సినిమా టైటిల్స్, వాటి దర్శకులను గుర్తు పెట్టుకోవడంలో సాధారణ ప్రేక్షకులు ఒక్కోసారి కన్ఫ్యూజ్ అవుతుంటారు. దాని వల్ల నిజ జీవితంలో జరిగే సంఘటనలు నవ్వించేలా ఉంటాయి. అలాంటిదే ఇది కూడా. గత ఏడాది తక్కువ అంచనాలతో విడుదలై బ్లాక్ బస్టర్ సక్సెస్ సాధించిన దర్శకుడు సాయి రాజేష్ కు ఒక విచిత్రమైన అనుభవం ఎదురయ్యింది. ఈయన ఫ్రెండ్ ఒకరు అతని ప్రాణ స్నేహితుడి ఇంటికి భోజనానికి వెళదామని పిలిచారు. ఎందుకయ్యా అంటే సదరు వ్యక్తి బేబీ మూవీకి వీరాభిమాని. యాభైసార్లు పైగానే చూశాడట. సరే ఇంటి ఫుడ్డు తిన్నట్టు ఉంటుందని సాయి రాజేష్ వెళ్లారు.
పలకరింపు ఆతిధ్యాలు అన్నీ అయ్యాయి. అపార్ట్ మెంట్ వాసులు, స్టాఫ్ తదితరులతో సెల్ఫీలు తీయించి గొప్పగా పరిచయం చేశాడు. ఇక భోజనాల సమయంలో సాయి రాజేష్ కి రుచికరమైన పదార్థాలు వడ్డిస్తూహోస్టు ఒక రిక్వెస్ట్ చేశాడు. ఏంటయ్యా అంటే తన కూతురికి సమంత అంటే చాలా ఇష్టమని, ఎలాగైనా ఒక్క ఫోటో దిగే ఏర్పాటు చేయమని. దీంతో అసలు ట్విస్ట్ అప్పుడు అర్థమయ్యింది. అతను అప్పటిదాకా సాయి రాజేష్ ని ఓ బేబీ డైరెక్టర్ అనుకుని ఇన్ని మర్యాదలు చేశాడు. ఎలాగూ దర్శకుడు కాబట్టి ఆమెతో ఫోటో తీయించడం పెద్ద పని కాదనుకుని ఇలా విందుకు పిలిచి మరీ విన్నపం చేసుకున్నాడు.
సరే ఇంత జరిగాక ఏం చేయాలో అర్థం కాక శుభ్రంగా భోజనం చేసి రావడం సాయి రాజేష్ వంతైంది. కేవలం టైటిల్స్ లో ఉన్న ఒక్క అక్షరం వ్యత్యాసం ఇంత పని చేసిందన్న మాట. మరి ఓ బేబీ అసలు దర్శకురాలు నందిని రెడ్డి ఇదంతా చూస్తే ఏమనుకుంటారోనని నెటిజెన్లు సరదాగా కామెంట్ చేస్తున్నారు. బేబీ, ఓ బేబీ పేర్లలో సారూప్యత లాగే ఫలితం కూడా బాక్సాఫీస్ వద్ద అలాగే వచ్చింది. రెండు సూపర్ హిట్లే. ఇదంతా సాయి రాజేష్ తన సోషల్ మీడియా మాధ్యమం ద్వారా షేర్ చేసుకోవడంతో విషయం వెలుగులోకి వచ్చింది. తను ప్రస్తుతం బేబీ హిందీ రీమేక్ పనుల్లో ఉన్న సంగతి తెలిసిందే.
This post was last modified on July 6, 2024 12:53 pm
క్యాన్సర్ చికిత్సలో దశాబ్దాలుగా కొనసాగుతున్న పరిశోధనలు ఇప్పుడు సరికొత్త మలుపు తిరుగుతున్నాయి. వ్యాధిని గుర్తించడం, కణితులను తొలగించడం, కీమోథెరపీ, రేడియేషన్…
మహానటి వచ్చి ఎనిమిది సంవత్సరాలు గడిచిపోయాయి. అయినా సరే దాని ప్రభావం ఇండస్ట్రీ మీద ఇంకా చూస్తూనే ఉంటాం. ఆ…
ఐకాన్ స్టార్ అల్లు అర్జున్, దర్శకుడు బోయపాటి శీను కలయికతో గతంలో సరైనోడు వచ్చింది. బన్నీ మాస్ ఇమేజ్ అమాంతం…
ఆంధ్రప్రదేశ్ ప్రజలకు ప్రకృతి మరోసారి పరీక్ష పెట్టబోతోందా? ఇప్పటికే రెండు తుఫానుల ప్రభావంతో అతలాకుతలమైన రాష్ట్రానికి ఇప్పుడు మూడో తుఫాను…
మాజీ ముఖ్యమంత్రి వై.ఎస్. జగన్ మోహన్ రెడ్డి సొంత నియోజకవర్గమైన పులివెందులలో ఇటీవల జరిగిన స్థానిక సంస్థల ఎన్నికలు, రాజకీయ…
ఒక క్రేజీ మూవీకి సీక్వెల్ తెరకెక్కుతుంటే.. దాని నిర్మాత ఆ ప్రాజెక్టు నుంచి తప్పుకోవడం అరుదైన విషయం. ఏదైనా వివాదం…