టిల్లు స్క్వేర్ అనే సినిమాకు రిలీజ్కు ముందే మంచి హైప్ వచ్చింది. అడ్వాన్స్ బుకింగ్స్ కూడా జోెరుగా జరిగాయి. ఓపెనింగ్స్ కూడా అదిరిపోయాయి. అయినా సరే ఆ సినిమా స్థాయికి వంద కోట్ల వసూళ్లు అన్నవి అనూహ్యం. అది కూడా పది రోజుల్లోపే సాధించడం అసామాన్యం. వంద కోట్ల మైలురాయి తర్వాత కూడా ఈ చిత్రం ఆగట్లేదు. నిలకడగా వసూళ్లు సాధిస్తోంది. రిలీజైన మూడో వారం కూడా ఈ సినిమా బాక్సాఫీస్ లీడర్గా కొనసాగుతోంది.
తెలుగు రాష్ట్రాల్లోనే కాదు.. ఓవర్సీస్లోనూ ‘టిల్లు స్క్వేర్’ దూకుడు చూపిస్తోంది. తొలి వారం రోజుల్లోనే 2 మిలియన్ డాలర్ల మార్కును అందుకుని ఆశ్చర్యపరిచిన ‘టిల్లు స్క్వేర్’… రెండు, మూడు వీకెండ్లలో కూడా మంచి వసూళ్లు రాబట్టింది. ఇప్పుడు ఏకంగా 3 మిలియన్ డాలర్ల మైలురాయిని కూడా అందుకుంది ఈ చిత్రం.
మంగళవారం ఫుల్ రన్ అయ్యేసరికి ‘టిల్లు స్క్వేర్’ 3 మిలియన్ మార్కును టచ్ చేసింది. సంక్రాంతికి రిలీజైన క్రేజీ మూవీ ‘గుంటూరు కారం’ కన్నా ‘టిల్లు స్క్వేర్’ యుఎస్లో ఎక్కువ వసూళ్లు సాధించడం విశేషం. త్రివిక్రమ్, మహేష్ బాబు కాంబినేషన్ అంటే 4 మిలియన్ కేక్ వాకే అని అంచనాలు కలిగాయి. కానీ ఆ చిత్రం రెండున్నర మిలియన్ డాలర్లకు కాస్త ఎక్కువగా వసూళ్లు సాధించిందంతే. 3 మిలియన్ మార్కును కూడా అందుకోలేదు.
కానీ ‘టిల్లు స్క్వేర్’ లాంటి చిన్న సినిమా ఏకంగా 3 మిలియన్ డాలర్ల వసూళ్లు దాటేసింది. ఈ క్రమంలో పుష్ప, వాల్తేరు వీరయ్య సహా ఎన్నో పెద్ద సినిమాల యుఎస్ వసూళ్లను ‘టిల్లు స్క్వేర్’ అధిగమించడం విశేషం. ‘టిల్లు స్క్వేర్’ వరల్డ్ వైడ్ ఫుల్ రన్ వసూళ్లు రూ.130 కోట్ల దాకా ఉండే సంకేతాలు కనిపిస్తున్నాయి.
మెగా హీరోల సినిమాలకు సంబంధించి ఏ ఈవెంట్ అయినా.. అందులో ఎక్కడో ఒక చోట పవర్ స్టార్ పవన్ కళ్యాణ్…
హైదరాబాద్ శిల్పకళా వేదికలో జరిగిన పెద్ది సక్సెస్ మీట్ కోసం వేలాది అభిమానులు తరలివచ్చారు. ఈ సినిమాకు సంబంధించి ఇదే…
జనసేన అధినేత, ఏపీ డిప్యూటీ సీఎం పవన్ కల్యాణ్ ను టార్గెట్ చేస్తూ విపక్ష వైసీపీ ఇటీవల డోస్ పెంచిన…
ప్రతి సంవత్సరం విజయ్కి స్పెషల్ పిక్తో పుట్టిన రోజు శుభాకాంక్షలు చెప్పే త్రిష.. ఈసారి చెప్పలేదు. ఇన్స్టాగ్రామ్లో కూడా ఆయన్ని…
నిజమే…ఆ ఇద్దరూ కలిశారు. రాష్ట్ర అభివృద్ది కోసం రాజకీయాలను పక్కనపెట్టేశారు. అంతే… ఇద్దరు ముగ్గురయ్యారు. ఆ ముగ్గురూ నలుగురయ్యారు. వెరసి…
కొందరు స్టార్ హీరోయిన్లు కెరీర్ మంచి ఊపులో కొనసాగుతున్న టైంలోనే వ్యక్తిగత జీవితంలో సెటిల్ అవ్వాలని చూస్తుంటారు. ఈ క్రమంలో…