పిక్ టాక్: మళ్లీ అనసూయ మంటలు

జబర్దస్త్ కామెడీ షో కొన్నేళ్ల పాటు ప్రేక్షకులను ఒక ఊపు ఊపడంలో.. తెలుగు టెలివిజన్ చరిత్రలోనే ఏ కార్యక్రమానికి రానంత ఆదరణ దీనికి రావడానికి కేవలం కామెడీ కామెడీ స్కిట్లు మాత్రమే కారణమే కాదు.

ఆ షోకు అనసూయ భరద్వాజ్, రష్మి గౌతమ్ అద్దిన గ్లామర్ కూడా దాని విజయంలో కీలక పాత్ర పోషించాయి. ముఖ్యంగా అనసూయ ప్రతివారం చేసే గ్లామర్ విందు కోసమే ఈ షోను చూసేవాళ్లు పెద్ద సంఖ్యలోనే ఉండేవాళ్లు.

ఆ షో కోసం సూపర్ సెక్సీగా రెడీ అయ్యే క్రమంలో ఆ ఫొటోలనే సోషల్ మీడియాలో షేర్ చేస్తూ భారీగా అభిమాన గణాన్ని సంపాదించుకుంది అనసూయ. ఐతే ఈ షో నుంచి తప్పుకోగానే అనసూయ లైమ్ లైట్‌కు దూరమైంది. సినిమాల్లో నటిస్తున్నా సరే.. జబర్దస్త్‌లో ఉన్నప్పటి స్థాయిలో ఆమె సోషల్ మీడియా జనాలను ఎంగేజ్ చేయలేదన్నది వాస్తవం.

అయినా సరే.. అనసూయ తరచుగా సోషల్ మీడియా కుర్రకారులో సెగలు పుట్టిస్తూనే ఉంటుంది. ఈ మధ్యే ఫ్యామిలీతో వెకేషన్‌కు వెళ్లిన సందర్భంగా బికినీలో అనసూయ ఫొటోలు ఇంటర్నెట్‌ను వేడెక్కించిన సంగతి తెలిసిందే.

లేటెస్ట్‌గా అనసూయ ఓ ప్రైవేటు ప్రోగ్రాంలో శారీ లుక్‌లో దర్శనమిచ్చిన తీరు చూసి తన ఫ్యాన్స్ ఫిదా అయిపోయారు. సూపర్ సెక్సీగా, హాట్‌గా కనిపిస్తున్న ఈ ఫొటోలు సోషల్ మీడియాలో వెంటనే వైరల్ అయిపోయాయి.

కుర్రాళ్లను కవ్వించేలా స్టైలింగ్ చేయించుకోవడంలో హీరోయిన్లు కూడా అనసూయ ముందు దిగదుడుపే అని నెటిజన్లు కామెంట్లు చేస్తున్నారు ఈ ఫొటోలు చూసి. ప్రస్తుతం అనసూయ ‘పుష్ప-2’తో పాటు పలు చిత్రాల్లో నటిస్తోంది. తాజాగా ఆమె ఒక టీవీ ఛానెల్ కోసం ఒక కొత్త గేమ్‌ షోలోనూ పాల్గొంటోంది.