తెలుగులో మంచి అభిరుచితో, తెలుగుదనం ఉట్టిపడేలా సినిమాలు తీసే దర్శకుల్లో ఇంద్రగంటి మోహనకృష్ణ ఒకరు. తొలి చిత్రం గ్రహణం నుంచి ఆయన ప్రయాణం వైవిధ్యంగానే సాగుతోంది. కమర్షియల్ సక్సెస్లు తక్కువైనప్పటికీ.. తన ప్రతి చిత్రంలోనూ ఏదో ఒక ప్రత్యేకత ఉంటుంది. కొన్నేళ్ల ముందు సమ్మోహనం సినిమాతో అబ్బురపరిచిన ఇంద్రగంటి.. ఆ తర్వాత అంచనాలను అందుకోలేకపోతున్నాడు.
ఆయన చివరి సినిమా ఆ అమ్మాయి గురించి మీకు చెప్పాలి ఫ్లాప్ అయింది. ఈసారి ఆయన కమెడియన్ టర్న్డ్ హీరో ప్రియదర్శిని లీడ్ రోల్లో పెట్టి ఓ సినిమాను కొన్ని నెలల ముందు మొదలుపెట్టిన సంగతి తెలిసిందే. సమ్మోహనం సినిమాను నిర్మించిన శివలెంక ప్రసాదే ఈ చిత్రాన్ని కూడా ప్రొడ్యూస్ చేస్తున్నారు. ప్రియదర్శి పుట్టిన రోజును పురస్కరించుకుని ఆదివారం ఈ సినిమా టైటిల్, ఫస్ట్ లుక్ లాంచ్ చేశారు. ఎప్పట్లాగే తెలుగుదనం ఉన్న ఆహ్లాదకరమైన టైటిల్ పెట్టాడు ఇంద్రగంటి ఈ చిత్రానికి.
సారంగపాణి జాతకం.. ఇదీ ప్రియదర్శి-ఇంద్రగంటి కాంబినేషన్లో రాబోతున్న కొత్త చిత్రం పేరు. టైటిల్కు తగ్గట్లే ఫస్ట్ లుక్లో భూతద్దంలో హస్తరేఖలు చూసుకుంటూ హుషారుగా కనిపించాడు ప్రియదర్శి. టైటిల్, ఫస్ట్ లుక్, మొత్తంగా పోస్టర్ డిజైనింగ్ మంచి ఫీల్ ఇచ్చేలా ఉన్నాయి. ఇంద్రగంటికి ఈ సినిమా హిట్ కావడం చాలా అవసరం. ఒక టైంలో నాని లాంటి మిడ్ రేంజ్ స్టార్తో వరుసగా సినిమాలు చేసిన ఇంద్రగంటి.. తర్వాత సినిమా సినిమాకూ రేంజ్ తగ్గించుకోవాల్సి వస్తోంది.
ఈ సినిమా సక్సెస్ అయితే మళ్లీ మిడ్ రేంజ్ స్టార్లు ఆయనకు దొరుకుతారు. ఉమామహేశ్వర ఉగ్రరూపస్య, మిస్టర్ ప్రెగ్నెంట్ లాంటి చిత్రాల్లో నటించిన కూచిపూడి డ్యాన్సర్ రూప కొడయూర్ ఈ చిత్రంలో కథానాయికగా నటిస్తోంది. ఇంద్రగంటి ఆస్థాన సంగీత దర్శకుడు వివేక్ సాగర్, సినిమాటోగ్రాఫర్ పీజీ విందా ఈ చిత్రానికి కూడాపని చేస్తున్నారు. ఈ ఏడాది చివర్లో సారంగపాణి జాతకం ప్రేక్షకుల ముందుకు వచ్చే అవకాశాలున్నాయి.
This post was last modified on August 26, 2024 1:49 am
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…
ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…