దేవర ఊపు మామూలుగా లేదు

వేసవిలో టాలీవుడ్ బాక్సాఫీస్ వెలవెలబోయాక ‘కల్కి’ జోరుతో కొంచెం కోలుకుంది. ఇటీవల ‘సరిపోదా శనివారం’ కొంత ఉత్సాహాన్నిచ్చింది. భారీ వర్షాల్లోనూ ఆ సినిమా మంచి వసూళ్లే రాబట్టింది. ఇక టాలీవుడ్ చూపంతా ‘దేవర’ మూవీ మీదే ఉంది. ఆ సినిమా విడుదలకు ఇంకో మూడు వారాలే సమయం ఉంది. సెప్టెంబరు 27న ‘దేవర’ విడుదల కానున్న సంగతి తెలిసిందే. ఈ చిత్రంపై అంచనాలు అంతకంతకూ పెరిగిపోతున్నాయి.

సోలో హీరోగా తారక్ చివరి సినిమా ‘అరవింద సమేత’కు ఉన్న హైప్, దానికి జరిగిన బిజినెస్, అది సాధించిన వసూళ్లకు.. ‘దేవర’ఖు అసలు పోలికే ఉండబోదనడంలో సందేహం లేదు. ఎందుకంటే పాన్ వరల్డ్ హిట్ ‘దేవర’ తర్వాత తారక్ నుంచి వస్తున్న చిత్రమిది. దీనిపై ప్రేక్షకుల్లో ఎంత ఆసక్తి ఉందో యుఎస్ ప్రి సేల్స్‌కు వస్తున్న స్పందనను బట్టే అర్థం చేసుకోవచ్చు.

విడుదలకు నెల రోజుల ముందే ‘దేవర’ యుఎస్ ప్రిమియర్స్ టికెట్ల అమ్మకాలు మొదలైపోయాయి. ఆరంభం నుంచే జోరుగా టికెట్లు అమ్ముడవుతున్నాయి. ఆల్రెడీ అక్కడ 15 వేల టికెట్లు సేల్ అయిపోవడం విశేషం. విడుదలకు మూడు వారాల ముందే ఈ స్థాయిలో టికెట్లు అమ్ముడైన ఇండియన్ సినిమాలు అరుదు. అప్పుడే ఈ చిత్రం హాఫ్ మిలియన్ మార్కును కూడా టచ్ చేసేసింది.

చూస్తుంటే ప్రి సేల్స్‌తోనే సినిమా మిలియన్ మార్కును కూడా అందుకునేలా ఉంది. దీన్ని బట్టే సినిమాకు హైప్ ఏ స్థాయిలో ఉందో అర్థం చేసుకోవచ్చు. సినిమాకు పాజిటివ్ టాక్ రావాలే కానీ.. యుఎస్ నంబర్స్ అనూహ్యమైన స్థాయిలో ఉంటాయనడంలో సందేహం లేదు. ఇండియాలో కూడా ‘దేవర’కు భారీ ఓపెనింగ్స్ రావడం ఖాయం. తెలుగు రాష్ట్రాల్లో ఈ నెల చివరి వారం ‘దేవర’ ఊపుతో ఊగిపోవడం గ్యారెంటీ.