పుష్ప విలన్ గా మనకు పరిచయమయ్యాక ఫహద్ ఫాసిల్ కు తెలుగు ప్రేక్షకులతో మంచి బాండింగ్ ఏర్పడింది. అతని మలయాళ డబ్బింగ్ సినిమాలు వెతికి మరీ చూడటం మొదలుపెట్టారు. ఆ మధ్య వచ్చిన ఆవేశం తెలుగు అనువాదం చేయకపోయినా ఒరిజినల్ వెర్షన్ ని హైదరాబాద్ లో హౌస్ ఫుల్స్ చేసి మరీ చూశారు. అందుకే ఏదైనా కొత్త మూవీలో తను ఉన్నాడంటే బిజినెస్ పరంగా క్రేజ్ వస్తోంది. నిన్న రిలీజైన రజనీకాంత్ వేట్టయన్ లో దొంగతనాలు చేసి పోలీస్ ఇన్ఫార్మర్ గా మారిపోయే బ్యాటరీ పాత్రను బాగా పోషించాడు. కామెడీతో పాటు చివర్లో చిన్న ఎమోషన్ తో ఆకట్టుకున్నాడు.
అయితే ఇదంతా ఫహద్ ఫాసిల్ అభిమానులకు నచ్చడం లేదు. కేరళలో ఇంత మంచి ఫాలోయింగ్ పెట్టుకుని ఇతర భాషల్లో సపోర్టింగ్ ఆర్టిస్టు, విలన్ గా నటించడం ఏమిటని అభ్యంతరం వ్యక్తం చేస్తున్నారు. వాస్తవానికి మల్లువుడ్ లో పారితోషికాలు తక్కువ. మార్కెట్ విస్తరిస్తున్నా ఆర్టిస్టుల రెమ్యునరేషన్లు భారీగా పెరగడం లేదు. కానీ టాలీవుడ్ లో అలా లేదు. పుష్ప కేసునే తీసుకుంటే ఒక్క ఫహద్ ఫాసిల్ కే ఏడు కోట్లకు పైగా ఇచ్చారనే టాక్ ఉంది. ఇంత మొత్తం అతను స్వరాష్ట్రంలో హీరోగా చేసినా ఇచ్చే పరిస్థితి లేదు. దీంతో ఎవరైనా సహజంగానే ఇతర బాషల వైపు చూడటం సహజం.
తనకే కాదు ఇలాంటి పరిస్థితి గతంలో వేరే హీరోలకూ ఎదురయ్యింది. కన్నడలో మంచి స్టార్ డం ఉన్న టైగర్ ప్రభాకర్, దేవరాజ్ లాంటి వాళ్ళు చిరంజీవి, బాలకృష్ణకు విలన్లుగా నటించారు. తమిళంలో నెపోలియన్ ఫామ్ లో ఉన్నప్పుడు నాగార్జున హలో బ్రదర్ లో నటించాడు. విష్ణువర్ధన్, మోహన్ లాల్ లాంటి స్టార్లు క్రేజీ దర్శకులు అడిగినప్పుడు క్యారెక్టర్ ఆర్టిస్టులుగా చేశారు. ఇప్పుడు ఫాహద్ ఫాసిల్ చేస్తోంది కొత్తది కాదు కానీ అతనికంటూ ఉన్న ఫ్యాన్స్ అలా ఫీలవుతున్నారు. డిసెంబర్ 6 విడుదల కాబోతున్న పుష్ప 2 ది రూల్ లో ఎక్కువ సేపు పెర్ఫార్మ్ చేయడానికి అవకాశం ఉండేలా సుకుమార్ డిజైన్ చేశాడట.
This post was last modified on October 11, 2024 1:40 pm
వరద భయం లేకుండా ప్రపంచ స్థాయి ప్రమాణాలతో అమరావతి నగరాన్ని నిర్మిస్తున్నట్లు కూటమి ప్రభుత్వం హామీ ఇస్తోంది. మరోవైపు అమరావతి…
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…