కొత్త సినిమా టైటిల్.. ఇర‌కాటంలో వైసీపీ

ఓవైపు క్యారెక్ట‌ర్, విల‌న్ రోల్స్ చేస్తూనే.. అప్పుడ‌ప్పుడూ హీరోగా కూడా ప‌ల‌క‌రిస్తుంటాడు టాలెంటెడ్ యాక్ట‌ర్ న‌వీన్ చంద్ర‌. అత‌ను హీరోగా తెర‌కెక్కిన కొత్త చిత్రం.. లెవెన్. ఈ పేరుతో ఎప్పుడో సినిమా మొద‌లైన‌ప్ప‌టికీ నిన్న‌టిదాకా దీని గురించి ఎవ‌రికీ తెలియ‌దు.

సైలెంటుగా సినిమా పూర్తి చేసి నేరుగా టీజ‌ర్‌తో ప్రేక్ష‌కుల‌ను ప‌ల‌క‌రించింది టీం. ఈ సినిమా టైటిల్ విన‌గానే జ‌నాల‌కు వేరే అంశం గుర్తుకు వ‌చ్చింది. ఆంధ్ర‌ప్ర‌దేశ్ అసెంబ్లీ ఎన్నిక‌ల్లో వైఎస్సార్ కాంగ్రెస్ పార్టీ ప‌ద‌కొండు సీట్లే గెలిచిన సంగ‌తి తెలిసిందే.

ఈ నంబ‌ర్ మీద ఇప్ప‌టికే చాలా ట్రోల్స్ వ‌చ్చాయి సోష‌ల్ మీడియాలో. గ‌డియారంలో 11వ నంబ‌ర్ ద‌గ్గ‌ర జ‌గ‌న్ ఫొటో పెట్టి కూడా ట్రోల్ చేస్తున్నారు టీడీపీ, జ‌న‌సేన వాళ్లు.

ఇప్పుడు సినిమా టైటిల్‌ లెవ‌న్ అని పెట్ట‌డంతో వైసీపీ కౌంట‌ర్‌గానే ఈ పేరు పెట్టారేమో అని కూడా జ‌నాలు అనుకుంటున్నారు. ఈ సినిమా ప్రెస్ మీట్లో విలేక‌రులు కూడా ఇదే విష‌యాన్ని ప్ర‌స్తావించారు. 11 నంబ‌ర్ ప్ర‌స్తుతం ట్రెండింగ్‌లో ఉంది కాబ‌ట్టే ఈ సినిమాకు ఈ పేరు పెట్టారా అని అడిగితే.. టీం స‌భ్యులు న‌వ్వేశారు.

త‌మ చిత్రం ఎప్పుడో మొద‌లైంద‌ని, టైటిల్ కూడా ఎప్పుడో పెట్టార‌ని.. దీని గురించి తాము ఏమీ స్పందించ‌లేమ‌ని అన్నాడు న‌వీన్ చంద్ర‌. ఇదిలా ఉంటే.. లోకేష్ అనే కొత్త ద‌ర్శ‌కుడు రూపొందించిన లెవెన్ ఇంట్రెస్టింగ్ క్రైమ్ థ్రిల్ల‌ర్ లాగే క‌నిపిస్తోంది.

చాలా క్రూరంగా హ‌త్య‌లు చేసే ఒక కిల్ల‌ర్‌ను ప‌ట్టుకోవ‌డానికి పోలీస్ ఆఫీస‌ర్ చేసే పోరాటం నేప‌థ్యంలో న‌డిచే సినిమా ఇది. టీజ‌ర్ ఉత్కంఠ‌భ‌రితంగా, ఆస‌క్తిక‌రంగా సాగి సినిమా మీద అంచ‌నాలు పెంచింది. త్వ‌ర‌లోనే ఈ చిత్రం ప్రేక్ష‌కుల ముందుకు రానుంది.