మీడియం బడ్జెట్ సినిమాకు ముందస్తు ప్రీమియర్లు వేయడం చాలా రిస్క్. ఏ మాత్రం టాక్ అటు ఇటు అయినా దాని ప్రభావం నేరుగా సోషల్ మీడియా ద్వారా రిలీజ్ రోజు మార్నింగ్ షో మీద పడిపోతుంది. అందుకే నిర్మాతలు అలోచించి నిర్ణయం తీసుకుంటారు. సక్సెస్ అయినవి లేకపోలేదు. బేబీ, బలగం, మేజర్ లాంటివి స్పెషల్ పెయిడ్ షోల వల్లే గొప్ప ప్రమోషన్ అందుకున్నాయి. ఇప్పుడీ అడ్వాంటేజ్ తీసుకోవడానికి ‘మా నాన్న సూపర్ హీరో’ రెడీ అవుతున్నాడు. సుధీర్ బాబు హీరోగా అభిలాష్ దర్శకత్వంలో రూపొందిన ఈ ఎమోషనల్ డ్రామా అక్టోబర్ 11 విడుదల కాగా రేపు సాయంత్రమే ప్రీమియర్లు వేస్తున్నారు.
కంటెంట్ మీద ఎంతో నమ్మకం ఉంటే తప్ప ఇంత సాహసం చేయరు. దీని వెనుక మంచి స్ట్రాటజీ ఉంది. దసరా పండగ కాబట్టి పోటీ విపరీతంగా ఉంది. గురువారమే రజనీకాంత్ వేట్టయన్ వస్తుంది. బజ్ విపరీతంగా లేదు కానీ రజనీకాంత్ ని తక్కువంచనా వేయడానికి లేదు. మా నాన్న సూపర్ హీరోతో పాటు గోపీచంద్ విశ్వం బరిలో దిగుతోంది. ఇది పూర్తిగా మాస్, ఫ్యామిలీస్ ని టార్గెట్ చేసుకుంది. శాండల్ వుడ్ మూవీ మార్టిన్ మీద బజ్ లేదు కానీ గ్రాండియర్ వల్ల ఎంతో కొంత మాస్ ని లాగే ప్రయత్నం చేయకపోదు. దిల్ రాజు అండదండలతో జనక అయితే గనక సైతం మంచి రిలీజ్ అందుకునే దిశగా ప్లాన్ చేస్తోంది.
ఇవి కాకుండా అలియా భట్ డబ్బింగ్ మూవీ జిగ్రాని తీసిపారేయలేం. వేటి లెక్కలు వాటికి ధీమాగా ఉన్నాయి కానీ మా నాన్న సూపర్ హీరో మాత్రం కుటుంబ ప్రేక్షకులను లక్ష్యంగా పెట్టుకుని మార్కెటింగ్ చేసుకుంటోంది. పలువురు స్టార్ హీరోలు, దర్శకులు పని చేస్తున్న షూటింగ్ స్పాట్స్ కు వెళ్లి అక్కడే నేరుగా ప్రమోట్ చేసుకునే వెరైటీ ప్లాన్లు వేసిన సుధీర్ బాబు బృందం మొత్తానికి తక్కువ టైంలోనే జనాల దృష్టిలో పడేలా చేసుకుంది. ప్రస్తుతానికి ప్రీమియర్లకు సంబంధించి వైజాగ్, విజయవాడ, హైదరాబాద్ లాంటి ప్రధాన నగరాల్లో అడ్వాన్స్ బుకింగ్స్ పెట్టేశారు. మిగిలిన చోట్ల కూడా విస్తరిస్తారేమో చూడాలి.
This post was last modified on October 8, 2024 6:15 pm
మాజీ ముఖ్యమంత్రి వై.ఎస్. జగన్ మోహన్ రెడ్డి సొంత నియోజకవర్గమైన పులివెందులలో ఇటీవల జరిగిన స్థానిక సంస్థల ఎన్నికలు, రాజకీయ…
ఒక క్రేజీ మూవీకి సీక్వెల్ తెరకెక్కుతుంటే.. దాని నిర్మాత ఆ ప్రాజెక్టు నుంచి తప్పుకోవడం అరుదైన విషయం. ఏదైనా వివాదం…
తెలుగు సినిమాల్లో అవకాశాలు అందుకుని, ఇక్కడ బాగా సంపాదించుకున్నాక.. బాలీవుడ్కు వెళ్లి ఇక్కడి సినిమాలను తక్కువ చేసి మాట్లాడ్డం బాలీవుడ్…
ఏపీ సీఎం చంద్రబాబు.. కొత్త కాన్వాయ్ను సమకూర్చుకుంటున్నారు. ప్రస్తుతం ఉన్న కాన్వాయ్ ను 2024లో అధికారంలోకి వచ్చిన తర్వాత ఏర్పాటు…
పిల్లలను పెంచడం తల్లి ఒక్కరి బాధ్యత మాత్రమేనా? పిల్లలకు ఆహారం పెట్టడం, డైపర్ మార్చడం, స్నానం చేయించడం వంటి పనులు…
బాహుబలి సహా కొన్ని సినిమాలు పాన్ ఇండియా స్థాయిలో ఘనవిజయం సాధించి తెలుగు సినిమాలకు మేలుచేశాయో, చేటు చేశాయో తెలియని…