బాలీవుడ్లో కథలకు బాగా కరువొచ్చేసింది. వాళ్లు ఈ మధ్య సౌత్ సినిమాల వైపు బాగా చూస్తున్నారు. ఇక్కడ ఏ సినిమా హిట్టయినా సరే.. అక్కడికి పట్టుకెళ్లిపోతున్నారు. మూల కథ తీసుకుని తమదైన టచ్ ఇచ్చి హిందీ ప్రేక్షకులకు అందిస్తున్నారు.
గత ఏడాది అర్జున్ రెడ్డి రీమేక్ కబీర్ సింగ్, టెంపర్ రీమేక్ సింబా భారీ విజయం సాధించాక సౌత్ సినిమాలపై వారికి మరింత గురి కుదిరింది. ముఖ్యంగా తెలుగులో హిట్టయ్యే ప్రతి సినిమానూ వాళ్లు ఆసక్తిగా గమనిస్తున్నారు.
నాని హీరోగా తెరకెక్కిన జెర్సీ సినిమా సైతం అదే పేరుతో హిందీలో రీమేక్ అవుతున్న సంగతి తెలిసిందే. ఈ కోవలోనే మరికొన్ని రీమేక్ల కబుర్లు వినిపిస్తున్నాయి. నిరుడు టాలీవుడ్లో పెద్ద బ్లాక్ బస్టర్లలో ఒకటిగా నిలిచిన ఇస్మార్ట్ శంకర్ సైతం హిందీలో రీమేక్ కాబోతున్నట్లు సమాచారం.
పెద్దగా అంచనాలు లేకుండా వచ్చిన ఇస్మార్ట్ శంకర్ సెన్సేషనల్ హిట్టయింది. మాస్ను ఉర్రూతలూగించింది. దీని డబ్బింగ్ వెర్షన్కు కూడా హిందీలో అదిరిపోయే రెస్పాన్స్ వచ్చిన నేపథ్యంలో రీమేక్కు సన్నాహాలు జరుగుతున్నాయట. ఐతే ఈ రీమేక్ కోసం వినిపిస్తున్న హీరో పేరే ఆశ్చర్యం కలిగిస్తోంది.
చాక్లెట్ బాయ్ రణబీర్ హిందీ ఇస్మార్ట్ శంకర్గా కనిపిస్తాడట. అతను పక్కా క్లాస్ హీరో. లుక్స్ కూడా అలాగే ఉంటాయి. కెరీర్లో ఇప్పటిదాకా ఒక్క మాస్ సినిమా కూడా చేయలేదు. ఏ రణ్వీర్ సింగ్ లాంటోడో అయితే ఇస్మార్ట్ శంకర్ రీమేక్కు పక్కాగా సరిపోతాడనుకోవచ్చు. టెంపర్ రీమేక్ సింబాలో కూడా అతను అదరగొట్టాడు.
మరి అలాంటి వాణ్ని కాదని రణబీర్ను ఎలా కన్సిడర్ చేస్తున్నారో మరి. మరోవైపు కొత్త ఏడాదిలో మంచి విజయాలు సాధించిన అల వైకుంఠపురములో, హిట్ చిత్రాల్ని కూడా హిందీలో రీమేక్ చేయడానికి సన్నాహాలు జరుగుతుండటం విశేషం.
This post was last modified on April 27, 2020 4:08 pm
వైసీపీలో ఇప్పటి వరకు ఓ మోస్తరు నేతలను మాత్రమే టార్గెట్ చేసిన కూటమి ప్రభుత్వం.. ఇప్పుడు పెద్ద తలకాయల జోలికి…
ఎంత హీరోలతో పని చేస్తున్నా సరే ఆయా దర్శకులకు అంత సులభంగా వాళ్ళ ప్రేమ, అభిమానం దొరకదు. ఒక్కసారి దాన్ని…
ముప్పై నాలుగు సంవత్సరాల తర్వాత ఈ రోజు విడుదలవుతున్న ఆదిత్య 369 సరికొత్త హంగులతో థియేటర్లలో అడుగు పెట్టేసింది. ప్రమోషన్ల…
ఏపీ రాజధాని అమరావతి పరిధిలోని రాష్ట్ర పాలనా యంత్రాంగానికి కీలక కేంద్రం అయిన సచివాలయంలో శుక్రవారం ఉదయం అగ్ని ప్రమాదం…
జనసేన అధినేత, ఏపీ డిప్యూటీ సీఎం పవన్ కల్యాణ్ కొత్త తరహా రాజకీయాలకు శ్రీకారం చుట్టారు. ఇప్పటిదాకా రాజకీయ నాయకులంటే……
కోర్ట్ రూపంలో ఇటీవలే బ్లాక్ బస్టర్ చవి చూసిన ప్రియదర్శి నెల తిరగడం ఆలస్యం ఏప్రిల్ 18న సారంగపాణి జాతకంతో…