యూత్ హీరో రాజ్ తరుణ్ సోలోగా హిట్టు కొట్టి చాలా గ్యాప్ వచ్చేసింది. నాగార్జున నా సామిరంగ సక్సెసైనప్పటికీ దాని వల్ల పెద్దగా ప్రయోజనం దక్కలేదు. ఈసారి తిరగబడరా సామీగా ప్రేక్షకుల ముందుకొస్తున్నాడు. గోపీచంద్ యజ్ఞంతో దర్శకుడిగా సూపర్ హిట్ అందుకుని ఆ తర్వాత కొన్ని ఫ్లాపులతో కొంత గ్యాప్ తీసుకున్న ఏఎస్ రవికుమార్ చౌదరి తిరిగి ఈ సినిమాతోనే కంబ్యాక్ అవుతున్నారు. ఇప్పటికే పలు వాయిదాల వల్ల ఆలస్యమవుతూ వచ్చిన ఈ ఎంటర్ టైనర్ లో మాన్వీ మల్హోత్రా, మన్నార్ చోప్రా హీరోయిన్లు కాగా జెబి, భోలే శాలిలి సంయుక్తంగా సంగీతం సమకూర్చారు.
ఇవాళ ట్రైలర్ లాంచ్ జరిగింది. కథేంటో గుట్టు దాచకుండా చెప్పేశారు. ఒక మాములు మధ్యతరగతి యువకుడు ఓ అమ్మాయి ప్రేమ వల్ల ప్రమాదకరమైన ఫ్యాక్షనిస్టుతో గొడవలు పడాల్సి వస్తుంది. అప్పటిదాకా ఎవరి మీదైనా చెయ్యి ఎత్తడానికి భయపడేవాడు ఏకంగా పదుల సంఖ్యలో గూండాలతో తలపడాల్సి వస్తుంది. అసలు సాఫ్ట్ గా సౌమ్యంగా ఉండే అబ్బాయి అంత వయొలెంట్ గా ఎందుకు మారాడనే పాయింట్ మీద రూపొందినట్టు కనిపిస్తోంది. రాజ్ తరుణ్ ని బాగా ఓవర్ మాస్ లో చూపించడమే కాక యజ్ఞం స్టయిల్ లో ఫ్యాక్షన్ బిల్డప్ పెట్టడం కొంచెం వెరైటీగానే ఉంది.
ఇప్పటిదాకా రాజ్ తరుణ్ కనిపించని కమర్షియల్ స్కేల్ లో తిరగబడరా సామీని తీశారు. విడుదల తేదీ ఇంకా ఖరారు చేయలేదు కానీ ఈ నెలాఖరులోపే ఉండొచ్చు. ఆగస్ట్ లో పోటీ ఎక్కువగా ఉన్న నేపథ్యంలో జూలైనే మొదటి ఆప్షన్ గా పెట్టుకున్నారు. తన ఇమేజ్ కి భిన్నంగా రాజ్ తరుణ్ చేసిన ప్రయోగం, తిరిగి తన మార్కు చాటాలని ప్రయత్నిస్తున్న రవికుమార్ పట్టుదల ఎలాంటి ఫలితం ఇస్తుందో చూడాలి. టీమ్ మాత్రం అన్ని వర్గాల ప్రేక్షకులను ఇది ఖచ్చితంగా అలరిస్తుందనే నమ్మకాన్ని వ్యక్తం చేస్తోంది. ఉయ్యాలా జంపాల, కుమారి 21 ఎఫ్ రేంజ్ సక్సెస్ కోసం రాజ్ తరుణ్ ఎదురు చూస్తున్నాడు.
This post was last modified on July 2, 2024 5:51 pm
దాదాపు రెండేళ్ల తర్వాత.. ఏపీలో మరోసారి ఎన్నికలకు రంగం రెడీ అవుతోంది. గ్రామ పంచాయతీ సహా.. స్థానిక సంస్థల ఎన్నికలకు…
పెద్ది రీ రికార్డింగ్ ఎక్కడిదాకా వచ్చిందో ఇంకా క్లారిటీ లేదు. అడుగుదామంటే దర్శకుడు బుచ్చిబాబు బయట కనిపించే పరిస్థితిలో లేరు.…
తెలంగాణలోని సింగిల్ థియేటర్లలో అద్దె విధానానికి స్వస్తి పలికి పర్సంటేజీ పద్ధతిని తీసుకురావాలని ఇక్కడి ఎగ్జిబిటర్లు ఎప్పట్నుంచో డిమాండ్ చేస్తూ…
తినుబండారాలు అంటే చాలా మందికి అర్థం కాదేమో. ఎందుకంటే మనోళ్లంతా ఇప్పుడు ఆ తినుబండారాలకు స్నాక్స్ అని పేరు పెట్టుకున్నారు…
తాజాగా జరిగిన తెలంగాణ ఎగ్జిబిటర్ల సమావేశంలో సింగల్ స్క్రీన్లకు పర్సెంటేజ్ విధానం అమలు చేయడం గురించి పెద్ద చర్చే జరిగింది.…
అప్డేట్స్ కంటే పుకార్లతో ఎక్కువ కాలక్షేపం చేస్తున్న సినిమా విశ్వంభర. చిరంజీవి అంతటి మెగాస్టార్ తో తీసిన ఈ ప్యాన్…