ఈ వారం కొత్త రిలీజులకే జనం వస్తారో రారోననే అనుమానాలు నెలకొంటే మే 10 ఆర్ఆర్ఆర్ రీ రిలీజ్ చేయబోతున్నారు. నాటు నాటు పాటకు గాను ఆస్కార్ పురస్కారం అందుకున్నాక ఒకసారి తక్కువ స్క్రీన్లలో మళ్ళీ విడుదల చేశారు కానీ ఆశించిన స్పందన రాలేదు.
అప్పటికే ఆన్ లైన్, శాటిలైట్ ఛానల్స్ లో లెక్కలేనన్నిసార్లు చూసేయడంతో ప్రేక్షకులకు మళ్ళీ థియేటర్లకొచ్చేంత ఆసక్తి లేకపోయింది. ఇప్పుడు పరిస్థితిలో పెద్దగా మార్పేమి లేదు. ఆర్ఆర్ఆర్ వచ్చి కేవలం రెండు సంవత్సరాలే దాటింది. ఇంత అత్యవసరంగా మళ్ళీ జనం ముందుకు తీసుకురావాల్సిన అవసరం లేదు.
పొలిటికల్ హీట్ ఎక్కువగా ఉన్న సమయంలో పవన్ కళ్యాణ్ వకీల్ సాబే ఎలాంటి మేజిక్ చేయలేకపోయింది. ఉదయం వేసిన ఒకటి రెండు షోలు మినహాయించి పెద్దగా ఆడలేదని వసూళ్లు స్పష్టం చేశాయి. అలాంటప్పుడు ఆర్ఆర్ఆర్ తో పని జరగడం అనుమానమే.
అయినా రీ రిలీజ్ అంటే కనీసం పది సంవత్సరాల గ్యాప్ ఉంటేనే దాని తాలూకు అనుభూతులను మళ్ళీ పొందడానికి ఆడియన్స్ ఆసక్తి చూపిస్తారు. అంతే తప్ప ఇంకా మైండ్ లో ఫ్రెష్ గా ఉన్న ఎక్స్ పీరియన్స్ కోసం మళ్ళీ డబ్బులు ఖర్చు పెట్టమంటే అంత సులభంగా జరిగే పని కాదు. అయినా ఆర్ఆర్ఆర్ ధైర్యమేంటో మరి.
దీని సంగతమేమో కానీ రాజమౌళి మహేష్ బాబు కాంబో మూవీ ఎప్పుడు మొదలవుతుందనే దాని మీద మూవీ లవర్స్ ఎదురు చూస్తున్నారు. ఈ నెలాఖరున ప్రకటన వచ్చే అవకాశం లేకపోలేదు.
ఆర్ఆర్ఆర్ తో అంతర్జాతీయ స్థాయిలో మార్కెట్ పెంచుకున్న రాజమౌళి ఈసారి మహేష్ ని తోడుగా తీసుకోవడంతో అంచనాలు ఆకాశం దాటడమే కాదు బిజినెస్ పరంగానూ ఎవరూ టచ్ చేయలేని సరికొత్త ల్యాండ్ మార్క్స్ చూడబోతున్నాం. ట్రిపులార్ ప్రభంజనం చూసిన జపాన్, యుకె లాంటి విదేశీ బయ్యర్లు ఎంత రేట్ అయినా సరే ఎస్ఎస్ఎంబి 29 కోసం ఎగబడుతున్నారట. ఆర్ఆర్ఆర్ దెబ్బ అలాంటిది మరి.
This post was last modified on May 7, 2024 12:35 pm
కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్లో.. రాధిక ఆప్టే తెలుగు…
ఏపీ బీజేపీలో కొన్నాళ్లుగా అసంతృప్తితోనే నాయకులు ముందుకు సాగుతున్నారు. పార్టీలో ఏం జరుగుతోందో.. తమకు అర్థం కావడం లేదని కొన్నాళ్లుగా…
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…