ఓజీ డేటుకి దేవర?

ముందు అనుకున్న ప్రకారం అయితే జూనియర్ ఎన్టీఆర్ సినిమా ‘దేవర’ విడుదలై రెండు నెలలు అవ్వాల్సింది. కానీ ఈ చిత్రాన్ని వేసవి రేసు నుంచి తప్పించి.. ఏకంగా అక్టోబరు 10కి వాయిదా వేసేసిన సంగతి తెలిసిందే. ఈ విషయంలో తారక్ అభిమానులు చాలా ఫీలయ్యారు. వాయిదా అంటే నెలో రెండు నెలలో ఉండాలి కానీ.. మరీ ఆరు నెలలేంటి అని అసంతృప్తి వ్యక్తం చేశారు.

ఐతే ముందు రిలీజ్ కావడం కంటే.. పర్ఫెక్ట్ సినిమా బయటికి వచ్చి బ్లాక్‌బస్టర్ కావడం ముఖ్యమని తర్వాత వాళ్లే సర్ది చెప్పుకున్నారు. కాగా తాజాగా వినిపిస్తున్న రూమర్ ఏంటంటే.. ‘దేవర’ ఇప్పుడు ఖరారైన డేట్ కంటే రెండు వారాలు ముందే ప్రేక్షకుల ముందుకు రావచ్చని. పవన్ స్టార్ పవన్ కళ్యాణ్ మూవీ ‘ఓజీ’ కోసం ఎంచుకున్న సెప్టెంబరు 27 మీద ‘దేవర’ టీం ఫోకస్ చేసిందట.

‘ఓజీ’కి డిజిటల్ హక్కుల విషయంలో ఉన్న ఇబ్బంది వల్ల దాన్ని వచ్చే ఏడాదికి వాయిదా వేసినట్లు ప్రచారం జరుగుతోంది. ఈ నేపథ్యంలోనే సెప్టెంబరు 27కి ‘లక్కీ భాస్కర్’ మూవీని ఫిక్స్ చేసింది ‘సితార ఎంటర్టైన్మెంట్స్’.

పవన్ సినిమా ఆ రోజు రిలీజైతే తామెలా వస్తామని నాగవంశీ ప్రశ్నించడాన్ని బట్టి ‘ఓజీ’ ఆ రోజు వచ్చే అవకాశం లేదని తెలుస్తోంది. కాగా అక్టోబరు 10న సూపర్ స్టార్ సినిమా ‘వేట్టయాన్’ కూడా రాబోతుండడంతో పాన్ ఇండియా మూవీకి క్లాష్ మంచిది కాదని ‘దేవర’ టీం భావిస్తోంది. అందుకే రెండు వారాలు ముందు, క్రేజీ డేట్ అయిన సెప్టెంబరు 27కి సినిమాను ప్రి పోన్ చేయడం గురించి ఆలోచిస్తున్నారట. ‘లక్కీ భాస్కర్’ కూడా అదే రోజు వచ్చినా పర్వాలేదు, లేదా అవసరమైతే వారం రోజులు వాయిదా వేయించొచ్చు. అందుకే అన్నీ చూసుకుని ఓజీ డేట్‌కు దేవరను ఫిక్స్ చేసే సూచనలున్నాయని అంటున్నారు.