నందమూరి-వంగ.. ఏంటి సంగతి?

అతి త్వరలోనే ‘దేవర’ మూవీతో ప్రేక్షకులను పలకరించబోతున్నాడు జూనియర్ ఎన్టీఆర్. ఈ చిత్రంపై పాన్ ఇండియా స్థాయిలో భారీ అంచనాలున్నాయి. ‘ఆర్ఆర్ఆర్’తో తారక్‌కు వచ్చిన గుర్తింపు అంతా ఇంతా కాదు. ‘దేవర’ బంపర్ క్రేజ్ తెచ్చుకోగా.. తన ఫ్యూచర్ సినిమాల లైనప్ కూడా చాలా ఎగ్జైటింగ్‌గా ఉంది. ప్రశాంత్ నీల్‌తో ‘డ్రాగన్’ను అతి త్వరలోనే మొదలుపెట్టనున్నాడు. మరోవైపు బాలీవుడ్లో ‘వార్-2’ లాంటి మెగా మూవీ చేస్తున్నాడు.

ఇలాంటి హీరో ప్రస్తుతం ఇండియాలోనే మోస్ట్ వాంటెడ్ డైరెక్టర్లలో ఒకడైన సందీప్ రెడ్డి వంగతో జట్టు కడితే ఎలా ఉంటుంది? ఈ క్రేజీ కాంబినేషన్ గురించి ఇప్పుడు సోషల్ మీడియాలో చర్చ జరుగుతోంది. అందుక్కారణం.. లేటెస్ట్‌గా వంగ, నందమూరి కలయిక జరగడమే.

సందర్భం ఏంటి అన్నది తెలియదు కానీ.. వంగ క్యాజువల్‌గా తారక్‌తో మాట్లాడుతున్న ఫొటో ఒకటి సోషల్ మీడియాలోకి వచ్చింది. అంటే.. ఈ కాంబినేషన్లో సినిమా వస్తే ఎలా ఉంటుందనే చర్చ సోషల్ మీడియాలో మొదలైపోయింది. ఇప్పటిదాకా అయితే నందమూరి-వంగ కాంబినేషన్ గురించి ఎక్కడా డిస్కషన్ లేదు. వీళ్లిద్దరూ మామూలుగానే కలిసి ఉండొచ్చేమో. కానీ ఈ కాంబోలో సినిమా వస్తే మాత్రం బాక్సాఫీస్ షేక్ అయిపోవడం ఖాయమని.. ఇద్దరూ భవిష్యత్తులో వీలు చేసుకుని సినిమా చేస్తే బాగుంటుందని అభిమానులు ఆశ పడుతున్నారు.

ఐతే తారక్‌ ఇంకో రెండేళ్ల తర్వాతైనా ఖాళీ అవుతాడేమో కానీ.. వంగ మాత్రం ‘స్పిరిట్’, ‘యానిమల్-2’ చిత్రాలను పూర్తి చేసేసరికి ఇంకో నాలుగేళ్లు పడుతుందని ఇప్పటికే స్పష్టం చేశాడు. ఆ తర్వాత వీలుపడి తారక్‌తో సినిమా చేస్తాడేమో చూడాలి.