ఇటీవలే నెట్ ఫ్లిక్స్‌లో రిలీజైన కొత్త సిరీస్.. ‘ఐసీ 814: ది ఖాందహార్ హైజాక్’ తీవ్ర వివాదాస్పదంగా మారిన సంగతి తెలిసిందే. అనుభవ్ సిన్హా దర్శకత్వంలో రూపొందిన సిరీస్ ఎంతో ఉత్కంఠభరితంగా ఉండి ప్రేక్షకులను ఆకట్టుకుంటున్న మాట వాస్తవమే. కానీ ఈ సిరీస్ ఒక్క విషయంలో మాత్రం తీవ్ర విమర్శల పాలవుతోంది.
ఖాందహార్ హైజాక్‌లో భాగమైంది ఎవరు అన్నది అందరికీ తెలుసు. ఇస్లామిక్ ఉగ్రవాదులే నాడు ఈ హైజాక్‌కు పాల్పడ్డారు. అందులో నిందితుల పేర్లు కూడా అప్పుడే బయటికి వచ్చాయి. ఇబ్రహీం అక్తర్, షాహిద్ అక్తర్ సయ్యద్, సన్నీ అహ్మద్ ఖాజీ, జహూర్ మిస్త్రీ, షకీర్.. ఇవీ ఖాందహార్ హైజాక్ నిందితుల అసలు పేర్లు. వీళ్లందరూ ముస్లింలే అనే విషయంలో ఎవరికీ సందేహాలు లేవు. కానీ ఈ సిరీస్‌లో మాత్రం వాళ్ల పేర్లను మార్చేశారు. భోళా, శంకర్, బర్గర్, డాక్టర్.. అంటూ వేరు పేర్లతో సంబోధించారు.
పనిగట్టుకుని ఇలా ముస్లింల పేర్లను మార్చి ప్రేక్షకులను తప్పుదోవ పట్టించడం ఎంత వరకు సబబు అనే ప్రశ్న ఎదురవుతోంది. ఇది రాను రాను వివాదాస్పదంగా మారి.. ఈ సిరీస్‌ను బాయ్‌కాట్ చేయాలనే ఉద్యమం సోషల్ మీడియాలో మొదలైంది. వ్యవహారం కేంద్ర ప్రభుత్వం వరకు వెళ్లి.. నెట్ ఫ్లిక్స్ హెడ్‌కు సమన్లు వెళ్లాయి.
తాజాగా నెట్ ఫ్లిక్స్ ఇండియా హెడ్ మోనికా షెర్గిల్ కేంద్ర సమాచార, ప్రసార శాఖా మంత్రిత్వ శాఖ అధికారుల ముందుకు విచారణకు హాజరయ్యారు. ఈ సందర్భంగా హైజాకర్ల పేర్లు మార్చడం, వాళ్లలో కొందరిని మానవతావాదులుగా చూపించడం.. హైజాక్ సమయంలో మధ్యవర్తులుగా వ్యవహరించిన వారిని చెడుగా చూపించడం మీద మోనికాను అధికారులు ప్రశ్నించారు. దీనిపై స్పందిస్తూ.. ఇకపై కంటెంట్ విషయంలో జాగ్రత్త పడతామని, భారతీయ ప్రేక్షకుల మనోభావాలకు అనుగుణంగా సినిమాలు, సిరీస్‌లు ఉండేలా చూసుకుంటామని మోనికా హామీ ఇచ్చినట్లు తెలుస్తోంది. మొత్తానికి ‘ఐసీ 814’కు వ్యతిరేకంగా సోషల్ మీడియాలో జరిగిన ఉద్యమం నెట్ ఫ్లిక్స్‌ను గట్టి దెబ్బే కొట్టినట్లుంది.
This post was last modified on September 3, 2024 10:36 pm
భారతీయ జనతా పార్టీ, కాక్రోచ్ జనతా పార్టీ మధ్య విదేశీ నిధుల వివాదం దుమారం రేపుతూనే వుంది. నీట్ పేపర్…
ఒకే రోజు... వెంటవెంటనే రెండు యాక్సిడెంట్లు. లక్కీగా ఆ ఎమ్మెల్యే బయటపడ్డారు. తెలంగాణాలో ఈ ఘటన కలకలం సృష్టించింది. అయితే…
కొన్ని నెలల ముందు చెన్నైలో జరిగిన ఒక వివాహ వేడుకకు ఆంధ్రప్రదేశ్ మాజీ ముఖ్యమంత్రి వైఎస్ జగన్మోహన్ రెడ్డి హాజరు…
ఒకప్పుడు చదువు పూర్తవగానే మంచి ఉద్యోగం సంపాదించడం, సొంత ఇల్లు కొనుక్కోవడం, పెళ్లి చేసుకోవడం, పిల్లలతో స్థిరపడటం.. ఇవే జీవితంలో…
తెలంగాణ‌లో కొత్తగా ఇళ్లు నిర్మించుకోవాలంటే సామాన్యులు, మ‌ధ్య‌త‌ర‌గ‌తిప్ర‌జ‌లు భ‌య‌ప‌డే ప‌రిస్థితి వ‌చ్చింద‌ని మాజీ మంత్రి బీఆర్ ఎస్ వ‌ర్కింగ్ ప్రెసిడెంట్…
అనంత‌పురం జిల్లాకు చెందిన ఫైర్ బ్రాండ్ నాయ‌కుడు.. జేసీ ప్ర‌భాక‌ర్ రెడ్డి తాజాగా సంచ‌ల‌న వ్యాఖ్య‌లు చేశారు. వైసీపీ, టీడీపీ…