ఇంకో మూడు నెలల్లో ఆగస్ట్ 15 విడుదల కాబోతున్న పుష్ప 2 ది రైజ్ విడుదల తేదీలో ఎలాంటి మార్పు ఉండదనేది స్పష్టం. ప్రమోషన్లలో ఈ విషయాన్ని పదే పదే నొక్కి చెబుతున్నారు మైత్రి మేకర్స్. దీని మీదున్న క్రేజ్ చూసి పోటీ వచ్చేందుకు ఎవరూ సిద్ధంగా లేరు. అజయ్ దేవగన్ సింగం అగైన్ ఏవో కారణాలు చెప్పి తప్పించుకుంది కానీ నిజానికి క్లాష్ అయితే వచ్చే నష్టం తనకేనని తెలుసు కాబట్టే డ్రాప్ అయ్యిందనేది బహిరంగ రహస్యం. పైగా నార్త్ నుంచి సౌత్ దాకా పుష్ప మేనియా మాములుగా లేదు. కానీ కన్నడ స్టార్ శివరాజ్ కుమార్ మాత్రం పుష్ప 2ని ఢీ కొడతానని అంటున్నారు.
ఈయన హీరోగా భైరతి రణగల్ రూపొందుతోంది. బ్లాక్ బస్టర్ మఫ్టీకి కొనసాగింపు. గతంలో ఇక్కడ రీమేక్ చేయాలని చూశారు కానీ సాధ్యపడలేదు. రామ్ చరణ్, విజయ్ దేవరకొండలకు కథలు చెప్పి ఒప్పించలేకపోయిన నర్తన్ దీనికి దర్శకుడు. షూటింగ్ వేగంగా జరుగుతోంది. ప్యాన్ ఇండియా రిలీజ్ ప్లాన్ చేసుకున్నారు. అది కూడా ఆగస్ట్ 15. మరి పుష్ప 2తో తలపడటం రిస్క్ కదాని మేకర్స్ ని అడిగితే తమ కంటెంట్ మీద నమ్మకం ఉందని, ఇతర బాషా చిత్రాల కోసం రాజీ పడే సమస్యే లేదని అంటున్నారు. అంతే కాదు మల్టీ లాంగ్వేజ్ విడుదలకు ప్లాన్ చేస్తామని కుండ బద్దలు కొట్టేశారు.
ఇంత ధైర్యంగా ఉండేందుకు కారణం లేకపోలేదు. గత ఏడాది డిసెంబర్ లో సలార్ పార్ట్ 1 సీజ్ ఫైర్ వచ్చినప్పుడు కాటేరా ఆ తాకిడిని తట్టుకుని శాండల్ వుడ్ లో బ్లాక్ బస్టర్ అయ్యింది. హీరో దర్శన్ ప్రెస్ మీట్ లో చూపించిన కాన్ఫిడెన్స్ నిజమయ్యింది. మలయాళంలో మోహన్ లాల్ నేరు అదే సమయంలో వంద కోట్ల వసూళ్లు రాబట్టింది. ఇప్పుడు పుష్ప 2తోనూ తమకు అలాంటి ఫలితమే వస్తుందనే ధీమా భైరతి రణగల్ మేకర్స్ లో కనిపిస్తోంది. సప్తసాగారాలు దాటి సైడ్ ఏబి ఫేమ్ రుక్మిణి వసంత్ హీరోయిన్ కాగా కెజిఎఫ్ రవి బస్రూర్ సంగీతం సమకూర్చారు. తెలుగు డబ్ కూడా చేస్తారు.
This post was last modified on May 19, 2024 12:45 pm
చిన్నారి పెళ్ళికూతురు సీరియల్తో చిన్న వయసులోనే దేశవ్యాప్తంగా భారీగా అభిమాన గణాన్ని సంపాదించుకున్న అమ్మాయి అవికా గోర్. ఆ గుర్తింపుతోనే…
నందమూరి అభిమానులు ఎన్నో ఏళ్ల నుంచి ఎదురు చూస్తున్న ప్రకటన రానే వచ్చింది. నందమూరి బాలకృష్ణ ముద్దుల తనయుడు మోక్షజ్ఞ…
టీడీపీ నాయకుడు, ఎమ్మెల్యే ఆదిమూలంపై వచ్చిన ఆరోపణలతో రాజకీయంగా వైసీపీ పుంజుకునే అవకాశం వచ్చిందనే చర్చ జరిగింది. నిన్న మొన్నటి…
బెంగళూరులో స్థానికేతరుల ఆధిపత్యం గురించి లోకల్స్ గొడవ చేయడం ఎప్పట్నుంచో ఉన్న సమస్య. ఈ మధ్య ఈ గొడవ మరింత…
వేసవిలో టాలీవుడ్ బాక్సాఫీస్ వెలవెలబోయాక ‘కల్కి’ జోరుతో కొంచెం కోలుకుంది. ఇటీవల ‘సరిపోదా శనివారం’ కొంత ఉత్సాహాన్నిచ్చింది. భారీ వర్షాల్లోనూ…
ఏపీ మాజీ సీఎం, వైసీపీ అధినేత జగన్ చాలా చాలా వెనుకబడి పోయారు. 11 మంది ఎమ్మెల్యేలు, 13 మం…