మాములుగా తన ప్రొడక్షన్ నుంచి వస్తున్న సినిమా రిలీజ్ కు ముందు నిర్మాత దిల్ రాజు చేసే ప్రమోషన్లు మాములుగా ఉండవు. అయితే ఈ శనివారం మే 25 విడుదల కాబోతున్న లవ్ మీ ఇఫ్ యు డేర్ విషయంలో మాత్రం వ్యూహాత్మకంగా మౌనం పాటిస్తున్నారు. ది ఫ్యామిలీ స్టార్ విడుదల సమయంలో ఆయన చూపించిన కాన్ఫిడెన్స్, చెప్పిన మాటలు అన్నీ రిజల్ట్ వచ్చాక నీరుగారిపోయాయి. యావరేజ్ అయినా ఫీలయ్యేవారు కాదేమో కానీ మరీ దారుణంగా ఫ్లాప్ కావడం ఊహించలేదు. అందుకే లవ్ మీ కంటెంట్ మీద ఎంత నమ్మకం ఉన్నా సరే సక్సెస్ అయ్యాక మాట్లాడాలని నిర్ణయించుకున్నారు కాబోలు.
లవ్ మీ తీసిన ఆయన కూతురే అయినప్పటికీ నిర్మాణ తదితర వ్యవహారాలన్నీ రాజుగారే దగ్గరుండి చూసుకున్నారు. ప్రీ రిలీజ్ ఈవెంట్ లో ఆశిష్ మాట్లాడుతూ మూసుకున్న థియేటర్లన్నీ దీంతో తెరుచుకుంటాయని పెద్ద స్టేట్ మెంట్ ఇచ్చాడు. దిల్ రాజు మాత్రం రాజకీయ నాయకులకు జూన్ 4 ఎలాగో మాకు మే 25 అలా అని టీమ్ మొత్తానికి ఆల్ ది బెస్ట్ చెప్పారు. ఇవాళ మహేష్ బాబుతో ఎక్స్ వేదికగా ఓ పాటను రిలీజ్ చేయించారు. కీరవాణి సంగీతం ఆశించిన స్థాయిలో బజ్ తేలేకపోవడం లవ్ మీకి ప్రతికూలంగా మారింది. పైగా వైష్ణవి చైతన్య బ్రాండ్ కూడా ఏమంత పని చేయడం లేదు.
ఇవన్నీ గమనిస్తే మొదటి రోజు షోలయ్యాక పబ్లిక్ టాక్, రివ్యూలు చూశాకే దిల్ రాజు దీని గురించి స్పీడ్ పెంచుతారని అనుకోవచ్చు. గత ఏడాది బలగంకు ఇదే స్ట్రాటజీ ఫాలో అయ్యారు. హిట్ అయితే చాలనుకుంటే ఏకంగా బ్లాక్ బస్టర్ సక్సెస్ అందుకుంది. ఈ మధ్య హారర్ టచ్ ఉన్న సినిమాలు ఎక్కువే వచ్చాయి. మా ఊరి పొలిమేర 2, విరూపాక్ష, ఓం భీం బుష్, మంగళవారం, గీతాంజలి మళ్ళీ వచ్చింది ఇలా చెప్పుకోదగ్గ కౌంట్ లోనే బాక్సాఫీస్ ని పలకరించాయి. వీటిలో వర్కౌట్ అయినవే ఎక్కువ. మరి దెయ్యాన్ని ప్రేమించే పాయింట్ తో వచ్చిన లవ్ మీ ఇఫ్ యు కెన్ ఏ క్యాటగిరీలో వస్తుందో చూడాలి.
This post was last modified on May 22, 2024 1:52 pm
చిన్నారి పెళ్ళికూతురు సీరియల్తో చిన్న వయసులోనే దేశవ్యాప్తంగా భారీగా అభిమాన గణాన్ని సంపాదించుకున్న అమ్మాయి అవికా గోర్. ఆ గుర్తింపుతోనే…
నందమూరి అభిమానులు ఎన్నో ఏళ్ల నుంచి ఎదురు చూస్తున్న ప్రకటన రానే వచ్చింది. నందమూరి బాలకృష్ణ ముద్దుల తనయుడు మోక్షజ్ఞ…
టీడీపీ నాయకుడు, ఎమ్మెల్యే ఆదిమూలంపై వచ్చిన ఆరోపణలతో రాజకీయంగా వైసీపీ పుంజుకునే అవకాశం వచ్చిందనే చర్చ జరిగింది. నిన్న మొన్నటి…
బెంగళూరులో స్థానికేతరుల ఆధిపత్యం గురించి లోకల్స్ గొడవ చేయడం ఎప్పట్నుంచో ఉన్న సమస్య. ఈ మధ్య ఈ గొడవ మరింత…
వేసవిలో టాలీవుడ్ బాక్సాఫీస్ వెలవెలబోయాక ‘కల్కి’ జోరుతో కొంచెం కోలుకుంది. ఇటీవల ‘సరిపోదా శనివారం’ కొంత ఉత్సాహాన్నిచ్చింది. భారీ వర్షాల్లోనూ…
ఏపీ మాజీ సీఎం, వైసీపీ అధినేత జగన్ చాలా చాలా వెనుకబడి పోయారు. 11 మంది ఎమ్మెల్యేలు, 13 మం…