ్జెట్ సమావేశాల సందర్భంగా శాసన సభలో మంత్రి నారా లోకేష్ మాట్లాడారు. ఈ క్రమంలోనే అభివృద్ధి వికేంద్రీకరణ,…

1 hour ago

షర్మిల వ్యాఖ్యలపై తొలిసారి స్పందించిన జగన్

ఏపీ మాజీ సీఎం జగన్ పై ఆయన సోదరి, ఏపీ పీసీసీ అధ్యక్షురాలు వైఎస్ షర్మిల చాలాకాలంగా తీవ్ర స్థాయిలో…

2 hours ago

ఆ రెండు అమ‌రావ‌తిలోనే.. రివ‌ర్స్ చ‌ట్టానికి కూట‌మి స‌ర్కారు రెడీ!

రాజ‌ధానిగా అమరావ‌తిని గుర్తించ‌డంలో వైసీపీ ప్ర‌భుత్వం వ్య‌వ‌హ‌రించిన తీరు.. ఈ క్ర‌మంలో తీసుకు న్న రెండు కీల‌క నిర్ణ‌యాలు.. తాజాగా…

2 hours ago

రాశిఖన్నా ఆశలన్నీ సబర్మతి మీదే

మొన్నటిదాకా టాలీవుడ్ అగ్ర హీరోలతో నటించిన రాశిఖన్నా తెలుగు స్ట్రెయిట్ సినిమా చేసి రెండు సంవత్సరాలు దాటిపోయింది. నాగ చైతన్య…

2 hours ago

నేనూ ట్వీట్ చేస్తా..నాపై కేసు పెట్టండి: జగన్

వైసీపీ సోషల్ మీడియా కార్యకర్తల అరెస్టుల వ్యవహారంపై కూటమి నేతలు వర్సెస్ వైసీపీ అన్న రీతిలో మాటల యుద్ధం కొనసాగుతోంది.…

3 hours ago

మట్కా.. ఆ నష్టాల గాయాన్ని మాన్పించేనా?

వరుణ్ తేజ్ మట్కా సినిమాతో కచ్చితంగా హిట్ కొట్టాల్సిన పరిస్థితి ఏర్పడింది. ఎందుకంటే అతని గత 3 సినిమాలు బాక్సాఫీస్…

3 hours ago