పిక్ టాక్: కీర్తి సురేష్ మారిపోయింది

కెరీర్ అంతా గ్లామర్ రోల్స్ చేసే హీరోయిన్లు లీడ్ రోల్స్ ఆగిపోయాక సంప్రదాయ శైలిలో సాగే అక్క, వదిన పాత్రలకు మారిపోవడం చూస్తుంటాం. అలాగే కెరీర్లో ఒక దశ వరకు ట్రెడిషనల్ రోల్సే చేసే హీరోయిన్లు ఆ తర్వాత గ్లామర్ పాత్రల్లోకి మారడమూ చూడొచ్చు. కెరీర్లో దాదాపు పదేళ్ల పాటు సంప్రదాయ బద్ధంగానే కనిపించిన అనుపమ పరమేశ్వరన్.. ఇటీవల ‘టిల్లు స్క్వేర్’ చిత్రంలో ఎంత సెక్సీగా కనిపించిందో తెలిసిందే.

ఇదే బాటలో కీర్తి సురేష్ సైతం ఈ మధ్య బాగానే గ్లామర్ డోస్ పెంచుతోంది. ‘సర్కారు వారి పాట’ సహా కొన్ని చిత్రాల్లో ఆమె గ్లామర్‌గా కనిపించిన సంగతి తెలిసిందే. ఇక బాలీవుడ్లోకి అడుగు పెడుతున్న సమయంలో ఆమె మరింత సెక్సీగా తయారవుతోంది. ‘తెరి’ రీమేక్‌ షూట్ సందర్భంగా ఆమె ఆన్ లొకేషన్ ఫొటోలు కొన్ని లీక్ కాగా.. అందులో తన క్లీవేజ్ షో చూసి అందరూ షాకయ్యారు.

ఐతే ఇప్పుడు కీర్తినే స్వయంగా జనాలకు గ్లామర్ డోస్ ఇస్తోంది. తమిళంలో తాను నటించిన ‘రఘు తాత’ అనే చిత్ర ప్రమోషనల్ ఈవెంట్‌కు కీర్తి తయారై వచ్చిన తీర చూసి అందరూ షాకైపోయారు. బ్యాక్ లెస్‌ జాకెట్ వేసుకుని ఆమె చేసిన స్కిన్ షోకు సంబంధించిన ఫొటోలు సోషల్ మీడియాలో వైరల్ అయ్యాయి. దీంతో పాటు క్లీవేజ్ అందాల ఫొటోలు కూడా బాగా తిరుగుతున్నాయి.

బాలీవుడ్‌లో అడుగు పెట్టగానే కీర్తి అప్పీయరెన్సే మారిపోయిందని.. తాను నటిస్తున్న సినిమా శైలికి పూర్తి భిన్నంగా ప్రమోషన్లలో కనిపిస్తోందని చెన్నై సినీ వర్గాలు చర్చించుకుంటున్నాయి. కీర్తి పూర్తిగా మారిపోయిందని.. ‘తెరి’ రీమేక్ రిలీజయ్యాక కీర్తికి కొత్త ఇమేజ్ రావడం ఖాయమని.. మున్ముందు ఆమెను మరిన్ని గ్లామర్ పాత్రల్లో చూడొచ్చని అభిమానులు చర్చించుకుంటున్నారు.