టాలీవుడ్ అగ్ర దర్శకుడు త్రివిక్రమ్ శ్రీనివాస్కు స్టార్ హీరోయిన్ సమంత అంటే ప్రత్యేక అభిమానం అన్న సంగతి తెలిసిందే. తన దర్శకత్వంలో వచ్చిన అత్తారింటికి దారేది, సన్నాఫ్ సత్యమూర్తి, అఆ చిత్రాల్లో ఆమెకు స్పెషల్ రోల్స్ ఇచ్చాడు.
ముఖ్యంగా అఆ సినిమా చూస్తే సమంత మీద ఆయన అభిమానం ఎలాంటిదో అర్థమవుతుంది. ఆ సినిమా తర్వాత మళ్లీ ఆమెతో జట్టు కట్టలేదు మాటల మాంత్రికుడు. ఐతే సామ్పై తన అభిమానం మాత్రం తగ్గలేదని ఆలియా భట్ మూవీ జిగ్రా ప్రి రిలీజ్ ఈవెంట్లో చాటి చెప్పాడు త్రివిక్రమ్.
ఈ వేడుక ఆలియా సినిమా గురించి అయినా సామ్ చుట్టూనే అందరి స్పీచ్లూ తిరిగాయి. ముఖ్యంగా త్రివిక్రమ్ అయితే సామ్కు ఒక రేంజ్ ఎలివేషన్ ఇచ్చాడు. సామ్ స్టార్డమ్ను రజినీతో త్రివిక్రమ్ పోల్చడం విశేషం.
తెలుగు, తమిళం, మలయాళం, హిందీ.. ఇలా పలు భాషల్లో ఒక రకమైన ఫ్యాన్ బేస్ ఉన్న వాళ్లలో ఒకరు సూపర్ స్టార్ రజినీకాంత్ అయితే.. మరొకరు సమంత అని త్రివిక్రమ్ చెప్పడంతో సమంత గొల్లుమని నవ్వింది.
సమంతకు ఇండస్ట్రీలో కూడా చాలామంది ఫ్యాన్స్ ఉన్నట్లు చెప్పిన త్రివిక్రమ్.. ఏమాయ చేసావె సినిమా చూసి ఫిదా అయిపోయిన అల్లు అర్జున్ తనకు ఫోన్ చేసి సమంతకు తాను ఫ్యాన్ అయిన విషయం చెప్పినట్లు త్రివిక్రమ్ గుర్తు చేసుకున్నాడు.
ఇక సమంత ఈ మధ్య తెలుగు సినిమాలు చేయకపోవడంపై త్రివిక్రమ్ సరదా వ్యాఖ్యలు చేశాడు. ఈ మధ్య సామ్ ఎక్కువగా ముంబయిలోనే ఉంటోందని.. ఆమెకు హైదరాబాద్ను గుర్తు చేయాలని త్రివిక్రమ్ అన్నాడు.
అత్తారింటికి దారేది తరహాలోనే హైదరాబాద్కు దారేది అంటూ హ్యాష్ ట్యాగ్ పెట్టి సోషల్ మీడియాలో ఫ్యాన్స్ ట్రెండ్ చేయాలని త్రివిక్రమ్ కోరాడు. ఐతే త్రివిక్రమ్ ఈ మాట అంటుండగా.. సమంత తన కోసం క్యారెక్టర్లు రాస్తే సినిమాలు చేస్తానంటూ సైగ చేసింది. తప్పకుండా రాస్తాం అంటూ త్రివిక్రమ్ నవ్వేశాడు.
This post was last modified on October 9, 2024 1:01 am
తెలంగాణ రాష్ట్రంలో ఎల్-నినో ప్రభావం వల్ల నెలకొన్న వర్షాభావం, కరువు పరిస్థితుల నేపథ్యంలో రాష్ట్రాన్ని, రైతులను ఆదుకునేందుకు కేంద్రం నుంచి…
తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…
రాష్ట్ర వ్యాప్తంగా కాదుకానీ.. ప్రస్తుతం జరుగుతున్న గ్రామ పంచాయతీ ఎన్నికల విషయంలో వైసీపీ స్థానిక నేతలు పన్నిన వ్యూహానికి టీడీపీ…
దేశంలో ప్రస్తుతం జాతీయ స్థాయిలో రెండు కూటములు కొనసాగుతున్నాయి. బీజేపీ నేతృత్వంలోనిఎన్డీయే, కాంగ్రెస్ పార్టీ నేతృత్వంలో `ఇండియా` కూటములు ఉన్నాయి.…
ఇటీవల జరిగిన మునిసిపల్ కార్పొరేషన్ ఎన్నికల్లో మిగిలిపోయిన కార్పొరేషన్ స్థానాలకు, అలానే మునిసిపాలిటీలకు త్వరలోనే ఎన్నికలు జరగనున్నాయి. ఈ నేపథ్యంలో…
ఏపీ సీఎం చంద్రబాబుతో రాష్ట్ర కాంగ్రెస్ పార్టీ చీఫ్ వైఎస్ షర్మిల భేటీ అయ్యారు. ఆదివారం సాయంత్రం షర్మిల.. హైదరాబాద్లోని…