నిజానికి తెలుగు రాష్ట్రాల్లో కురుస్తున్న భారీ వర్షలు చూస్తుంటే జనాలు థియేటర్లకు ఎందుకు వస్తారనే ప్రశ్న సహజంగానే తలెత్తుతుంది. కానీ టాలీవుడ్ ఆడియన్స్ ప్రేమ నెక్స్ట్ లెవెలని సరిపోదా శనివారం వసూళ్లు ఋజువు చేస్తున్నాయి. హైదరాబాద్, విజయవాడ లాంటి పలు నగరాలతో సహా చాలా చోట్ల వానలు జనజీవనంతో ఆడుకుంటున్నప్పటికీ తెలుగువాడి వినోదానికి ప్రధాన సాధనమైన వెండితెరను మాత్రం ఆపలేకపోతున్నాయి. నిన్న బుక్ మై షో యాప్ లో అడ్వాన్స్ బుకింగ్స్ ద్వారా 2 లక్షలకు పైగా టికెట్లు అమ్ముడుపోవడమే దీనికి సాక్ష్యం. పేటిఎం, కరెంట్ సేల్స్ లెక్కలు వేరే అదనంగా ఉంటాయి.
నిన్న రాత్రికే యాభై కోట్ల లాంఛనాన్ని పూర్తి చేసుకున్న సరిపోదా శనివారం ఇదే దూకుడు ఆదివారం కూడా కొనసాగించనుంది. మంచి టాక్ తో పాటు పోటీలో ఏ సినిమా లేకపోవడం శనివారం సూర్యకు కలిసి వస్తోంది. వరద వాతావరణం ఉన్న కొన్ని సెంటర్లు మినహాయించి చిన్నపాటి జల్లులు ఉన్న కేంద్రాల్లో వాటిని పబ్లిక్ లెక్క చేయడం లేదు. సినిమాలకు వెళ్తున్నారు. సక్సెస్ మీట్ తో పాటు డివివి టీమ్ చేస్తున్న ప్రమోషన్లు టాక్ ని కాపాడుకుంటూ వస్తున్నాయి. వచ్చే వారం చెప్పుకోదగ్గ భారీ చిత్రాలు లేకపోవడం వల్ల ఇంకో వీకెండ్ కలిసి వస్తుందనే నమ్మకం ఎగ్జిబిటర్లలో కనిపిస్తోంది.
యుఎస్ లో మొదటివారం కాకుండానే ఒకటిన్నర మిలియన్ దాటేసిన సరిపోదా శనివారం డబుల్ మార్కు అందుకోవడం ఈజీనే కానీ ఫైనల్ ఫిగర్ ఎక్కడ ఆగుతుందనేది ఇప్పుడే చెప్పలేం. మాస్ కోసం సరైన సినిమా రాలేదని వెలితిగా నడిచిన ఆగస్ట్ కు బ్రహ్మాండమైన ముగింపు దొరికింది. హైదరాబాద్ లో 25 సింగల్ స్క్రీన్లలో వీకెండ్ లో ఒక్క టికెట్ దొరికే పరిస్థితి లేదంటే ర్యాంపేజ్ ఏ స్థాయిలో ఉందో అర్థం చేసుకోవచ్చు. ఒకవేళ వర్షాలు లేకపోయి ఉంటే డే వన్ కన్నా డే త్రీ గ్రాస్ ఎక్కువగా వచ్చేది. హ్యాట్రిక్ బ్లాక్ బస్టర్స్ తో హ్యాపీగా ఉన్న నాని మరో వారం పదిరోజులు దీని ప్రమోషన్ మీద దృష్టి సారించనున్నాడు.
This post was last modified on September 1, 2024 11:50 am
ఏపీ ముఖ్యమంత్రి చంద్రబాబు మొదటిసారి సీఎంగా పదవీ బాధ్యతలు చేపట్టలేదు. ఇప్పటికే పలుమార్లు ముఖ్యమంత్రిగా వ్యవహరించిన ఆయన.. పాలనా పరంగా…
హైదరాబాద్ రూపురేఖలు మారిపోతున్నాయి. గతానికి భిన్నంగా దేశంలోని మెట్రోపాలిటిన్ నగరాల్లో కొన్నింటిని మించిపోయిన భాగ్యనగరి.. మరికొన్ని మహానగరాల దూకుడుకు ఏ…
రాష్ట్రంలో వైసీపీ ప్రభుత్వం తీసుకువచ్చిన రెండు కీలక వ్యవస్థలను ప్రభుత్వ శాఖల్లో కలిపేసేందుకు రాష్ట్ర ప్రభుత్వం నిర్ణయించింది. జగన్ హయాంలో…
ఒక అపార్టుమెంట్ లోని పార్కింగ్ వద్ద చోటు చేసుకున్న పంచాయితీ ఏకంగా దేశ అత్యున్నత న్యాయస్థానం సుప్రీంకోర్టు వరకు వెళ్లటం…
దేవర పార్ట్ 1 విడుదల కోసం అభిమానులతో సమానంగా విలన్ గా నటించిన సైఫ్ అలీ ఖాన్ ఆతృతగా ఎదురు…
ఏపీలో చంద్రబాబు నేతృత్వంలోని కూటమి ప్రభుత్వం నూతన మద్యం విధానాన్ని తీసుకువస్తున్న విషయం తెలిసిందే. తాజాగా జరిగిన మంత్రి వర్గ…