జూనియర్ ఎన్టీఆర్ కొత్త సినిమా ‘దేవర’ మీద ముందు నుంచి మంచి హైపే ఉంది. కొరటాల శివ చివరి చిత్రం ‘ఆచార్య’ పెద్ద డిజాస్టర్ అయినప్పటికీ.. దాని ప్రభావం దీని మీద పెద్దగా పడనట్లే కనిపించింది.
ఐతే తాజాగా ట్రైలర్ లాంచ్ అయ్యాక మాత్రం ‘దేవర’ మీద కొంచెం అంచనాలు తగ్గినట్లే కనిపిస్తోంది. ‘దేవర’ ట్రైలర్ చూస్తే.. ‘ఆచార్య’ మూవీతో రకరకాల పోలికలు కనిపించడం.. కథ రొటీన్ అనిపించడం.. షాక్ ఫ్యాక్టర్ ఏమీ లేకపోవడం మైనస్ అయింది.
దీంతో ఒక్కసారిగా ‘దేవర’ను చూసే కోణం మారిపోయింది. ఈ సినిమా అనుకున్నంత బ్లాక్ బస్టర్ కాదేమో.. పాన్ ఇండియా స్థాయిలో ప్రకంపనలు రేపడం కష్టమే అన్న అభిప్రాయాలు వ్యక్తమవుతున్నాయి. ఐతే ఇలా అంచనాలు తగ్గిపోవడం మంచిదా కాదా అన్న చర్చ నడుస్తోందిప్పుడు. ఒక రకంగా ఇది మంచికే అన్న అభిప్రాయాలు కూడా వ్యక్తమవుతున్నాయి.
‘దేవర’కు కొన్ని కారణాల వల్ల అవసరానికి మించి హైప్ వచ్చేసింది. ఇది మన ‘గేమ్ ఆఫ్ థ్రోన్స్’ అంటూ కళ్యాణ్ రామ్ చేసిన కామెంట్కు తోడు టీంలోని కొందరి మాటలతో ప్రేక్షకులు మరీ ఎక్కువ ఊహించుకుంటున్నారు.
మరీ అంతటి అంచనాలతో చూస్తే సినిమా ఎంత బాగున్నా నిరాశ పడేందుకు ఆస్కారముంటుంది. పెద్ద సినిమాలకు ఈ అంచనాల ఒత్తిడే పెద్ద మైనస్గా మారుతుంటుంది కొన్నిసార్లు. ఈ నేపథ్యంలో ట్రైలర్ లాంచ్ తర్వాత ‘దేవర’ మీద అంచనాలు తగ్గి.. మామూలుగా సినిమాను చూస్తారు.
‘ఆచార్య’తో పోలికల వల్ల నెగెటివ్ దృష్టితో సినిమా చూసే అవకాశముంది. సినిమా దానికి భిన్నంగా, మెరుగ్గా అనిపిస్తే అప్పుడు మంచి అనుభూతే కలుగుతుంది. నెగెటివ్ దృష్టితో చూసే సినిమా మెరుగ్గా ఉంటే సంతృప్తిగా ప్రేక్షకుడు బయటికి వస్తాడు. ఈ కోణంలో చూస్తే ‘దేవర’ మీద విడుదల ముంగిట హైప్ తగ్గడం ఒకందుకు మంచిదే అని చెప్పాలి.
This post was last modified on September 12, 2024 5:49 pm
ఏపీ ముఖ్యమంత్రి చంద్రబాబు మొదటిసారి సీఎంగా పదవీ బాధ్యతలు చేపట్టలేదు. ఇప్పటికే పలుమార్లు ముఖ్యమంత్రిగా వ్యవహరించిన ఆయన.. పాలనా పరంగా…
హైదరాబాద్ రూపురేఖలు మారిపోతున్నాయి. గతానికి భిన్నంగా దేశంలోని మెట్రోపాలిటిన్ నగరాల్లో కొన్నింటిని మించిపోయిన భాగ్యనగరి.. మరికొన్ని మహానగరాల దూకుడుకు ఏ…
రాష్ట్రంలో వైసీపీ ప్రభుత్వం తీసుకువచ్చిన రెండు కీలక వ్యవస్థలను ప్రభుత్వ శాఖల్లో కలిపేసేందుకు రాష్ట్ర ప్రభుత్వం నిర్ణయించింది. జగన్ హయాంలో…
ఒక అపార్టుమెంట్ లోని పార్కింగ్ వద్ద చోటు చేసుకున్న పంచాయితీ ఏకంగా దేశ అత్యున్నత న్యాయస్థానం సుప్రీంకోర్టు వరకు వెళ్లటం…
దేవర పార్ట్ 1 విడుదల కోసం అభిమానులతో సమానంగా విలన్ గా నటించిన సైఫ్ అలీ ఖాన్ ఆతృతగా ఎదురు…
ఏపీలో చంద్రబాబు నేతృత్వంలోని కూటమి ప్రభుత్వం నూతన మద్యం విధానాన్ని తీసుకువస్తున్న విషయం తెలిసిందే. తాజాగా జరిగిన మంత్రి వర్గ…